Chahal-Dhanashree Divorce : કોર્ટમાં ચહલ અને ધનશ્રી વચ્ચે શું થઈ વાતચીત ? કેટલા કરોડમાં થયા છૂટાછેડા ?

Chahal-Dhanashree Divorce : ભારતીય ક્રિકેટર યુઝવેન્દ્ર ચહલ અને ધનશ્રી વર્માના છૂટાછેડા થઈ ગયા છે. બંનેએ મુંબઈની ફેમિલી કોર્ટમાં છૂટાછેડાની અંતિમ પ્રક્રિયા પૂરી કરી હતી. 

આ સાથે તેઓએ જજને એ પણ જણાવ્યું કે તેઓ છેલ્લા 18 મહિનાથી એકબીજાથી અલગ રહે છે. એટલું જ નહીં બંનેએ છૂટાછેડા લેવા પાછળનું કારણ પણ જણાવ્યું.

મીડિયા અહેવાલ મુજબ, યુઝવેન્દ્ર ચહલ અને ધનશ્રી વર્માના છૂટાછેડાની અંતિમ સુનાવણી પહેલા જજે બંનેને કાઉન્સેલર પાસે મોકલ્યા હતા, લગભગ 45 મિનિટ સુધી કાઉન્સેલિંગ ચાલ્યું હતું. 

જ્યારે જજે ધનશ્રી અને યુઝવેન્દ્રને પ્રશ્નો પૂછ્યા તો બંનેએ કહ્યું કે તેઓ એકબીજાથી પરસ્પર સહમતિથી જ છૂટાછેડા લઈ રહ્યા છે. એટલું જ નહીં અન્ય એક સવાલના જવાબમાં બંનેએ જજને એમ પણ કહ્યું કે બંને છેલ્લા 18 મહિનાથી અલગ રહે છે.

જ્યારે ન્યાયાધીશે ધનશ્રી અને યુઝવેન્દ્રને તેમના અલગ થવાનું કારણ પૂછ્યું તો બંનેએ કહ્યું કે તેઓ સુસંગતતાને કારણે એકબીજાને છૂટાછેડા આપવા માગે છે. સવાલ-જવાબ પછી જજે જાહેર કર્યું કે આજથી બંને પતિ-પત્ની નથી. તમને યાદ અપાવી દઈએ કે, ચાર વર્ષ પહેલા યુઝવેન્દ્ર અને ધનશ્રીએ લવ મેરેજ કર્યા હતા.

મીડિયા રિપોર્ટ અનુસાર દાવો કરવામાં આવી રહ્યો છે કે યુઝવેન્દ્ર ધનશ્રીને 60 કરોડ રૂપિયાની મોટી એલિમોની રકમ આપવી પડી શકે છે. જો કે, હજી સુધી તેની પુષ્ટિ થઈ નથી, પરંતુ જો તે સાચું છે તો યુઝવેન્દ્ર ચહલ માટે આ રકમ મોટી હોઈ શકે છે.