CBSE 10th Board Exam 2021 Cancelled: રદ્દ થઈ સીબીએસઈ ધોરણ-10ની પરીક્ષા, હવે આ રીતે પાસ થશે Students

નવી દિલ્હીઃ CBSE Board Exam 2021 Live Updates - સીબીએસઈ બોર્ડ પરીક્ષાઓ (CBSE Board Exam 2021) ને લઈને મોટો નિર્ણય લેવામાં આવ્યો છે. ભારતમાં કોરોના સંક્રમણ (Coronavirus In India) ના વધતા કેસ વચ્ચે પ્રધાનમંત્રી નરેન્દ્ર મોદી અને શિક્ષણ મંત્રી રમેશ પોખરિયાલ નિશંકે વિદ્યાર્થીઓના હિતમાં નિર્ણય લીધો છે. આ હેઠળ ધોરણ 10ની પરીક્ષા રદ્દ કરવામાં આવી છે, જ્યારે ધોરણ 12ની પરીક્ષા સ્થગિત કરવામાં આવી છે. 

જાણો શિક્ષણ મંત્રાલયનો નિર્ણય
કેન્દ્રીય શિક્ષણ મંત્રી રમેશ પોખરિયાલ નિશંકે (Education Minister Ramesh Pokhriyal 'Nishank') બેઠક પૂરી થયા બાદ ટ્વીટ કરી આ નિર્ણયની જાણકારી આપી છે. સીબીએસઈ ધોરણ 12ની પરીક્ષા જૂનમાં લેવાશે. તેની તારીખ 1 જૂને જાહેર કરવામાં આવશે. ત્યારે દેશની સ્થિતિને જોતા નિર્ણય કરવામાં આવશે. તો ધોરણ 10ની પરીક્ષા સ્થગિત કરવામાં આવી છે. 

The decision has been taken keeping in mind the safety of the students. Class 10 students to be promoted on basis of internal assessment. If a student isn't satisfied with the assessment then he/she can appear for exam once the situation is normal: Education Minister pic.twitter.com/aBA4L2ZCjF

— ANI (@ANI) April 14, 2021

આ રીતે બનશે ધોરણ 10નું પરિણામ
સીબીએસઈએ બોર્ડની ધોરણ 10ની પરીક્ષા રદ્દ કર્યા બાદ વિદ્યાર્થીઓનું પરિણામ બનાવવા માટે નવો ક્રાઇટેરિયા બનાવ્યો છે. ધોરણ 10ના વિદ્યાર્થીઓને ઇન્ટરનલ એસેસમેન્ટના આધારે આગળના ધોરણમાં પ્રમોટ કરવામાં આવશે. જો કોઈ વિદ્યાર્થી આ ઈન્ટરનલ એસેસમેન્ટથી સંતુષ્ટ નથી તો તેને પરીક્ષા આપવાની તક આપવામાં આવશે. પરંતુ આ પરીક્ષા જ્યારે દેશમાં સ્થિતિ સામાન્ય થશે ત્યારે લેવામાં આવશે. કેન્દ્રીય શિક્ષણ મંત્રીએ આ માહિતી આપી છે. 

આ પણ વાંચોઃ દેશમાં વેક્સિન ચોરીની પ્રથમ ઘટના, આ રાજ્યની સરકારી હોસ્પિટલમાંથી 320 ડોઝની ચોરી

આ નિર્ણયથી મળી મોટી રાહત
પરીક્ષાઓ સ્થગિત કરવા માટે સીબીએસઈ બોર્ડ અને કેન્દ્ર પર રાજ્ય સરકારોનો ખુબ દબાવ હતો. વાલીઓ પણ આવા સમયમાં પરીક્ષાના આયોજનને લઈને સવાલ ઉઠાવી રહ્યાં હતા. આ નિર્ણય બાદ લાખો લોકોને રાહત મળી છે. હવે ધોરણ 12ની પરીક્ષાનું આયોજન સ્થિતિ સામાન્ય થયા બાદ થશે. આ માટે નવી તારીખો આગળ જાહેર કરવામાં આવશે.