10000 રૂપિયા કમાતા લોકો પણ બનશે અમીર, માત્ર 50 રૂપિયાની રોજ કરો બચત; આ રીતે બનશો કરોડોપતિ!

જો તમે દરરોજ 50 રૂપિયાની બચત કરો છો, તો તમે દર મહિને 15,00 રૂપિયા બચાવશો. તમારે આ રકમ SIP દ્વારા દર મહિને મ્યુચ્યુઅલ ફંડમાં રોકાણ કરવાની રહેશે. લાંબા ગાળે તમે મ્યુચ્યુઅલ ફંડ દ્વારા તમારી જાતને કરોડપતિ બનાવી શકો છો.

મ્યુચ્યુઅલ ફંડ એ માર્કેટ સાથે જોડાયેલી સ્કીમ છે. આમાં રિટર્નની કોઈ ગેરંટી નથી. પરંતુ નિષ્ણાતોનું માનવું છે કે લાંબા ગાળે તે 12 થી 15 ટકાનું વળતર આપી શકે છે. જો તમે મ્યુચ્યુઅલ ફંડમાં દર મહિને રૂ. 15,00નું રોકાણ કરો છો. આ રોકાણ સતત 30 વર્ષ સુધી ચાલુ રાખો. 30 વર્ષમાં તમારું કુલ રોકાણ 5,40,000 રૂપિયા હશે. જો આપણે 15% વળતર ધારીએ તો રૂ. 99,74,731 (આશરે રૂ. 1 કરોડ) વ્યાજ તરીકે મળશે. રોકાણની રકમ અને વ્યાજ સહિત તમે કુલ 1,05,14,731 રૂપિયાના માલિક બનશો.

SIP એ લોકો માટે બેસ્ટ છે, જેઓ એકસાથે મોટી રકમનું રોકાણ કરી શકતા નથી. આમાં માત્ર 500 રૂપિયાથી રોકાણ શરૂ કરી શકાય છે અને વધુમાં વધુ રોકાણની કોઈ મર્યાદા નથી. આ ઉપરાંત તેનું વળતર પણ અન્ય યોજનાઓ કરતાં ઘણું સારું છે. આમાં કમ્પાઉન્ડિંગનો ફાયદો મળે છે. તમે તેમાં જેટલો લાંબો સમય રોકાણ કરશો તેટલો વધુ નફો કમાઈ શકશો.  

લાંબા ગાળાની SIPમાં તમને રૂપિયાની સરેરાશ કિંમતનો લાભ મળે છે. આ બજારનું જોખમ ઘટાડે છે અને લાંબા ગાળે સારું વળતર આપે છે. આવી સ્થિતિમાં તમે દર મહિને નાની બચતનું રોકાણ કરીને પણ લાંબા ગાળામાં એક મોટું ભંડોળ બનાવી શકો છો.

નાણાકીય નિયમ કહે છે કે, દરેક વ્યક્તિએ કોઈપણ સંજોગોમાં તેમની કમાણીમાંથી 20% રોકાણ કરવું જોઈએ. જો તમે દર મહિને 10,000 રૂપિયા કમાતા હોવ તો પણ તમારે ઓછામાં ઓછા 2,000 રૂપિયાનું રોકાણ કરવું જોઈએ. અહીં અમે ફક્ત 1,500 રૂપિયાના રોકાણ વિશે વાત કરી રહ્યા છીએ જે સરળતાથી કરી શકાય છે.