ఎంతో రుచికరమైన మెంతి రైస్ తయారీ విధానం ఈరోజు తెలుసుకుందాం..
మెంతి రైస్ తయారీ కోసం.. ముందుగా ఒక పాత్రను స్టౌ పైన పెట్టుకొని అందులో కొద్దిగా నూనె వేయాలి.
నూనె వేడయ్యాక అందులో ఆవాలు, జీలకర్ర వేసి వేగిన తర్వాత ఇంగువ.. అలానే ఒక తరిగిన బంగాళాదుంపను వేసి వేయించుకోవాలి.
అనంతరం కొద్దిగా పచ్చి బఠానీలు వేసి 3 నుండి 4 నిమిషాలు ఉడికించాలి. దీని తర్వాత ఒక కప్పు మెంతి ఆకులు.. కొంచెం పసుపు వేసి ఉడికించుకోవాలి.
మరోవైపు తురిమిన కొబ్బరిని తీసుకుని మిక్సీ జార్‌లో వేసి అందులోని.. పచ్చిమిర్చి, కొత్తిమీర తరుగు, జీలకర్ర వేసి మెత్తగా రుబ్బాలి. ఈ మిశ్రమాన్ని మనం ముందుగా చేసుకున్న బంగాళాదుంప ఫ్రై లో కలుపుకోండి.
అందులోనే సరిపడినంత ఉప్పు వేసుకోండి. ఇక తర్వాత ఉడికించిన అన్నాన్ని పైన మనం తయారు చేసుకున్న మిశ్రమంలో వేసి కలుపుకోవాలి.
అంతే ఎంతో రుచికరమైన వేడి వేడిగా మెంతి రైస్ రెడీ. ఇది ఆరోగ్యానికి కూడా ఎంతో మంచిది.