ଅଷ୍ଟମ ବେତନ ଆୟୋଗକୁ ନେଇ ମୋଦି ସରକାର ଦେଲେ ବଡ଼ ଅପଡେଟ୍, କେନ୍ଦ୍ର କର୍ମଚାରୀଙ୍କ ପାଇଁ କଲେ ବଡ଼ ଘୋଷଣା

7th Pay Commission: ବର୍ତ୍ତମାନର ନିୟମ ପରି AICPI ସୂଚକାଙ୍କ ଆଧାରରେ କର୍ମଚାରୀଙ୍କ ମହଙ୍ଗା ଭତ୍ତା ବୃଦ୍ଧି କରାଯିବ । ଆପଣଙ୍କୁ କହି ରଖୁଛୁ ଯେ ବର୍ତ୍ତମାନ ସମୟରେ କେନ୍ଦ୍ର କର୍ମଚାରୀମାନେ ୩୪ ପ୍ରତିଶତ ମହଙ୍ଗା ଭତ୍ତା (DA) ପାଉଛନ୍ତି ।

ନୂଆଦିଲ୍ଲୀ: 7th Pay Commission: ଯଦି ଆପଣ କିମ୍ବା ଆପଣଙ୍କ ପରିବାରରେ କେହି କେନ୍ଦ୍ର କର୍ମଚାରୀ (Central government employees) ଅଛନ୍ତି, ତେବେ ଏହି ଖବର ଆପଣଙ୍କ ଜରୁରୀ । ଆଜ୍ଞା ହଁ, ବର୍ତ୍ତମାନ କେନ୍ଦ୍ର କର୍ମଚାରୀମାନେ ସରକାର ତରଫରୁ ଜୁଲାଇର ମହଙ୍ଗା ଭତ୍ତା (Dearness Allowance) ବୃଦ୍ଧିକୁ ଅପେକ୍ଷା କରିଛନ୍ତି । କିନ୍ତୁ ଏହାପୂର୍ବରୁ ସରକାର ଅଷ୍ଟମ ବେତନ ଆୟୋଗ  (8th Pay Commission)  ଉପରେ ନିଜର ସ୍ଥିତିକୁ ସ୍ପଷ୍ଟ କରିଛନ୍ତି । ସରକାର ଅଷ୍ଟମ ବେତନ ଆୟୋଗ ଗଠନ କରିବେ କି ନାହିଁ ତାହା କେନ୍ଦ୍ର କର୍ମଚାରୀଙ୍କ ମଧ୍ୟରେ ଚର୍ଚ୍ଚାର ବିଷୟ ପାଲଟିଛି । ସଂସଦରେ ସରକାର ଅଷ୍ଟମ ବେତନ ଆୟୋଗ ଓ ଦରମା ବୃଦ୍ଧି ବିଷୟରେ ବିସ୍ତୃତ ଭାବରେ କହିଛନ୍ତି ।

କେନ୍ଦ୍ର ଅର୍ଥ ରାଜ୍ୟ ମନ୍ତ୍ରୀ ପଙ୍କଜ ଚୌଧୁରୀ (Pankaj Chaudhary) ଲୋକସଭାରେ ଏକ ଲିଖିତ ଉତ୍ତରରେ ସରକାରୀ କର୍ମଚାରୀଙ୍କ ଦରମା ସହ ଜଡିତ ପ୍ରଶ୍ନର ଉତ୍ତର ଦେଇଛନ୍ତି । ମନ୍ତ୍ରୀ କହିଛନ୍ତି ଯେ, ଅଷ୍ଟମ ବେତନ ଆୟୋଗ ଗଠନ ସମ୍ପର୍କରେ କେନ୍ଦ୍ର ସରକାର କୌଣସି ପ୍ରସ୍ତାବ ଉପରେ ବିଚାର କରୁନାହି । କେତେକ ଗଣମାଧ୍ୟମ ରିପୋର୍ଟରେ ଏହା କୁହାଯାଇଥିଲା ଯେ, ଏହା ଜାନୁଆରୀ ୧, ୨୦୨୬ରୁ ଲାଗୁ ହେବ ।

ଅଷ୍ଟମ ବେତନ ଆୟୋଗ ଗଠନ ହେବ ନାହିଁ ବୋଲି କେନ୍ଦ୍ର ମନ୍ତ୍ରୀ ସ୍ପଷ୍ଟ କରିଛନ୍ତି ।  ଆପଣଙ୍କୁ କହି ରଖୁଛୁ ଯେ, ଫେବୃଆରୀ ୨୦୨୪ରେ ସରକାର ସପ୍ତମ ବେତନ ଆୟୋଗ ଗଠନ କରିଥିଲେ । ଯାହାର ସୁପାରିଶ ୧ ଜାନୁଆରୀ ୨୦୧୬ରୁ କାର୍ଯ୍ୟକାରୀ କରାଯାଇଥିଲା । ଯେତେବେଳେ ଅର୍ଥ ରାଜ୍ୟ ମନ୍ତ୍ରୀଙ୍କୁ ପଚରାଯାଇଥିଲା ଯେ ଦରଦାମ୍ ବୃଦ୍ଧି ମଧ୍ୟରେ ସରକାରୀ କର୍ମଚାରୀଙ୍କ ଦରମା କିପରି ବୃଦ୍ଧି ପାଇବ? ଏହା ଉପରେ ସେ କହିଛନ୍ତି ଯେ, ପ୍ରତି ୬ ମାସରେ କର୍ମଚାରୀମାନଙ୍କୁ ମହଙ୍ଗା ଭତ୍ତା ଦିଆଯିବ ।

ଏହା ବି ପଢ଼ନ୍ତୁ:-DL ନଥିଲେ ବି କଟିବନି ଚାଲାଣ! ଜାଣନ୍ତୁ କେମିତି

ଏହା ବି ପଢ଼ନ୍ତୁ:-ଉପରାଷ୍ଟ୍ରପତି ହେବାକୁ ଚାହୁଁଥିଲେ ନୀତିଶ କୁମାର, ପୋଲ୍ ଖୋଲିଲେ ମୋଦି

ଏହା ବି ପଢ଼ନ୍ତୁ:-ସର୍ଭେ: ବିହାରରେ ସିଏମ ପଦ ପାଇଁ ତେଜସ୍ୱୀ ଯାଦବ ପ୍ରଥମ ପସନ୍ଦ, ଜାଣନ୍ତୁ ନୀତିଶ କୁମାର ବିଜେପିଠୁ ଅଲଗା ହେବା ପରେ କାହାକୁ ହେଉଛି ଅଧିକ ଲାଭ

ବର୍ତ୍ତମାନର ନିୟମ ପରି AICPI ସୂଚକାଙ୍କ ଆଧାରରେ କର୍ମଚାରୀଙ୍କ ମହଙ୍ଗା ଭତ୍ତା ବୃଦ୍ଧି କରାଯିବ । ଆପଣଙ୍କୁ କହି ରଖୁଛୁ ଯେ ବର୍ତ୍ତମାନ ସମୟରେ କେନ୍ଦ୍ର କର୍ମଚାରୀମାନେ ୩୪ ପ୍ରତିଶତ ମହଙ୍ଗା ଭତ୍ତା (DA) ପାଉଛନ୍ତି । ସରକାରଙ୍କ ତରଫରୁ ଏହାକୁ ଜାନୁଆରୀ ମାସରେ ବୃଦ୍ଧି କରାଯାଇଥିଲା । ଜୁଲାଇ ପାଇଁ ମହଙ୍ଗା ଭତ୍ତା ଏପର୍ଯ୍ୟନ୍ତ ଘୋଷଣା କରାଯାଇ ନାହିଁ । AICPI ସୂଚକାଙ୍କ ତଥ୍ୟକୁ ଭିତ୍ତିକରି ଏଥର ଏହା ୪-୫ ପ୍ରତିଶତ ବୃଦ୍ଧି ପାଇପାରେ ବୋଲି ଆଶା କରାଯାଉଛି ।

ଏଠାରେ ଉଲ୍ଲେଖଯୋଗ୍ୟ ଯେ, ଏହା ପୂର୍ବରୁ ସପ୍ତମ ବେତନ ଆୟୋଗର ସୁପାରିଶରେ ଜଷ୍ଟିସ ମାଥୁର କହିଥିଲେ ଯେ, ଆମେ ଆକ୍ରୋଡ ସୂତ୍ର ଅନୁଯାୟୀ ବେତନ ସଂରଚନା ସ୍ଥିର କରିବାକୁ ଚାହୁଁଛୁ । ଏହି ନିୟମରେ କୋଷ୍ଟ୍ ଅଫ୍ ଲିଭିଂକୁ ମଧ୍ୟ ଧ୍ୟାନକୁ ରଖାଯାଇଥାଏ । ଏହି ଫର୍ମୂଲା ୱାଲାସ୍ ରୁଡେଲ୍ ଆୟକରାୟଡ ପ୍ରଦାନ କରିଥିଲେ । ସପ୍ତମ ବେତନ ଆୟୋଗ ଅଧୀନରେ କେନ୍ଦ୍ର ସରକାର କର୍ମଚାରୀଙ୍କ ସର୍ବନିମ୍ନ ଦରମା ୭,୦୦୦ରୁ ବଢ଼ାଇ ୧୮,୦୦୦ ଟଙ୍କା କରିଥିଲେ । ଜଷ୍ଟିସ ମାଥୁର ସୁପାରିଶରେ କହିଛନ୍ତି ଯେ, ସରକାର ପ୍ରତିବର୍ଷ ମୂଲ୍ୟ ସୂଚକାଙ୍କ ଅନୁଯାୟୀ କେନ୍ଦ୍ର କର୍ମଚାରୀଙ୍କ ଦରମା ସମୀକ୍ଷା କରିବା ଆବଶ୍ୟକ ।