డయాబెటిస్‌కి ది బెస్ట్ కర్రీ.. ఇలా తింటే షుగర్ లెవెల్స్ కంట్రోల్..

ముఖ్యంగా మెంతికూరలో ఉండే కొన్ని ఆయుర్వేద గుణాలు డయాబెటిస్ ను నియంత్రించేందుకు కీలక పాత్ర పోషిస్తాయి.

అలాగే తరచుగా అనారోగ్య సమస్యలతో బాధపడేవారు మెంతికూరను తినడం వల్ల అద్భుతమైన ప్రయోజనాలు పొందుతారు.

మెంతికూరను వివిధ రకాల ఆహార పదార్థాలుగా తయారు చేసుకోవచ్చు. తెలుగు రాష్ట్రాల్లో ఎక్కువగా ఈ ఆకులతో పప్పును తయారు చేసుకుంటారు.

మెంతికూర పప్పు కూడా శరీరానికి అనేక రకాల లాభాలను అందిస్తుంది. అయితే దీనిని ఎలా తయారు చేసుకోవాలో.. కావలసిన పదార్థాలు ఏంటో ఇప్పుడు తెలుసుకోండి.

కావలసిన పదార్థాలు: మెంతికూర - 1 గుత్తి, పసుపు - 1/2 tsp, కారం - 1 tsp (రుచికి తగినంత), ఉప్పు - రుచికి సరిపడ

కావలసిన పదార్థాలు: నూనె - 2 టేబుల్ స్పూన్లు, జీలకర్ర - 1/2 tsp, ఎండు మిరపకాయలు - 2-3, కరివేపాకు - కొద్దిగా, తగినంత నీరు

తయారీ విధానం: ముందుగా మెంతి కట్టలను తీసుకొని వాటి ఆకులను వేరు చేసుకోవాల్సి ఉంటుంది. ఆ తర్వాత వీటిని బాగా శుభ్రంగా కడిగి పక్కన ఆరబెట్టుకోండి.

ఆ తర్వాత పెసరపప్పును ఒక చిన్న కప్పులో తగినంత వేసుకొని అందులో నీటిని పోసుకొని నానబెట్టుకోవాల్సి ఉంటుంది.

ఆ తర్వాత స్టవ్ పై బౌల్ పెట్టుకొని తగినంత నూనె వేసుకుని అన్ని రకాల పోపు దినుసులు వేసుకొని చిటపటలాడనివ్వాలి.. ఆ తర్వాత ఒక మిక్సీ జార్ లో వెల్లుల్లి రెబ్బలు, కారం, పసుపు వేసి మిక్సీ కొట్టుకోండి.

చిటపటలాడిన పోపు దినుసుల్లోనే మిక్సీ పట్టిన అన్ని రకాల మిశ్రమాన్ని వేసి బాగా కలుపుకొని కొద్దిసేపు వేయించుకోండి.

అన్ని బాగా వేగిన తర్వాత అందులోనే మెంతికూర పప్పు వేసి.. పప్పు మెత్తబడేంతవరకు బాగా ఉడికించుకోండి. ఉడికిన తర్వాత మసాలా, తగినంత ఉప్పు వేసుకొని సర్వ్ చేసుకోండి