આ ત્રણ ભયંકર તારીખ નોંધી લેજો, ફેબ્રુઆરીમાં ઠંડી વચ્ચે ફરી વરસાદની આગાહી આવી

પહાડી રાજ્યોમાં ફરી એકવાર મોસમનો મિજાજ બદલાયો છે. કેમ કે ઉત્તરાખંડ, હિમાચલ પ્રદેશ અને જમ્મુ કાશ્મીરમાં હિમવર્ષા શરૂ થતાં ઠંડીનું મોજું ફરી વળ્યું છે. તો મેદાની વિસ્તારોમાં લોકોને સવારે ઠંડી અને બપોરે ગરમી એમ બેવડી સિઝનનો સામનો કરવો પડી રહ્યો છે. ત્યારે પહાડોથી લઈ મેદાન સુધી કેવો છે મોસમનો મિજાજ? 

એકબાજુ મેદાની રાજ્યોમાં ધીમે-ધીમે ગરમીની સિઝન શરૂ થઈ ગઈ હોય તેવું લાગી રહ્યું છે. ત્યારે પહાડી રાજ્યોમાં ફરી મોસમનો મિજાજ બદલાયો છે. અહીંયા ફરી હિમવર્ષા શરૂ થતાં લઘુત્તમ તાપમાન નીચે ગયું છે. જેના કારણે લોકોને ફરી ગરમ કપડાં પહેરવાની નોબત આવી છે. પ્રવાસન સ્થળ કુફરી-નરકંડા અને મનાલીના જાણીતા વિસ્તારોમાં બરફવર્ષા થઈ. જેના કારણે તાપમાનમાં 5થી 6 ડિગ્રીનો ઘટાડો નોંધાયો. આ તરફ ઉત્તરાખંડના ઉંચાઈવાળા વિસ્તારોમાં પણ વાતાવરણમાં પલટો આવ્યો છે. અહીંયા ક્યાંક હળવી બરફવર્ષા તો ક્યાંક વરસાદની પણ હવામાન વિભાગે આગાહી કરી છે. તેની વચ્ચે વાતાવરણ ઠંડુગાર બની ગયું છે.  

હવામાન નિષ્ણાંત અંબાલાલ પટેલની આગાહી કહે છે કે, 17-18-19 ફેબ્રુઆરીએ રાજ્યમાં વાદળછાયુ વાતાવરણ રહેશે. વાદળો આવવાથી જીરા અને ઘઉંના પાકોમાં અસર થશે. ગરમીના વટઘટથી ઘઉંના પાકમાં અસર જોવા મળશે. નબળા વેસ્ટર્ન ડિસ્ટબન સાથે પવન દૂર રહેશે. જેથી ગાંધીનગરના આસપાસના વિસ્તારોમાં પવન આંશિક રહેશે. રાજ્યના કેટલાક ભાગોમાં 17-18-19 તારીખે પવનની ગતિ 20 કિમી પ્રતિ કલાકથી ઉપર રહેશે. કેટલાક ભાગોમાં 18 કિમી પ્રતિ કલાકે રહેવાની શક્યતા છે. ઉત્તર અને પૂર્વ ગુજરાત અને કચ્છના ભાગોમાં પવનનું જોર વધુ રહેશે.

જમ્મુ કાશ્મીરના શ્રીનગરમાં પણ ઠંડીનું મોજું ફરી વળ્યું છે. અહીયા પ્રખ્યાત દાલ લેકમાં શિકારા બોટ તો ચાલવા લાગી છે. પરંતુ પ્રવાસીઓની સંખ્યા ઘટી ગઈ છે. વહેલીસવારે અને સાંજે અહીંયા લઘુત્તમ તાપમાન 1થી 5 ડિગ્રીની આસપાસ પહોંચી જાય છે. જેના કારણે દૂર-દૂરથી આવતાં પ્રવાસીઓને ફરજીયાત ગરમ કપડાં પહેરવા પડી રહ્યા છે. ગુજરાતમાં પણ વાદળછાંયુ વાતાવરણ રહેવાની આગાહી હવામાન નિષ્ણાંત અંબાલાલ પટેલે કરી છે. જેના કારણે ખેડૂતોની ચિંતામાં મોટો વધારો થયો છે. મેદાની રાજ્યોમાં સવારે ઠંડી અને બપોરે ગરમીનો અનુભવ થઈ રહ્યો છે. જેના કારણે લોકો પરેશાન થઈ ગયા છે. જોકે ફેબ્રુઆરી મહિનામાં ગરમી શરૂ થઈ જતાં હવામાન વિભાગ પણ ચિંતામાં મૂકાઈ ગયું છે.   

હિમાલય પર એક નવું વાવાઝોડું (વેસ્ટર્ન ડિસ્ટર્બન્સ) આવવાનું છે. આના કારણે ઉત્તર પ્રદેશ, પંજાબ, હરિયાણા અને રાજસ્થાન સહિત ઘણા રાજયોમાં વરસાદની શક્યતા છે. હિમાચલ પ્રદેશમાં હજુ લોકોને ઠંડીથી રાહત મળશે નહીં. હવામાન વિભાગે અહીં કોલ્ડવેવ એલર્ટ જારી કર્યું છે. સિક્કિમ અને હિમાલથી ૫શ્ચિમ બંગાળના લોકોને સવારના સમયે ગાઢ ધુમ્મસનો સામનો કરવો પડી શકે છે. ૨૦ ફેબ્રુઆરી સુધી અરૂણાચલ પ્રદેશમાં છૂટાછવાયાથી મધ્યમ વરસાદ અને હિમવર્ષાની સંભાવના છે. આગામી ૭ દિવસ દરમિયાન આસામ, મેઘાલય, નાગાલેન્ડ, મણિપુર, મિઝોરમ, ત્રિપુરા, પશ્ચિમ બંગાળ અને સિક્કિમમાં છૂટાછવાયાથી હળવો વરસાદ થવાની સંભાવના છે.૧૭ ફેબ્રુઆરીએ એક નવો વેસ્ટર્ન ડિસ્ટર્બન્સ આવવાની શક્યતા છે. આના કારણે ઘણા રાજયોના હવામાનમાં ફેરફાર થશે.હવામાન વિભાગના જણાવ્યા અનુસાર, ૧૭ થી ૨૦ ફેબુઆરી દરમિયાન જમ્મુ-કાશ્મીર, લદ્દાખ, ગિલગિટ, બાલ્ટિસ્તાન, મુઝફફરાબાદ અને ઉત્તરાખંડમાં વરસાદ અને હિમવર્ષા થઈ શકે છે. ૧૯ અને ૨૦ ફેબ્રુઆરીએ હિમાચલ પ્રદેશમાં, ૧૮ થી ૨૦ ફેબ્રુઆરી દરમિયાન રાજસ્થાનમાં, ૨૦ ફેબ્રુઆરીએ પંજાબ, હરિયાણા અને પશ્ચિમ ઉત્તર પ્રદેશમાં વરસાદની શક્યતા છે.