అల్పాహారంలో ఇవి తింటే.. వందేళ్లయిన ఎముకలు అరగకుండా ఉంటాయి!

రోజు అల్పాహారంలో భాగంగా క్యాల్షియం, ఐరన్ ఎక్కువ మోతాదులో ఉండే ఆహారాలు తీసుకుంటే అద్భుతమైన ప్రయోజనాలు కలుగుతాయి. ఎముకల సమస్యలు కూడా రాకుండా ఉంటాయి.

రాగి పిండితో చేసిన ఆహారాల్లో క్యాల్షియం ఎక్కువ మోతాదులో లభిస్తుంది. కాబట్టి రోజు రాగి పిండితో చేసిన ఆహారాలు తింటే ఎముకలు శక్తివంతంగా తయారవుతాయి.

చాలామంది రాగి పిండితో రాగి జావా ఇతర ఆహార పదార్థాలను తయారు చేసుకుంటూ ఉంటారు. కానీ ఎప్పుడైనా రాగి పిండితో వడలను తయారు చేసుకొని చూశారా.?

రాగి పిండితో తయారు చేసిన వడలను పిల్లలు ఎంతో ఇష్టంగా తింటారు. అలాగే రాగి పిండితో వడలను సులభంగా తయారు చేసుకోవచ్చు.

ఇంట్లోనే ఇలా సులభంగా రాగి పిండితో వడలను అతి తక్కువ పదార్థాలతోనే ఇలా తయారు చేసుకోండి.

కావలసిన పదార్థాలు: రాగి పిండి - 1 కప్పు, ఉల్లిపాయ - 1 (చిన్నగా తరిగిన), పచ్చిమిర్చి - 2 (చిన్నగా తరిగిన), కరివేపాకు - కొద్దిగా, కొత్తిమీర - కొద్దిగా, ఉప్పు - రుచికి సరిపడా, నూనె - వేయించడానికి

తయారీ విధానం: ముందుగా ఈ వడలను తయారు చేసుకోవడానికి ఒక పెద్ద బౌల్ తీసుకోవాల్సి ఉంటుంది. అందులో తగినంత రాగి పిండి, ఉల్లిపాయ, పచ్చిమిర్చి, కరివేపాకు, కొత్తిమీర, ఉప్పు వేసి బాగా మిక్స్ చేసుకోండి.

ఇలా అన్ని మిక్స్ చేసుకున్న తర్వాత కొద్దికొద్దిగా నీటిని వేసుకుంటూ వడలకు అవసరమైనంత మిశ్రమం లాగా నీటిని వేసుకొని కలుపుకోండి.

ఇలా కలుపుకున్న పిండిని దాదాపు ఒక రెండు గంటల పాటు పక్కన పెట్టుకోండి. ఆ తర్వాత స్టవ్ పై ఓ పెద్ద మూకుడు పెట్టుకొని అందులో నూనెను వేసుకొని వేడి చేసుకోండి.

నూనె బాగా వేడి అయిన తర్వాత రాగి పిండితో చిన్నచిన్న వడలను వేసుకొని నూనెలో వేసుకోండి. వడలు రెండు వైపులా బాగా వేగిన తర్వాత తీసుకొని వేడివేడిగా సర్వ్ చేసుకోండి.