వెయిట్‌ లాస్‌ క్రెస్పీ దోసలు..

రోజు ఉదయాన్నే రాగి పిండితో చేసిన దోస తినడం వల్ల అద్భుతమైన లాభాలు పొందుతారని ఆరోగ్య నిపుణులు చెబుతున్నారు.

ముఖ్యంగా దీర్ఘకాలిక వ్యాధులతో రోజు ఇబ్బంది పడేవారు బ్రేక్ ఫాస్ట్‌లో తప్పకుండా రాగి దోసను చేర్చుకోండి.

ప్రతిరోజు అల్పాహారంలో రాగి దోసను చేర్చుకుంటే పొట్ట ఆరోగ్యంగా ఉండటమే.. కాకుండా బరువు కూడా తగ్గుతారు.

మీరు కూడా ఈ రాగి దోసను ఇంట్లోనే ఎంతో సులభమైన పద్ధతిలో తయారు చేసుకోవాలనుకుంటున్నారా? ఇంకెందుకు ఆలస్యం ఇప్పుడే ఇలా ట్రై చేయండి.

కావలసిన పదార్థాలు: రాగుల పిండి - 1 కప్పు, బియ్యం పిండి - 1/4 కప్పు, మినప పప్పు - 1 టేబుల్ స్పూన్, శనగ పప్పు - 1 టేబుల్ స్పూన్, జీలకర్ర - 1/2 టీ స్పూన్, పచ్చిమిర్చి - 2 (సన్నగా తరిగిన)

కావలసిన పదార్థాలు: అల్లం - 1/2 అంగుళం (సన్నగా తరిగిన), కరివేపాకు - కొద్దిగా, నూనె - దోస వేయించడానికి, ఉప్పు - రుచికి సరిపడా, నీరు - పిండి కలపడానికి

తయారీ విధానం: రాగి దోసను తయారు చేసుకోవడానికి ముందుగా రాగులు, బియ్యం, మిరప గుండ్లను దాదాపు పది గంటల పాటు నానబెట్టి ఉంచాల్సి ఉంటుంది.

ఆ తర్వాత ఇలా నానబెట్టిన అన్నింటిని మిక్సీ జార్లో వేసుకొని, అందులోనే జీలకర్ర, పచ్చిమిర్చి, అల్లం, కరివేపాకు వేసి మెత్తగా గ్రైండ్ చేసుకోండి.

ఇలా గ్రైండ్ చేసుకున్న తర్వాత తగినంత ఉప్పు, కారం వేసుకుని బాగా మిక్స్ చేసుకోండి. ఇలా మిక్స్ చేసుకున్న తర్వాత 15 నిమిషాల పాటు పక్కన పెట్టుకొని.. స్టవ్ పై పెనం వేడి చేసుకోండి.

వేడి చేసుకున్న పెనంపై చిన్న చిన్న దోసలు వేసుకొని.. వేడివేడిగా పల్లి చట్నీతో సర్వ్ చేసుకోండి. ఇలా వేసుకున్న దోశలు రోజు తింటే అధిక బరువు కూడా తగ్గుతారు.