City Of Vegetarians: ગુજરાતમાં વિશ્વનું એકમાત્ર શહેર, જ્યાં સંપૂર્ણ રીતે પ્રતિબંધિત છે નોનવેજ ફૂડ્સ

ગુજરાતના ભાવનગર જિલ્લામાં સ્થિત પાલીતાણા શહેરે ઈતિહાસ રચી દીધો છે. હવે તે દુનિયાનું પ્રથમ એવું શહેર બની ગયું છે, જ્યાં માંસાહારી ભોજનના વેચાણ અને ખાવા પર સંપૂર્ણ રીતે પ્રતિબંધ લગાવી દેવામાં આવ્યો છે.   

આ ઐતિહાસિક નિર્ણયની પાછળ જૈન મુનિનું સતત વિરોધ પ્રદર્શન રહ્યું છે. 2014માં લગભગ 200 જૈન મુનિએ શહેરમાં લગભગ 250 કસાઈની દુકાનોને બંધ કરાવવાની માંગને લઈને ભૂખ હડતાલ કરી હતી.   

સરકારે જૈન સમુદાયની ભાવનાઓનું સન્માન કરતા આ પ્રતિબંધ લાગૂ કર્યો છે. હવે પાલીતાણામાં ન માત્ર માંસ અને ઈંડાનું વેચાણ બંધ છે, પરંતુ જાનવરોને કાપવાનું પણ વર્જિત છે. જે લોકો આ નિયમ તોડશે તેના માટે દંડની જોગવાઈ છે. 

આ પગલું અનેક રીતે મહત્વપૂર્ણ છે. આ જૈન ધર્મના અનુયાયિઓ માટે એક મોટી જીત છે અને તેની ધાર્મિક માન્યતાઓના સન્માનનું પ્રતીક છે. સાથે તે શાકાહારી જીવનશૈલીને પ્રોત્સાહન આપવાની દિશામાં મોટું પગલું છે. 

પાલીતાણા શહેર મુખ્ય રૂપથી જૈન તીર્થ સ્થળના રૂપમાં જાણીતું છે અને આ નિર્ણય તેની પવિત્રતાને બનાવી રાખવામાં મદદ કરશે. આ સિવા. શહેરમાં હવે ઘણા શાકાહારી રેસ્ટોરન્ટ ખુલી ચૂક્યા છે, જે સ્વાદિષ્ટ અને વિવિધ પ્રકારના શાકાહારી ભોજન આપે છે. 

જો કે, આ નિર્ણયના ટીકાકારો પણ છે. કેટલાક લોકો માને છે કે આ ખાવાની સ્વતંત્રતામાં દખલ છે. તે જ સમયે, કેટલાક કહે છે કે આનાથી શહેરના પ્રવાસન પર અસર પડી શકે છે, કારણ કે ઘણા પ્રવાસીઓ માંસાહારી ખોરાક પસંદ કરે છે.