Lockdownની આ એરલાઇન્સ પર પડી શકે છે ખરાબ અસર, 90 કર્મચારીઓને નહી મળે પગાર

નવી દિલ્હી: Lockdown ની ખરાબ અસર હવે સ્પષ્ટપણે જોવા મળી રહી છે. ભારતની ઘરેલૂ વિમાન કંપની ગો એર (GoAir)એ પોતાના 90 ટકા કર્મચારીઓને ઘરમાં જ બેસવાનો આદેશ આપ્યો છે. કંપનીએ સાથે જ સ્પષ્ટ કર્યું છે કે લોકડાઉનની આ સ્થિતિમાં તે પોતાના સ્ટાફને પગાર આપી શકે તેમ નથી. 

મીડિયા રિપોર્ટ્સ અનુસાર ગો એરએ પોતાના સ્ટાફને સૂચિત કર્યું છે કે તેમની પાસે કર્મચારીઓને આપવા માટે પૈસા નથી. સાથે જ સ્પષ્ટ કર્યું છે કે લોકડાઉન ખુલ્યા બાદ જ સ્ટાફને નોકરી પર બોલાવવામાં આવશે. આ દરમિયાન લગભગ 90 ટકા સ્ટાફને લીવ વિધાઉટ પે (leave without pay) પર મોકલી દેવામાં આવ્યો છે. એટલે કે તમામ કર્મચારીઓને પગાર વિના ઘરે બેસવાનો વારો આવ્યો છે. 

આ દરમિયાન કેન્દ્રીય નાગરિક ઉડ્ડયન મંત્રી હરદીપ પુરી તમામ એરલાઇનોને સ્પષ્ટ કહ્યું છે કે લોકડાઉન ખુલ્યા બાદ જ ટિકીટનું વેચાણ શરૂ કરે. મંત્રીએ એ પણ કહ્યું છે કે સરકારનો આદેશ આવે ત્યાં સુધી હાલ ટિકીટોનું વેચાણ થશે નહી. 

ઉલ્લેખનીય છે કે 25 માર્ચથી કોરોના વાયરસની સારવાર માટે આખા દેશમાં લોકડાઉન લાગૂ કરવામાં આવ્યું છે . તેના લીધે એરપોર્ટ્સ પણ બંધ છે. સરકારે કહ્યું કે 3 મે પહેલાં એરપોર્ટ્સ ખુલશે નહી.