IFFI ଗୋଆରେ ସ୍କ୍ରିନିଂ ହେଲା ଓଡିଆ ଫିଲ୍ମ 'ରଂଗଶୁର'ର ଟ୍ରେଲର

Entertainment News: ବିଗତ କିଛି ଦିନ ହେବ ଓଡିଆ ଚଳଚିତ୍ର ପ୍ରତି ଲୋକଙ୍କର ରୁଚି ବଢିବା ସହିୟ ବଡ ପରଦାରେ ମଧ୍ୟ ଭଲ ବ୍ୟବସାୟ କରୁଛି ଓଡିଆ ଫିଲ୍ମ । ଚଳଚିତ୍ର ପାଇଁ ସବୁଠୁ ମୁଖ୍ୟ ବିଷୟ ଏବେ ପାଲଟିଛି ଭିନ୍ନ ଓ ବାସ୍ତବବାଦ କାହାଣୀ । ଆଗକୁ ଆହୁରି ଭଲ ଭଲ ଫିଲ୍ମ ମୁକ୍ତିଲାଭ କରିବାକୁ ଯାଉଥିବେ ବେଳେ ଆନ୍ତର୍ଜାତୀୟ ସ୍ତରରେ ପ୍ରସଂଶା ସାଉଁଟିଛି ଓଡିଆ ନୂଆ ଫିଲ୍ମ ‘ରଂଗଶୁର’ର ଟ୍ରେଲର । 

ନିକଟରେ ଗୋଆରେ ଆୟୋଜନ ହୋଇଥିବା IFFI ଫିଲ୍ମ ଵଜାର ଓ IMPPA (Indian Motion Pictures Producer Association)ରେ ରିଲିଜ କରାଯାଇଛି ଆସିବାକୁ ଯାଉଥିବା ଓଡିଆ ଫିଲ୍ମ ‘ରଂଗଶୁର’ର ଟ୍ରେଲର । ଟ୍ରେଲରଟି ରାଜନିତୀଜ୍ଞ ଓ ଚଳଚିତ୍ର କ୍ଷେତ୍ରରେ ଥିବା ବିଶିଷ୍ଟ ବ୍ୟକ୍ତିଙ୍କ ପାଖରୁ ଢେର ପ୍ରସଂଶା ସାଉଁଟିବା ସହିତ ଏହାକୁ ଆନ୍ତର୍ଜାତୀୟ ସ୍ତରରେ ରିଲିଜ କରାଯିବା ପାଇଁ ଉଦ୍ୟମ କରାଯାଉଛି । 

ମୁନ ଟିଭି , ପ୍ରକାଶ ଫିଲ୍ମ୍ସ ଓ ମ୍ୟାକ୍ସିମିଆ ଫିଲ୍ମ ଏହାର ପ୍ରଯୋଜନା ଭାର ସମ୍ଭାଳିଛି । ଏହି ଆୟୋଜନରେ ପ୍ରଯୋଜକ ପ୍ରଶାନ୍ତ ବେହେରା, ସୁନୀଲ ୟାଦବ ଓ ନିର୍ଦ୍ଦେଶକ ପ୍ରତାପ ରାଉତ ଉପସ୍ଥିତ ରହିଥିଲେ । ପ୍ରକାଶ ଫିଲ୍ମ ତରଫରୁ ‘ତୁଝା ଆଇଲା’ ନାମକ ମରାଠୀ ଫିଲ୍ମର ମଧ୍ୟ ଶୁଭ ଉନ୍ମୋଚନ କରାଯାଇଛି । ଫିଲ୍ମଟି ୨୦୨୫ ମକର ସଂକ୍ରାନ୍ତି ଉପଲକ୍ଷେ ରିଲିଜ ହେବାର ରହିଛି ।