Allu Arjun: ୪ ଘଣ୍ଟା ଧରି ପୋଲିସ ପଚାରିଲା ପ୍ରଶ୍ନ, ଉତ୍ତର ରଖିଲେ ଅଲ୍ଲୁ ଅର୍ଜୁନ

Pushpa 2 Stampede Case: ଡିସେମ୍ବର ୪ ତାରିଖରେ 'ପୁଷ୍ପା-୨'ର ସ୍କ୍ରିନିଂ ସମୟରେ ଷ୍ଟାମ୍ପଡେଡ ଭାଙ୍ଗିବା ଏବଂ ମହିଳାଙ୍କ ମୃତ୍ୟୁ ଘଟଣାରେ ପୋଲିସ ପକ୍ଷରୁ ଅଲ୍ଲୁ ଅର୍ଜୁନଙ୍କୁ ବିଭିନ୍ନ ପ୍ରଶ୍ନ କରାଯାଇଛି ।

Pushpa 2 Stampede Case: ଡିସେମ୍ବର ୪ ତାରିଖରେ ଫିଲ୍ମ 'ପୁଷ୍ପା-୨'ର ସ୍କ୍ରିନିଂ ସମୟରେ ହୋଇଥିବା ଷ୍ଟାମ୍ପଡେ ଘଟଣାର ତଦନ୍ତ ସଂପର୍କରେ ସାଉଥ ସୁପରଷ୍ଟାର ତଥା ଅଭିନେତା ଅଲୁ ଅର୍ଜୁନ ପୋଲିସ ନିକଟରେ ହାଜର ହୋଇଛନ୍ତି । ମଙ୍ଗଳବାର ଦିନ ଚିକ୍କାଡପାଲି ଥାନାରେ ହାଜର ହେବା ପରେ ଦୀର୍ଘ ୪ ଘଣ୍ଟା ଧରି ତାଙ୍କୁ ଅନେକ ପ୍ରକାରର ପ୍ରଶ୍ନ ପଚରାଯାଇଥିଲା । ପୂର୍ବରୁ ଅଭିନେତାଙ୍କୁ ନୋଟିସ ଜାରି କରାଯାଇ ଆଜି ସକାଳ ୧୧ ଟା ସମୟରେ ଥାନାରେ ହାଜର ହେବାକୁ କୁହାଯାଇଥିଲା। ଥାନା ଛାଡିବା ପୂର୍ବରୁ ସେ ହାତ ହଲାଇ ଜନତାଙ୍କୁ ଅଭିବାଦନ ଜଣାଇଥିଲେ।

ପୋଲିସ ଅଭିନେତାଙ୍କୁ ପଚାରିଥିବା ପ୍ରଶ୍ନ ଭିତରେ ରହିଛି ଯେ,  ଆପଣ ଜାଣିଛନ୍ତି କି ପୋଲିସକୁ ସିନେମା ପ୍ରିମିୟରକୁ ଆସିବାକୁ ଦିଆଯାଇନଥିଲା? ପୋଲିସର ଅନୁମତି ନ ପାଇ କିଏ ସ୍ୱତନ୍ତ୍ର ସ୍କ୍ରିନିଂରେ ଯୋଗଦେବାକୁ ନିଷ୍ପତ୍ତି ନେଇଛି? ଆପଣ ମହିଳାଙ୍କ ମୃତ୍ୟୁ ବିଷୟରେ କେବେ ଜାଣିଲେ?

ପୋଲିସ କ’ଣ ଦାବି କରିଛି?
ଡିସେମ୍ବର ୪ ରେ 'ପୁଷ୍ପା-୨'ର ସ୍କ୍ରିନିଂ ସମୟରେ ଷ୍ଟାମ୍ପଡେଡ ଭାଙ୍ଗିବା ପରେ ଅଲୁ ଅର୍ଜୁନ ସିନେମା ହଲରୁ ବାହାରି ନଥିଲେ ବୋଲି ପୋଲିସ ଦାବି କରିଛି। ଏହି ଷ୍ଟାମ୍ପଡରେ ଜଣେ ମହିଳାଙ୍କ ମୃତ୍ୟୁ ଘଟିଛି। ନିକଟରେ ହାଇଦ୍ରାବାଦ ପୋଲିସ କମିଶନର ସି.ଭି ଆନନ୍ଦ ପୋଲିସ ଦ୍ୱାରା ପ୍ରସ୍ତୁତ ଏକ ଭିଡିଓ ଦେଖାଇଥିଲେ, ଯେଉଁଥିରେ ଷ୍ଟାମ୍ପଡେଡ ସମୟର ଦୃଶ୍ୟ ଦେଖାଯାଇଥିଲା ।

ଅଭିଯୋଗ ଆସିଛି ଯେ, ଯେତେବେଳେ ସିନେମା ହାଉସରେ ଷ୍ଟାମ୍ପଡେଡ୍ ହୋଇଥିଲା, ସେତେବେଳେ ଅଲୁ ଅର୍ଜୁନଙ୍କ ଦ୍ୱାରା ନିଯୁକ୍ତ 'ବାଉନ୍ସର୍' ଭିଡ଼ ମଧ୍ୟରେ ପୋଲିସ କର୍ମଚାରୀଙ୍କୁ ଠେଲି ଦେଇଥିଲେ। ଏହା ଉପରେ ପୋଲିସ କମିଶନର କହିଛନ୍ତି ଯେ, ଯଦି ବାଉନ୍ସରମାନେ ଡ୍ୟୁଟିରେ ଥିବା ପୋଲିସ ସହିତ ଅସଦାଚରଣ କରନ୍ତି, ତେବେ ଆଇନ ଅନୁଯାୟୀ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।