ગલવાન ઘાટીમાં 3 જવાન શહીદ, રક્ષામંત્રીએ તાબડતોબ યોજી બેઠક, PMને આપી જાણકારી

નવી દિલ્હી: ભારત-ચીન વચ્ચે ચાલી રહેલા તણાવ વચ્ચે લદાખમાં ગલવાન ઘાટીમાં ભારત-ચીન સૈનિકો વચ્ચે સોમવારે મોડી રાતે હિંસક ઝડપ થઈ જેમાં ભારતીય સેનાના એક કમાન્ડિંગ ઓફિસર અને બે જવાન શહીદ થયાં. આ ઘટના બાદ એક હાઈ લેવલની બેઠક થઈ છે. આ બેઠકમાં રક્ષામંત્રી રાજનાથ સિંહની સાથે સેનાની ત્રણેય પાંખના વડા હાજર હતાં. આ ઉપરાંત CDS જનરલ બિપિન રાવત અને વિદેશ મંત્રી એસ જયશંકર પણ બેઠકમાં હાજર હતાં. 

આ બેઠકબાદ રાજનાથ સિંહ થોડીવારમાં પ્રધાનમંત્રી નરેન્દ્ર મોદીને લદાખની ઘટના અંગે જાણકારી આપી દીધી છે. અત્રે જણાવવાનું કે ગલવાન ઘાટીમાં છેલ્લા એક મહિનાથી ડિ-એસ્કેલેશનની પ્રક્રિયા ચાલે છે. આ પ્રક્રિયા દરમિયાન ચીની સૈનિકો સાથે હિંસક ઝડપ થઈ. સૂત્રોના જણાવ્યાં મુજબ ચીની સૈનિકો પાછળ હટવા તૈયાર ન હતાં. 

ગલવાન વેલીમાં 6 જૂનના રોજની મીટિંગ બાદ સૈનિકોને પાછળ હટાવવાની પ્રક્રિયા ચાલુ હતી. 6 જૂનના રોજ કોર કમાન્ડરની બેઠક થઈ હતી. જેમાં નક્કી થયું હતું કે સૈનિકો પાછળ હટશે. 

જુઓ LIVE TV