ఉదయం టిఫిన్ అనగానే ముందుగా గుర్తొచ్చేది ఇడ్లీ. కానీ రోజు ఇడ్లీ తినాలన్నా మనకు చాలా బోర్ కొడుతూ ఉంటుంది..
అందుకే ఆ ఇడ్లీనే మరింత రుచిగా ఆరోగ్యకరంగా చేసుకునే విధానం ఒకసారి చూద్దాం.
200 గ్రాముల పచ్చి బఠానీలు మిక్సీ జార్లో వేసి కొంచెం రుబ్బుకున్న తరువాత అందులోనే అల్లం, పచ్చిమిర్చి, కొద్దిగా నీరు వేసుకొని బాగా మెత్తగా చేసుకోవాలి.
ఇంకో గిన్నెలో రవ్వ, పెరుగు వేసి బాగా కలిపి పక్కన పెట్టాలి.
ఇప్పుడు ఈ రెండు మిశ్రమాలను కలుపుకొని రుచికి సరిపడా ఉప్పును వేసుకొని.. ఈ మిశ్రమాన్ని పావు గంట సేపు వదిలేయాలి
ఇప్పుడు స్టవ్ మీద కళాయి పెట్టి నూనె వేసి... నూనె వేడెక్కాక ఆవాలు, మినప్పప్పు.. కరివేపాకులు వేసి వేయించాలి.
ఆ వేయించిన దాన్ని ఇడ్లీ మిశ్రమంలో కలుపుకొని.. ఇడ్లీ స్టాండ్ తీసుకొని దానికి కాస్త నూనె రాసి ఇడ్లీలను వేసుకోవాలి.
ఆవిరి మీద ఉడికిస్తే చాలు పావుగంటలో గ్రీన్ పీస్ ఇడ్లీ రెడీ అయిపోతుంది. ఈ ఇడ్లీ మనం మామూలు ఇడ్లీ కన్నా ఎంతో రుచిగా ఉంటుంది