దీపావళి పండుగ ముందే కేంద్రం ఉద్యోగులకు గుడ్‌న్యూస్‌ చెప్పింది. నిజానికి ఈ నెల 9వ తేదీ డీఏ ప్రకటిస్తారని ఉద్యోగులు ఎదురు చూశారు.
కానీ, ఆరోజు జరగలేదు నేడు బుధవారం ప్రధాన మంత్రి నరేంద్ర మోదీ నేతృత్వంలో డీఏ పెంచుతూ కేంద్ర కేబినెట్‌ ఆమోదం తెలిపింది.
దీంతో దీపావళి పండుగ ముందే కేంద్ర ప్రభుత్వ ఉద్యోగులకు తీపి కబురు అందింది. డీఏ పెంపుతో 3 నెలల బకాయిలు కూడా ఇవ్వాలని కేంద్ర కేబినెట్‌ మీటింగ్‌లో నిర్ణయం తీసుకున్నారు.
దీంతో కేంద్ర ప్రభుత్వ ఉద్యోగులకు జూలై, ఆగష్టు, సెప్టెంబర్‌ మూడు నెలలు కలిపి బకాయిలు కూడా అందించనున్నారు.
సాధారణంగా ప్రతి ఏడాది జనవరి, జూలై నెలలో డీఏ ప్రకటిస్తుంది కేంద్రం. జనవరిలో కూడా 4 శాతం పెంచింది. ఇప్పుడు 3 శాతం పెంచింది.
పెరిగిన డీఏతో కేంద్ర ప్రభుత్వ ఉద్యోగులకు సమాచారం ప్రకారం బేసిక్‌ పే ఆధారంగా జీతం పెరుగుతుంది.
ఒకవేళ ఉద్యోగి బేసిక్‌ పే రూ.40 వేలు ఉంటే పెరిగిన డీఏ 3 శాతంతో రూ.1200 పెరుగుతుంది.
అంటే బేసిక్‌పే, డీఏ, హెచ్‌ఆర్‌ఏ మొత్తం కలిపి రూ.61,200 అవుతుంది.
బేసిక్‌ పే రూ.40 వేలు ఉన్న ఉద్యోగి 3 శాతం డీఏ పెరిగితే రూ.1200 పెరుగుతుంది కాబట్టి మూడు నెలల బకాయిలు కలిపి రూ.3,600 అదనంగా అందుకుంటారు.
అక్టోబర్‌ నెలలో సదరు ఉద్యోగి జీతం ఈ నెలతో కూడా కలుపుకుంటే నాలుగు నెలల బకాయిలు ఉంటాయి.
దీంతో రూ.4,800 రానున్నాయి. రూ.64,800 సదరు ఉద్యోగి జీతం అందుకుంటాడు.