ના માધુરી-ના દિપીકા, આ અભિનેત્રીના Kissing સીનથી બોલીવૂડમાં મચ્યો હતો હગામો

બોલિવૂડ ફિલ્મોમાં કિસિંગ અને ઈન્ટિમેટ સીન આપવા સામાન્ય વાત છે અને સ્ટાર્સ પણ તે નિર્ભયતાથી કરે છે. કેટલીક ફિલ્મોને બોક્સ ઓફિસ પર ફેન્સ તરફથી જોરદાર પ્રેમ મળે છે, જ્યારે કેટલીક ફિલ્મો પોતાનું બજેટ પણ કમાઈ શકતી નથી અને ફ્લોપ સાબિત થાય છે. ઘણી ફિલ્મોમાં ઘણા બધા બોલ્ડ સીનનો સમાવેશ કરવામાં આવે છે, જેના કારણે વિવાદો ઉભા થાય છે અને સ્ટાર્સને ટીકાનો સામનો કરવો પડે છે. આજે અમે એ અભિનેત્રી વિશે જણાવી રહ્યા છીએ જેને કિસિંગ સીન કરવા બદલ લીગલ નોટિસ મળી હતી. આ સીનની આજે પણ ચર્ચા થાય છે. ચાલો જાણીએ કોણ છે એ હસીના.

વર્ષ 2006માં રિલીઝ થયેલી ફિલ્મ 'ધૂમ 2' બધાને યાદ છે. આ ફિલ્મ બોક્સ ઓફિસ પર જોરદાર કમાણી કરીને સુપરહિટ રહી હતી. આમાં ઐશ્વર્યા રાયે અભિનેત્રી તરીકે કામ કર્યું હતું. તેની સાથે ઋતિક રોશન અને અભિષેક બચ્ચન પણ જોવા મળ્યા હતા. 'ધૂમ 2'માં ઐશ્વર્યા રાય અને ઋતિક રોશનના કિસિંગ સીનની ખૂબ ચર્ચા થઈ હતી. આ પહેલો પ્રસંગ હતો જ્યારે ઐશ્વર્યા રાયે મોટા પડદા પર હીરો સાથે કિસિંગ સીન આપ્યો હતો.

અભિનેત્રી ઐશ્વર્યા રાયે વર્ષ 2012માં પોતાના એક ઈન્ટરવ્યુમાં જણાવ્યું હતું કે, ફિલ્મ 'ધૂમ 2'માં તેના કિસિંગ સીનને લઈને ફેન્સે તેમનેલીગલ નોટિસ મોકલી હતી. ફેને કહ્યું હતું કે, હું એક આઇકોનિક છું અને છોકરીઓ માટે એક ઉદાહરણ બેસાડું છું. અભિનેત્રીએ વધુમાં જણાવ્યું હતું કે, ફેન મને પડદા પર આ પ્રકારના સીન કરતા જોઈને જરાય કમ્ફર્ટેબલ નથી. ફેને પૂછ્યું કે, તેમણે આવું કેમ કર્યું.

અભિનેત્રી ઐશ્વર્યા રાયે વધુમાં કહ્યું હતું કે, મેં ફિલ્મમાં એકવાર કિસ કર્યું હતું, કારણ કે સ્ક્રિપ્ટ અને ડિરેક્ટરની માંગ હતી. હું માત્ર મારું કામ કરી રહી હતી. તેને જોયા બાદ ફેન્સ ગુસ્સે થઈ ગયા અને તેને નોટિસ મોકલી. અભિનેત્રીએ કહ્યું હતું કે, આ નોટિસ વાંચીને તે ખૂબ જ ચોંકી ગઈ હતી. ફેને તેની પાસે આ કામ માટે જવાબ માંગ્યો હતો.

ઐશ્વર્યા રાયે કહ્યું કે, આખી ત્રણ કલાકની ફિલ્મમાં માત્ર તે જ ક્ષણોની વાત કરવામાં આવી હતી. આ દરમિયાન અભિનેત્રીએ એ પણ કહ્યું હતું કે, 'ધૂમ 2' પહેલા તેણે કિસિંગ સીન કે ઈન્ટીમેટ સીન કર્યા નથી. કારણ કે તે તેમને કરવામાં આરામદાયક ન હતી. આ કારણથી તેણે હોલિવૂડની ઘણી ફિલ્મો રિજેક્ટ પણ કરી હતી.