Shri Badrinath Dham: ਸ਼ੁਭ ਮਹੂਰਤ 'ਚ ਖੁੱਲ੍ਹੇ ... ਬਦਰੀਨਾਥ ਧਾਮ ਦੇ ਦਰਵਾਜ਼ੇ ਖੁੱਲ੍ਹੇ, ਕਰ ਲਵੋ ਦਰਸ਼ਨ, 20 ਹਜ਼ਾਰ ਤੋਂ ਵੱਧ ਸ਼ਰਧਾਲੂ

Shri Badrinath Dham Photos: ਕੇਦਾਰਨਾਥ ਧਾਮ ਦੇ ਦਰਵਾਜ਼ੇ ਸਵੇਰੇ 7 ਵਜੇ ਖੁੱਲ੍ਹੇ, ਜਦੋਂ ਕਿ ਉੱਤਰਕਾਸ਼ੀ ਜ਼ਿਲ੍ਹੇ ਵਿੱਚ ਸਥਿਤ ਯਮੁਨੋਤਰੀ ਧਾਮ ਦੇ ਦਰਵਾਜ਼ੇ ਸਵੇਰੇ 10:29 ਵਜੇ ਅਤੇ ਗੰਗੋਤਰੀ ਦੇ ਦਰਵਾਜ਼ੇ ਦੁਪਹਿਰ 12:25 ਵਜੇ ਖੋਲ੍ਹੇ ਗਏ ਸੀ। ਸ਼੍ਰੀ ਬਦਰੀਨਾਥ ਧਾਮ ਦੇ ਦਰਵਾਜ਼ੇ ਅੱਜ ਸਵੇਰੇ 6 ਵਜੇ ਆਰਮੀ ਬੈਂਡ ਦੀਆਂ ਸੁਰੀਲੀਆਂ ਧੁਨਾਂ ਵਿੱਚ ਪੂਰੀਆਂ ਰਸਮਾਂ, ਵੈਦਿਕ ਜਾਪ ਅਤੇ 'ਬਦਰੀ ਵਿਸ਼ਾਲ ਲਾਲ ਕੀ ਜੈ' ਦੇ ਨਾਅਰਿਆਂ ਨਾਲ ਸ਼ਰਧਾਲੂਆਂ ਲਈ ਖੋਲ੍ਹੇ ਗਏ।

Shri Badrinath Dham Photos: ਬਦਰੀਨਾਥ ਦੇ ਦਰਵਾਜ਼ੇ ਅੱਜ ਖੁੱਲ੍ਹ ਗਏ ਹਨ। ਦਰਸਅਲ  ਮੰਦਰ ਨੂੰ ਫੁੱਲਾਂ ਨਾਲ ਸਜਾਇਆ ਗਿਆ। ਉੱਤਰਾਖੰਡ ਦੇ ਚਾਰ ਧਾਮ ਵਿੱਚੋਂ ਤਿੰਨ ਧਾਮ ਸ਼੍ਰੀ ਕੇਦਾਰਨਾਥ, ਸ਼੍ਰੀ ਗੰਗੋਤਰੀ ਅਤੇ ਸ਼੍ਰੀ ਯਮੁਨੋਤਰੀ ਧਾਮ ਦੇ ਦਰਵਾਜ਼ੇ 10 ਮਈ ਨੂੰ ਪਹਿਲਾਂ ਹੀ ਖੋਲ੍ਹੇ ਜਾ ਚੁੱਕੇ ਹਨ। ਇਸ ਸਾਲ ਚਾਰਧਾਮ ਯਾਤਰਾ ਸ਼ੁਰੂ ਹੁੰਦੇ ਹੀ ਵੱਡੀ ਗਿਣਤੀ 'ਚ ਸ਼ਰਧਾਲੂ ਦਰਸ਼ਨਾਂ ਲਈ ਦੇਵਭੂਮੀ ਪਹੁੰਚ ਗਏ।

Shri Badrinath Dham Photos

#WATCH | Chamoli, Uttrakhand: The doors of Shri Badrinath Dham were opened for the devotees today at 6 am amidst the melodious tunes of the Army Band, with complete rituals, Vedic chanting and slogans of 'Badri Vishal Lal Ki Jai'. pic.twitter.com/lPSCXxKfvx

— ANI (@ANI) May 12, 2024

20 ਹਜ਼ਾਰ ਤੋਂ ਵੱਧ ਸੰਗਤਾਂ ਹਾਜ਼ਰ
ਵੈਦਿਕ ਜਾਪ ਅਤੇ ਸ਼੍ਰੀ ਬਦਰੀ ਵਿਸ਼ਾਲ ਲਾਲ ਕੀ ਜੈ ਦੇ ਨਾਅਰਿਆਂ ਨਾਲ ਬਦਰੀਨਾਥ ਧਾਮ ਦੇ ਦਰਵਾਜ਼ੇ ਖੋਲ੍ਹੇ ਗਏ। ਇਸ ਸਮੇਂ 20 ਹਜ਼ਾਰ ਤੋਂ ਵੱਧ ਸੰਗਤਾਂ ਹਾਜ਼ਰ ਸਨ। ਇਸ ਤੋਂ ਪਹਿਲਾਂ ਬ੍ਰਹਮਮੁਹੂਰਤਾ 'ਚ ਮੰਦਰ ਦੇ ਬਾਹਰ ਗਣੇਸ਼ ਪੂਜਾ ਕੀਤੀ ਜਾਂਦੀ ਸੀ। ਇਸ ਤੋਂ ਬਾਅਦ ਪੁਜਾਰੀਆਂ ਨੇ ਦਰਵਾਜ਼ੇ ਦੀ ਪੂਜਾ ਕੀਤੀ। ਮੰਦਰ ਦਾ ਦਰਵਾਜ਼ਾ ਤਿੰਨ ਚਾਬੀਆਂ ਨਾਲ ਖੋਲ੍ਹਿਆ ਗਿਆ।

ਦਰਵਾਜ਼ੇ ਖੁੱਲ੍ਹਦੇ ਹੀ ਸਭ ਤੋਂ ਪਹਿਲਾਂ ਦਰਸ਼ਨ ਅਖੰਡ ਜੋਤੀ ਦੇ ਹੋਣਗੇ। ਇਹ 6 ਮਹੀਨਿਆਂ ਤੋਂ ਜੋਤ ਜਗਾਈ ਗਈ ਹੈ। ਇਸ ਤੋਂ ਬਾਅਦ ਬਦਰੀਨਾਥ 'ਤੇ ਰੱਖੇ ਘਿਓ ਦੇ ਬਣੇ ਕੰਬਲ ਨੂੰ ਉਤਾਰਿਆ ਜਾਵੇਗਾ। ਜੋ ਕਿ 6 ਮਹੀਨੇ ਪਹਿਲਾਂ ਦਰਵਾਜ਼ੇ ਬੰਦ ਕਰਨ ਸਮੇਂ ਭਗਵਾਨ ਨੂੰ ਚੜ੍ਹਾਇਆ ਜਾਂਦਾ ਹੈ। ਇਹ ਕੰਬਲ ਪ੍ਰਸਾਦ ਵਜੋਂ ਵੰਡਿਆ ਜਾਂਦਾ ਹੈ। ਪਿਛਲੇ ਸਾਲ 14 ਨਵੰਬਰ ਨੂੰ ਮੰਦਰ ਦੇ ਦਰਵਾਜ਼ੇ ਬੰਦ ਕਰ ਦਿੱਤੇ ਗਏ ਸਨ।

ਤਿੰਨਾਂ ਧਾਮਾਂ ਦੇ ਦਰਸ਼ਨ ਲਈ ਪਹਿਲੇ ਦਿਨ ਰਿਕਾਰਡ 29,000 ਸ਼ਰਧਾਲੂਆਂ 
 ਸਭ ਤੋਣ ਅਹਿਮ ਗੱਲ ਹੈ ਕਿ ਰਾਜ ਸੂਚਨਾ ਵਿਭਾਗ ਦੇ ਅਨੁਸਾਰ, ਪਹਿਲੇ ਦਿਨ ਰਿਕਾਰਡ 29,000 ਸ਼ਰਧਾਲੂਆਂ ਨੇ ਕੇਦਾਰਨਾਥ, ਗੰਗੋਤਰੀ ਅਤੇ ਯਮੁਨੋਤਰੀ ਸਮੇਤ ਤਿੰਨਾਂ ਧਾਮਾਂ ਦੇ ਦਰਸ਼ਨ ਕੀਤੇ। ਇਨ੍ਹਾਂ ਵਿੱਚ ਦੇਸ਼-ਵਿਦੇਸ਼ ਤੋਂ ਵੀ ਸ਼ਰਧਾਲੂ ਸ਼ਾਮਲ ਹੋਏ। ਮੁੱਖ ਮੰਤਰੀ ਪੁਸ਼ਕਰ ਸਿੰਘ ਧਾਮੀ ਦੀਆਂ ਹਦਾਇਤਾਂ ਅਨੁਸਾਰ ਕੇਦਾਰਨਾਥ ਧਾਮ, ਕੇਦਾਰਨਾਥ ਫੁੱਟਪਾਥ, ਕੇਦਾਰਨਾਥ ਹਾਈਵੇਅ ਅਤੇ ਹੈਲੀਪੈਡ 'ਤੇ ਕਿਸੇ ਕਿਸਮ ਦੀ ਦਿੱਕਤ ਨਾ ਆਵੇ ਇਸ ਲਈ ਠੋਸ ਪ੍ਰਬੰਧ ਕੀਤੇ ਗਏ ਹਨ।

ਇਸ ਤੋਂ ਇਲਾਵਾ ਜ਼ਿਲ੍ਹਾ ਪ੍ਰਸ਼ਾਸਨ ਵੱਲੋਂ ਸੀਸੀਟੀਵੀ ਕੈਮਰਿਆਂ ਵਾਲਾ ਵੱਖਰਾ ਟਰੈਵਲ ਕੰਟਰੋਲ ਰੂਮ ਵੀ ਬਣਾਇਆ ਗਿਆ ਹੈ, ਜਿਸ ਵਿੱਚ ਸਟਾਫ਼ ਚੌਵੀ ਘੰਟੇ ਤਾਇਨਾਤ ਕੀਤਾ ਗਿਆ ਹੈ। ਇਸ ਤੋਂ ਇਲਾਵਾ ਹੈਲਪਲਾਈਨ ਨੰਬਰ 'ਤੇ ਯਾਤਰੀਆਂ ਵੱਲੋਂ ਦਰਜ ਕੀਤੀਆਂ ਸਮੱਸਿਆਵਾਂ ਦਾ ਵੀ ਹੱਲ ਕੀਤਾ ਜਾ ਰਿਹਾ ਹੈ।