TATA Share: ટાટાનો આ સુતો શેર અચાનક જાગ્યો, ભાવમાં રોકેટની સ્પિડે વધારો, ₹356 પર પહોંચી કિંમત

Tata Company Share: ટાટા ગ્રુપની પાવર કંપની ટાટા પાવરના શેર આજે મંગળવારે ટ્રેડિંગ દરમિયાન ફોકસમાં છે. કંપનીના શેરમાં આજે 5% સુધીનો ઉછાળો જોવા મળ્યો હતો અને રૂ. 356.80ની ઈન્ટ્રાડે હાઈ પર પહોંચી ગયો હતો. તેનો અગાઉનો બંધ ભાવ રૂ. 340.10 હતો. તમને જણાવી દઈએ કે કંપનીએ શેરબજારને જણાવ્યું છે કે તે ટૂંક સમયમાં ડિસેમ્બર ક્વાર્ટરના પરિણામો જાહેર કરશે. આ માટે તારીખ જાહેર કરવામાં આવી છે.  

સોમવારે એક એક્સચેન્જ ફાઇલિંગમાં, ટાટા ગ્રૂપ કંપનીએ જણાવ્યું હતું કે ડિસેમ્બર ક્વાર્ટરના ઓડિટેડ નાણાકીય પરિણામો પર વિચારણા કરવા માટે તેની બોર્ડ મેમ્બરની બેઠક આવતા મહિને મંગળવારે, 4 ફેબ્રુઆરી, 2025ના રોજ યોજાશે. તમને જણાવી દઈએ કે BSE 100 ઇન્ડેક્સ પર લિસ્ટેડ Tata Power એ ઇલેક્ટ્રિક પાવર ડિસ્ટ્રિબ્યુશન કંપની છે. BSE પર તેનું વર્તમાન માર્કેટ કેપ રૂ. 1,13,849 કરોડ છે.  

તમને જણાવી દઈએ કે ટાટા ગ્રુપની કંપનીએ ગયા મહિને પાડોશી દેશ ભૂટાનમાં મોટા રોકાણની જાહેરાત કરી હતી. ટાટા પાવરના CEO અને MD પ્રવીર સિન્હાએ ડિસેમ્બરમાં ભૂટાનના રૂ. 6,900 કરોડના ખોલોગચુ હાઇડ્રોપાવર પ્રોજેક્ટ પર બાંધકામ શરૂ થવાની માહિતી આપી હતી.   

પૂર્વીય ભૂટાનમાં ખોલોંગચુ નદી પર 600 મેગાવોટનો પ્રોજેક્ટ સપ્ટેમ્બર 2029 સુધીમાં કાર્યરત થવાનો અંદાજ છે. ભારતની બહાર હાઈડ્રો પાવર પ્લાન અંગે કંપનીએ તાજેતરમાં કહ્યું હતું કે, અમે ભૂટાન પર નજર રાખી રહ્યા છીએ. ખોલોંગચુ પર ટનલ ડાયવર્ઝન વર્ક ખાતે 600 મેગાવોટના પ્રોજેક્ટ માટે કામ શરૂ થઈ ગયું છે.

ટાટા ગ્રુપના સીઈઓ અનુસાર, ટાટા કંપની 2030 સુધીમાં તેની ઓપરેશનલ ક્ષમતાને 32 GW સુધી વિસ્તરણ કરવા માટે આશરે રૂ. 1.46 લાખ કરોડનું રોકાણ કરે તેવી અપેક્ષા છે. FY24માં ટાટા પાવરની સ્થાપિત ક્ષમતા 15.6 GW હતી, જેમાંથી રિન્યુએબલ એનર્જી 6.7 GW હતી.

BSE એનાલિટિક્સ અનુસાર ટાટા પાવરના શેરમાં છેલ્લા કેટલાક અઠવાડિયા અને મહિનાઓથી ઘટાડો જોવા મળી રહ્યો છે. આ સ્ટોક આ વર્ષે અત્યાર સુધીમાં માત્ર એક મહિનામાં 17% અને 10 ટ્રેડિંગ દિવસોમાં 10% ઘટ્યો છે. જો કે, છેલ્લા 2 વર્ષમાં ટાટાના શેરમાં 64 ટકાનો વધારો થયો છે, જ્યારે 5 વર્ષમાં તે 472 ટકા વધ્યો છે.  

(આ રોકાણની સલાહ નથી. શેરબજારમાં રોકાણ કરવું જોખમી છે. કોઈપણ રોકાણ કરતા પહેલા એક્સપર્ટની સલાહ લો.)