Crispy French Fries: આ 3 ટીપ્સ અપનાવી બનાવો ફ્રેન્ચ ફ્રાઈઝ, રેસ્ટોરન્ટમાં મળે એવી જ ક્રિસ્પી બનશે, પોચી નહીં પડે

આ સમસ્યાનું સમાધાન આજે તમને જણાવીએ. બનાવતી વખતે જો તમે આ ત્રણમાંથી કોઈ એક ટ્રીક અજમાવશો તો તમે ઘરે પણ રેસ્ટોરન્ટ જેવી જ કડક અને ટેસ્ટી ફ્રેન્ચ ફ્રાઈઝ બનાવી શકશો. આ રીતે ફ્રેન્ચ ફ્રાઈઝ બનાવશો તો કલાકો પછી પણ તે કડક જ રહેશે અને સોફ્ટ નહીં થાય. 

રેસ્ટોરન્ટ સ્ટાઇલ ફ્રેન્ચ ફ્રાઈઝ બનાવવી હોય તો બટેટાને સમારીને તેને બરફના ઠંડા પાણીમાં પલાળીને રાખો. બટેટાની ચિપ્સને અડધી કલાક સુધી પાણીમાં પલાળી રાખો અને પછી કપડાં વડે કોરી કરીને તેને ફ્રાય કરો. આમ કરવાથી ક્રિસ્પી ફ્રેન્ચ ફ્રાઇઝ બનશે.   

જો તમારે એકદમ રેસ્ટોરન્ટ સ્ટાઇલ ફ્રેન્ચ ફ્રાઈઝ બનાવવી હોય તો આ ટ્રીક અજમાવો. તેના માટે બટેટાને સમારી અને પાણીમાં પલાળો. અન્ય એક વાસણમાં પાણી ઉકળવા મૂકો. પાણી ઉકળી જાય એટલે તેમાં સમારેલી ફ્રેન્ચ ફ્રાઈઝ ઉમેરો અને 5 મિનિટ સુધી રાખો. ત્યાર પછી ફ્રાઈઝને બહાર કાઢી લો. જ્યારે ચીપ્સ નોર્મલ ટેમ્પરેચર પર આવી જાય તો તેને ઝીપ લોક બેગમાં ભરીને 2 કલાક સુધી ફ્રીઝરમાં રાખી દો. બે કલાક પછી તેને તળશો તો એકદમ રેસ્ટોરન્ટ જેવી ક્રિસ્પી થશે. 

જો તમે ઉતાવળમાં હોય અને ફ્રેન્ચ ફ્રાઈઝ ઝડપથી બનાવવી હોય તો બટેટાને સમારીને પાણીથી બરાબર ધોઈ લો. બટેટામાંથી સ્ટાર્ચ નીકળી જાય તે રીતે તેને 2, 3 વખત પાણીથી ધોવી અને પછી કોર્ન ફ્લોરમાં કોટ કરી લો. કોર્ન ફ્લોર ન હોય તો તમે ચોખાના લોટનો ઉપયોગ પણ કરી શકાય છે. ચિપ્સને લોટથી બરાબર કોટ કરીને તળશો તો એકદમ ક્રિસ્પી બનશે.