Top Affordable Cars: સસ્તી કાર લેવી હોય તો આંખ બંધ કરીને આ ચાર ગાડીઓ લઈ લેવાય, માઈલેજ પણ જબરદસ્ત!

આજે અમે તમને એવા કારો વિશે જણાવીશું જેમની કિંમત 5 લાખ કરતા ઓછી છે પરંતુ તેની માઈલેજ અને પરફોર્મન્સ કોઈ પણ બજેટ કારો કરતા સારી છે. જાણો આ કાર વિશે.   

આ યાદીમાં સૌથી પહેલું નામ ટાટા કંપનીની ટિયાગોનું આવે છે. આ એક બજેટ ફ્રેન્ડલી કાર છે. જે કોઈ પણ મિડલ ક્લાસ પરિવાર માટે બેસ્ટ ઓપ્શન છે. કંપનીએ આ  કારમાં 1.2 લીટર પેટ્રોલ એન્જિનનું ઓપ્શન આપ્યું છે. જે 86bhp ના મહત્તમ પાવર અને 113nm ના પીક ટોર્ક જનરેટ કરવાની તાકાત ધરાવે છે. ટાટાએ આ કારમાં સીએનજી પાવર ટ્રેનનું ઓપ્શન પણ આપ્યું છે. માર્કેટમાં આ કારની શરૂઆતની કિંમત 4 લાખ 99 હજાર રૂપિયા છે. 

યાદીમાં બીજા નંબરે મારુતિ સુઝૂકીની અલ્ટો કે10 આવે છે. આ પણ એક બજેટ ફ્રેન્ડલી કાર છે. આ કારમાં 1 લીટર ડ્યૂલ જેટ પેટ્રોલ એન્જિનનો વિકલ્પ મળે છે જે 67PS નો પાવર અને 89Nm નો ટોર્ક જનરેટ કરવાની તાકાત ધરાવે છે. આ કારમાં 5 સ્પીડ મેન્યુઅલ ટ્રાન્સમીશન કે એક ઓપ્શનલ AMT ટ્રાન્સમિશન મળે છે. આ કાર માર્કેટમાં 4.09 લાખ રૂપિયાથી શરૂ થાય છે. 

બજેટ ફ્રેન્ડલી કારમાં મારુતિ સુઝૂકીની S-Pressoનું પણ નામ આવે છે. કંપનીએ આ કારને સ્પેશિયલી ઓછા બજેટવાળા ગ્રાહકો માટે લોન્ચ કરી છે. આ કારની એક્સ શોરૂમ પ્રાઈસ 4.26 લાખ રૂપિયાથી શરૂ થાય છે. આ કારમાં પણ મારુતિ સુઝૂકી અલ્ટો K10 વાળું એન્જિન ઉપયોગ કરાયું છે. 

મારુતિની સેલેરિયો પણ એક બજેટ ફ્રેન્ડલી કાર છે. જે મિડલ ક્લાસના લોકોને ખુબ  પસંદ પડે છે. આ કારમાં 1.0 લીટરનું પેટ્રોલ એન્જિન આવે છે. જે 67bhp નો મહત્તમ પાવર અને 89nm નો પીક ટોર્ક જનરેટ કરવાની તાકાત ધરાવે છે. માર્કેટમાં આ કારની શરૂઆતની કિંમત 50 લાખ 36 હજાર રૂપિયાથી શરૂ થાય છે.