2014માં અદાણી 609માં અમીર હતા, પછી જાદૂ થયો અને બીજા નંબર પહોંચી ગયાઃ રાહુલ ગાંધી

નવી દિલ્હીઃ કોંગ્રેસ નેતા રાહુલ ગાંધીએ મંગળવારે લોકસભામાં કહ્યું કે, ભારત જોડો યાત્રામાં તમિલનાડુથી લઈને કેરલ, મહારાષ્ટ્ર, મધ્યપ્રદેશ.... બધી જગ્યાએ એક નામ સાંભળવા મળ્યું અદાણી. દુનિયાના સૌથી ધનવાનોના લિસ્ટમાં 2014માં અદાણી 609માં સ્થાને હતા, સૌથી પાછળ. જાદૂ થયો તો બીજા નંબર પર પહોંચી ગયા. હિમાચલમાં સફરજનની વાત થાય તો અદાણી, કાશ્મીરમાં સફરજન તો અદાણી, પોર્ટ અને એરપોર્ટ દરેક જગ્યાએ અદાણી, રસ્તા પર ચાલી રહ્યાં છો તો અદાણી. 

લોકોએ પૂછ્યું કે અદાણીને સફળતા કેમ મળી. સૌથી જરૂરી સવાલ હતો તેનો હિન્દુસ્તાનના પ્રધાનમંત્રી સાથે શું સંબંધ છે અને કેવો સંબંધ છે. આ દરમિયાન કોંગ્રેસ સાંસદોએ લોકસભામાં મોદી હૈ તો મુમકિન હૈના નારા લગાવ્યા હતા. 

While walking during 'Bharat Jodo Yatra' we heard people's voices while we also kept our voices. We talked to children, women, elderly during the yatra: Congress MP Rahul Gandhi in LS pic.twitter.com/p6X1fp8Ch3

— ANI (@ANI) February 7, 2023

રાહુલ ગાંધીએ કહ્યું કે આજે જે રસ્તા પર ચાલો અને પૂછો કે કોણે બનાવ્યો છે તો અદાણીનું નામ આવશે. હિમાચલના સફરજન અદાણીના છે. દેશ જાણવા ઈચ્છે છે કે અદાણીનો પ્રધાનમંત્રી સાથે કેવો સંબંધ છે. તેમણે પીએમ મોદીની એક જૂની તસવીર કાઢી, તેને લઈને સત્તાપક્ષના સાંસદોએ હંગામો કર્યો હતો. સ્પીકર ઓમ બિરલાએ રાહુલ ગાંધીને ટોક્યા અને કહ્યું કે પોસ્ટરબાજી ન કરે. રાહુલ ગાંધીએ આરોપ લગાવ્યો કે અદાણી 2014માં 609માં નંબરે હતા અને આટલા સમયમાં બીજા સ્થાને પહોંચી ગયા. અસલી જાદૂ ત્યારે શરૂ થયો જ્યારે મોદી જી દિલ્હી આવ્યા. 

From Tamil Nadu, Kerala to Himachal Pradesh we have been listening one name everywhere 'Adani'. Across the entire country, it's just 'Adani', 'Adani', 'Adani'...people used to ask me that Adani enters any business and never fails: Congress MP Rahul Gandhi in LS pic.twitter.com/5LV5nRNM8V

— ANI (@ANI) February 7, 2023

રાહુલ ગાંધીએ કહ્યું કે, યુવા અમને પૂછી રહ્યાં છે કે અદાણી માત્ર 8-10 સેક્ટર્સમાં છે. તેવામાં તેમની સંપત્તિ 2014માં 8 બિલિયન ડોલરથી 2022માં 140 ડોલર કઈ રીતે પહોંચી ગઈ. રાહુલ ગાંધીએ કહ્યું કે એક નિયમ હતો જેની પાસે એરપોર્ટનો પૂર્વ અનુભવ નથી તેને એરપોર્ટના વિકાસમાં સામેલ કરવામાં આવતા નહોતા. ભારત સરકારે આ નિયમ બદલી નાખ્યો. 

રાહુલ ગાંધીએ કહ્યું, 'હું અડાણી અને મોદીના સંબંધો વિશે જણાવું છું. અડાણી મોદીના વફાદાર છે. જ્યારે 2014માં નરેન્દ્ર પીએમ બનીને દિલ્હી આવે છે તો પછી અસલ ખેલ શરૂ થાય છે.