17677426200 રૂપિયાના આ પેલેસેમાં છે માત્ર 5 બેડ રૂમ, 24 કેરેટ સોનાથી બનેલો છે બાથટબ; અંબાણીનું એન્ટિલિયા પણ ફેલ

સામાન્ય રીતે ચાર દિવાલો અને છતથી મળીને ઘર બને છે, પરંતુ દુબઈનું આ ઘર ચર્ચામાં રહ્યું છે. તેની કિંમત અંગે ચર્ચા ચાલી રહી છે. સૌથી મહત્વની વાત એ છે કે, માત્ર પાંચ રૂમવાળા આ ઘરની કિંમત સાંભળીને તમે ચોંકી જશો. કિંમત સાંભળ્યા પછી તમે વિચારવા લાગશો કે આ ઘરની ખાસિયત શું છે.

દુનિયાભરના અમીર લોકોએ દુબઈમાં રિયલ એસ્ટેટમાં રોકાણ કર્યું છે. અહીં રિયલ એસ્ટેટની ભારે માંગ છે. દુબઈમાં આવી જ એક જગ્યા છે 'માર્બલ પેલેસ' જ્યારે તમે તેની ખાસિયતો જાણશો તો તમને તેની કિંમત પણ સમજાઈ જશે.

અલ્ટ્રા-લક્ઝરી પેલેસ માર્બલ પેલેસ દુબઈના સૌથી મોંઘા વિસ્તારમાંથી એક અમીરાત હિલ્સ પર બનેલો છે. આ હવેલીનું નામ 'માર્બલ પેલેસ' એટલા માટે રાખવામાં આવ્યું છે, કારણ કે તેની અંદરની ખાસિયતો જોઈને તમારા મોંમાંથી 'વાહ તાજ' નીકળી જશે.

આ મહેલમાં માત્ર 5 બેડરૂમ છે, પરંતુ બાથરૂમ 19 છે. બેડરૂમ અને બાથરૂમ ઉપરાંત એક ડાઇનિંગ એરિયા, 15 કાર માટે પાર્કિંગ, ઇન્ડોર અને આઉટડોર સ્વિમિંગ પુલ, એક કોરલ રીફ એક્વેરિયમ અને ગોલ્ફ કોર્સ પણ છે.

ખાસ વાત એ છે કે, 60,000 સ્ક્વેર ફૂટમાં ફેલાયેલી આ પ્રોપર્ટીમાં માસ્ટર બેડરૂમની સાઈઝ 4,000 સ્ક્વેર ફૂટ છે. એટલે કે, આંગણું જો ફૂટબોલ મેદાન બરાબર હોય તો રૂમ એટલા મોટા છે કે તેમાં 4BHK ફ્લેટ બનાવી શકાય.

ઘરમાં 15-કાર ગેરેજ, 19 ટોયલેટ, ઇન્ડોરની સાથે-સાથે આઉટડોર પૂલ, બે ટેરેસ, કોરલ રીફ એક્વેરિયમ અને ઇલેક્ટ્રિકલ સબસ્ટેશન છે. અહીંથી ગોલ્ફ કોર્સનો નજારો દેખાય છે.

દુબઈનો આ માર્બલ પેલેસ કોઈ મહેલથી ઓછો નથી. તેનું બાંધકામ ઇટાલિયન માર્બલ પત્થરોથી કરવામાં આવ્યું છે. તેને બનાવવામાં 100 મિલિયન દિરહામનો ખર્ચ થયો હતો. તેને બનાવનાર કંપનીએ તેના વેચાણની જવાબદારી Luxhabitat Sotheby's International Realtyને સોંપી દીધી છે.

આ પેલેસને બનાવવામાં 12 વર્ષ લાગ્યા હતા. વર્ષ 2018માં આ પેલેસ બનીને તૈયાર થયો હતો. પેલેસમાં મહેમાનો માટે બનાવેલ સ્પેશિયલ ગેસ્ટ રૂમ 1,000 ચોરસ ફૂટનો છે.

પેલેસમાં 24-કેરેટ સોનાનો બાથટબ (Jacuzzi) ઉપરાંત 7 લાખ ગોલ્ડ લીફ શીટમાંથી બનેલા પાંદડાઓથી શણગારવામાં આવ્યો છે. 

સોથબી ઈન્ટરનેશનલ રિયલ્ટીની વેબસાઈટ પર માર્બલ પેલેસની કિંમત આશરે 17,67,74,26,200 રૂપિયાની આસપાસ છે. આ ઘરમાં એક જિમ, સિનેમા હોલ, બાથટબ (Jacuzzi) છે.