లోక్‌సభ స్పీకర్‌ను ఎలా ఎన్నుకుంటారు..? నియమ నిబంధనలు ఇవే..
లోక్ సభ కార్యకలాపాలు లోక్ సభ స్పీకర్ అని పిలవబడే ప్రిసైడింగ్ అధికారి నేతృత్వంలో జరుగుతాయి.
లోక్‌సభ స్పీకర్ సభ రోజువారీ పనితీరుకు అధ్యక్షతన వహిస్తారు. అంతే కాకుండా లోక్‌సభ స్పీకర్‌కు సభను నడపడానికి ప్రత్యేక అధికారాలు ఉంటాయి.
లోక్‌సభ స్పీకర్ కావాలంటే సభలో సభ్యుడిగా ఉండాలి. అయితే.. స్పీకర్‌ను ఎన్నుకోవడానికి రాజ్యాంగంలో నిర్దిష్ట అర్హతను ఏది నిర్దేశించలేదు.
లోక్‌సభ స్పీకర్‌గా తరచుగా అధికార పార్టీకి చెందిన సభ్యుడుగానే ఎన్నికవుతూ వస్తున్నారు.
అయితే, ఇతర పార్టీల సభ్యులతో సమావేశమైన తర్వాత ఈ నిర్ణయం తీసుకున్నారు.
లోక్‌సభ స్పీకర్ మరియు డిప్యూటీ స్పీకర్‌లను సభకు హాజరైన మరియు ఓటింగ్ చేసే మెజారిటీ సభ్యులు ఎన్నుకుంటారు.
లోక్‌సభ స్పీకర్ పదవి 5 సంవత్సరాలు ఉంటుంది. అతను లేదా ఆమె ఎన్నికైన రోజు నుండి తదుపరి లోక్‌సభ మొదటి సమావేశానికి ముందు వరకు పదవిలో ఉంటారు.
లోక్‌సభ స్పీకర్‌ను కూడా తిరిగి ఎన్నుకోవచ్చు. లోక్‌సభ రద్దు చేయబడిన వెంటనే అతను ఆ పదవిని ఖాళీ చేయరు.
లోక్ సభ స్పీకర్ స్వయంగా రాజీనామా చేసినా లేదా సభలో ఎక్కువ మెజారిటీతో మాత్రమే స్పీకర్ ను ఆ పదవి నుంచి దింపేయవచ్చు.