లడ్డు అంటే ప్రతి ఒక్కరు ఇష్టపడతారు. మరి అలాంటి లద్దీలో ఎంతో ఆరోగ్యవంతమైన గోధుమ లడ్డు తయారీ విధానం ఒకసారి చూద్దాం
ముందుగా స్టవ్ పైన కళాయి పెట్టి అరకప్పు గోధుమ పిండిని వేసి ఉండలు కట్టకుండా వేయించండి
అది కాస్త వేగాక ఒక గిన్నెలో తీసుకొని పక్కన పెట్టుకోండి.
ఇప్పుడు అదే కళాయిలో ఒక కప్పు బెల్లం తురుమును, కొంచెం నీటిని వేసి తీగపాకంలా వచ్చేలా చేసుకోండి.
అదే సమయంలో వేయించి పెట్టుకున్న గోధుమ పిండిని కూడా వేసి బాగా కలపండి.
అలాగే గుప్పెడు బాదంపప్పులు, కిస్ మిస్ లు, తరిగిన జీడిపప్పులు, మూడు స్పూన్ల కొబ్బరి తురుమును కూడా వేసి బాగా కలపండి.
చివరిగా అర స్పూన్ యాలకుల పొడిని కూడా వెయ్యండి. ఇప్పుడు ఈ మిశ్రమం మొత్తం గట్టిపడేదాకా కలుపుతూ ఉండండి.
ఆ తర్వాత పావు కప్పు నెయ్యిని అందులో వేసి కలిపి చల్లారే వరకు వదిలేయండి
తర్వాత దాన్ని లడ్డులా చుట్టుకొని గాలి చొరబడని డబ్బాలో వేసుకోండి. అవి ఎక్కువ కాలం పాటు నిల్వ ఉంటాయి. అంతే ఎంతో రుచికరమైన గోధుమ లడ్డు రెడీ