કોડવર્ડમાં કેમ વાત કરતા હોય છે નાગા સાધુઓ? દાળ, મીઠું, લોટ...વગેરેને શું કહે છે, જાણીને દંગ રહી જશો

ઉત્તર પ્રદેશના પ્રયાગરાજ કુંભમેળામાં અત્યાર સુધીમાં 5 કરોડથી વધુ શ્રદ્ધાળુઓ ડુબકી લગાવી ચૂક્યા છે. મહાકુંભ અને કુંભ જેવા મોટા હિન્દુ પર્વ વખતે નાગા સાધુઓ ખુબ ચર્ચામાં રહે છે. સંસારિક મોહ માયા ત્યાગી ચૂકેલા નાગા સાધુઓ એક અલગ પ્રકારનું જ જીવન જીવે છે. 

બહુ ઓછા લોકોને ખબર હશે કે નાગા સાધુઓ કોડવર્ડમાં વાત કરે છે. અનેક ચીજો વિશે કોડવર્ડ છે જેની જાણકારી ફક્ત નાગા સાધુઓને જ હોય છે. જાણો તેમના કોડ વર્ડ વિશે. 

વાત જાણે એમ છે કે આ  કઈ આજકાલનું નથી. નાગા સાધુઓ મુઘલ અને અંગ્રેજોના સમયથી આ રીતે કોડવર્ડમાં વાત કરતા આવ્યા છે. તે વખતે પોતાની સૂચનાઓ ગુપ્ત રાખવા માટે નાગા સાધુઓ કોડવર્ડમાં વાત કરતા હતા.   

આ સાથે જ કોડવર્ડમાં વાત કરવાનું એક કારણ એ પણ છે કે જેથી કરીને તેમના અખાડામાં કોઈ ચોરી છૂપે કોઈ નકલી નાગા સાધુ સામેલ ન થઈ જાય. 

નાગા સાધુઓ લોટને ભસ્મી નામથી બોલાવે છે. એ જ રીતે દાળને પનિયારામ કહે છે. લસણને પાતાળ લોંગ (લવિંગ) નામથી બોલાવે છે. 

નાગા સાધુઓ મીઠાને રામરસ, મરચાને લંકારામ, ડુંગળીને લડ્ડુરામ, ઘીને પાણી અને રોટલીને રોટીરામ કહે છે. 

એ જ રીતે અખાડામાં જે  બેઠક હોય છે તેનો પણ  કોડવર્ડ હોય છે. જેને ચહેરા કહેવામાં આવે છે. એ જ રીતે જે જગ્યાએ અખાડાની કિંમતી વસ્તુઓ રાખવામાં આવે છે તેને મોહરા કહેવામાં આવે છે. 

નાગા સાધુઓના અખાડાની જે પણ બેઠક હોય છે તે મોહરાની સામે હોય છે.   

અહીં અપાયેલી માહિતી મીડિયા રિપોર્ટ, સામાન્ય માન્યતાઓ અને જાણકારીઓ પર આધારિત છે, ZEE 24 કલાક તેની પુષ્ટિ કરતું નથી.