Mahabharat: મહાભારતમાં દ્રૌપદી નહીં પણ આ સ્ત્રી હતી સૌથી સુંદર, શ્રીકૃષ્ણ પણ હતા મોહિત

Mahabharat: મહાભારતમાં ઘણી સ્ત્રીઓને સામાન્ય રીતે સુંદર માનવામાં આવે છે. પરંતુ દ્રૌપદી સૌથી સુંદર કહેવાય છે પરંતુ તેના કરતાં પણ વધુ સુંદર એક બીજી સ્ત્રી હતી. જે તે મહિલાને જોઈ લે તો તેના પર મુગ્ધ બની જતા હતા. તે સમયના ઘણા રાજાઓ તેની સાથે લગ્ન કરવા માંગતા હતા પરંતુ તેણીએ એક વ્યક્તિ સાથે લગ્ન કરી લીધા જેણે તેનું અપહરણ કર્યું હતું. જોકે તે પણ આ જ પુરુષ સાથે લગ્ન કરવા માંગતી હતી.

મહાભારતમાં બે સ્ત્રીઓને સૌથી સુંદર સ્ત્રી માનવામાં આવે છે. અગ્નિમાંથી જન્મેલી દ્રૌપદી તેની અસાધારણ સુંદરતા અને શક્તિ માટે જાણીતી હતી. તેણે જોનાર તામ લોકો તેનાથી આકર્ષિત થઈ જતા હતા. સ્વયંવર પહેલા ઘણા રાજાઓ અને રાજકુમારો ઈચ્છતા હતા કે દ્રૌપદી તેમની પત્ની બને પરંતુ એવું થઈ શક્યું નહીં. સ્વયંવરમાં ઉપર ફરતી માછલીની આંખને વીંધનાર અર્જુને તેનું વરણ કર્યું.

કૃષ્ણ પણ હતા તેના પર મોહિત
પરંતુ જો શાસ્ત્રો અને મહાભારતનું માનીએ તો એક બીજી મહિલા મહાભારત દરમિયાન હાજર હતી, જેની સુંદરતા માટે જાણીતી હતી. ભગવાન કૃષ્ણ સુધી તેમના માટે મોહિત હતા. તે બીજું કોઈ નહીં રૂકમણી હતી. જે બાદમાં ભગવાન કૃષ્ણની પત્ની બન્યા. કૃષ્ણએ અપહરણ કરીને તેમની સાથે લગ્ન કર્યા હતા.

તેમની સુંદરતાએ રાજાઓ ઉપર પણ કર્યો જાદુ
રૂકમણિને ધન અને સમૃદ્ધિની દેવી લક્ષ્મીનો અવતાર માનવામાં આવે છે. અલગ અલગ ગ્રંથોમાં રૂકમણિની સુંદરતાની તુલના દિવ્ય પ્રાણીઓ સાથે કરવામાં આવે છે. તેમની ચમક અને આકર્ષણે ઘણા લોકોને મોહિત કર્યા, જેમાં શક્તિશાળી રાજા પણ હતા, જેમણે રૂકમણિ સાથે વિવાહ કરવા માટે હાથ માંગ્યો હતો.

તેમનો ભાઈ જબરદસ્તીથી બીજે કરાવવા માંગતો હતો લગ્ન
રૂકમણિને વિવાહ પહેલા કૃષ્ણ સાથે પ્રેમ હતો. તેમણે મનોમન નક્કી કર્યું હતું કે જો તેઓ લગ્ન કરશે તો કૃષ્ણ સાથે જ કરશે. જોકે તેમના ભાઈ રૂક્મી કઈ બીજે કરાવવા માંગતો હતો. ત્યારે રૂકમણિએ કૃષ્ણને સંદેશ મોકલ્યો હતો કે તેને લગ્ન બીજે ક્યાંક થતા રોકવા અને તેનું અપહરણ કરવા જણાવ્યું હતું.

રાવણ પણ જોઈને મંત્રમુગ્ધ થઈ ગયો
રૂક્મણિની સુંદરતા એટલી અપાર હતી કે લંકાનો રાજા રાવણ, જેની પાસે અનેક અપસરાઓ હતી. તેમ છતાં રૂક્મણિને જોઈને મંત્રમુગ્ધ થઈ ગયો હતો. આ તેમની સુંદરતાની અતુલ્યતા દર્શાવે છે. તેમને મહાભારતની સૌથી સુંદર સ્ત્રી માનવામાં આવતી હતી.

કયા દેશની રાજકુમારી હતી રૂક્મણિ
તે વિદર્ભના રાજા ભીષ્મકની પુત્રી હતા. રાજાને પાંચ પુત્ર હતા. રૂક્મણિની પાસે જે લોકો આવતા જતા હતા, તે શ્રીકૃષ્ણની પ્રશંસા કર્યા કરતા હતા. કહ્યા કરતા હતા કે શ્રીકૃષ્ણ અલૌકિક પુરુષ છે. દુનિયામાં તેમના જેવા બીજા કોઈ પુરુષ નથી.

તેમણે વિચારી લીધું હતું કે તેમના પતિ કોણ હશે
ત્યારે રૂક્મણિએ મનોમન નક્કી કરી લીધું હતું કે તે શ્રીકૃષ્ણને છોડીને કોઈ પણ પુરુષને પતિના રૂપમાં પસંદ નહીં કરે. જ્યારે શ્રીકૃષ્ણ સુધી તેમની સુંદરતા અને ગુણોની જાણકારી પહોંચી ચૂકી હતી. જોકે, રાજા ભીષ્મકના મોટા પુત્ર રૂક્મી શ્રીકૃષ્ણ સાથે શત્રુતા હતી. તે પોતાની બહેન રૂક્મણિના વિવાહ શિશુપાલ સાથે કરાવવા માંગતા હતા, કારણ કે શિશુપાલ પણ શ્રીકૃષ્ણ સાથે દ્ધેષ રાખતો હતો. ભીષ્મકે પોતાના મોટા પુત્રની ઈચ્છાનુસાર રૂક્મણિના વિવાહ શિશુપાલ સાથે કરાવવાનો નિર્ણય કર્યો. લગ્નનો દિવસ પણ નક્કી થઈ ગયો.

ત્યારે કૃષ્ણને અપહરણની કરવાની વિનંતી કરી
જ્યારે રૂક્મણિને આ તમામ વાતોની જાણ થઈ ત્યારે તે દુખી થઈ. તેમણે શ્રીકૃષ્ણની પાસે સંદેશ મોકલ્યો કે મેં તમને મારા પતિના રૂપમાં સ્વીકાર કર્યા છે. તમને છોડીને કોઈ પુરુષની સાથે વિવાહ કરવા માંગતી નથી. મારા પિતા મારી ઈચ્છા વિરુદ્ધ શિશુપાલની સાથે મારા લગ્ન કરાવવા માંગે છે. લગ્નની તારીખ પણ નક્કી થઈ ચૂકી છે. હું ઈચ્છું છું કે જ્યારે હું મંદિર પહોંચું ત્યારે તમે આવીને પત્નીના રૂપમાં મને સ્વીકાર કરો અને સાથે લઈ જાવ. જો એવું ના બન્યું તો હું મારા પ્રાણ ત્યાગી દઈશ. ત્યારે શ્રીકૃષ્ણ રથ પર સવાર થઈને ઝડપથી ત્યાં પહોંચ્યા અને બીજી બાજુ શિશુપાલ મોટી સંખ્યામાં જાનૈયાઓ લઈને વિદર્ભની રાજધાની કુંદિનપુર પહોંચ્યો. આ જાનૈયામાં એ તમામ રાજા હતા, જે કૃષ્ણ સાથે શત્રુતા રાખતા હતા.

તે આ સુંદર સ્ત્રીના લગ્નનો દિવસ હતો...
શહેર લગ્ન માટે દુલ્હનની જેમ શણગારવામાં આવ્યું હતું. મંગળ ગીતો ગવાતા હતા. આખા નગરમાં મોટી સંખ્યામાં ચહલ પહલ હતી. ત્યારે લગ્નના રિવાજ માટે રૂક્મણિ સજીને ગિરિજા મંદિર પહોંચી ત્યારે કૃષ્ણનો રથ મંદિરની સામે ઉભો હતો. કૃષ્ણ એ ઝડપથી હાથ પકડ્યો અને તેમણે રથ પર બેસાડીને ઝડપથી દ્વારકા બાજુ દોડાવ્યો.

પછી કૃષ્ણ સાથે ભયંકર યુદ્ધ
રૂક્મી આ સાંભળીને ક્રોધથી કાંપી રહ્યો હતો. તેણે મોટી સંખ્યામાં સેના લઈને શ્રીકૃષ્ણનો પીછો કર્યો. પ્રતિજ્ઞા કરી કે કાં તો તે શ્રીકૃષ્ણને બંદી બનાવીને પાછો ફરશે, અથવા તો કુંદિનપુરમાં પોતાનું મોઢું બતાવશે નહીં. રૂક્મી અને શ્રીકૃષ્ણ વચ્ચે જોરદાર યુદ્ધ થયું. શ્રીકૃષ્ણએ તેણે યુદ્ધમાં હરાવીને પોતાના રથ સાથે બાંધી દીધો, પરંતુ બલરામે તેણે છોડાવી દીધો. તેમણે શ્રીકૃષ્ણને કહ્યું કે, રૂક્મી હવે આપણો સંબંધી થઈ ગયો છે. કોઈ સંબંઘીને આ પ્રકારનો દંડ આપવો યોગ્ય નથી.

ભગવાન શ્રીકૃષ્ણ એ રૂક્મણિને દ્વારકા લઈ જઈને તેની સાથે વિધિવત વિવાહ કર્યા. પ્રદ્યુમ્ન તેમના ગર્ભથી ઉત્પન્ન થયા હતા, જે કામદેવનો અવતાર હતો.