Train Accident: ଅଗ୍ନିକାଣ୍ଡ ଗୁଜବ ପରେ ଚଳନ୍ତା ଟ୍ରେନ୍‌ରୁ ଡେଇଁ ପଡ଼ିଲେ ଅନେକ ଯାତ୍ରୀ, ଅନ୍ୟପଟୁ ଆସୁଥିବା ଏକ୍ସପ୍ରେସ୍ ତଳେ ଚାପି ହୋଇ ୧୧ ମୃତ

Jalgaon Paranda Station Accident: ମହାରାଷ୍ଟ୍ରରେ ଏକ ଦୁର୍ଘଟଣା ଘଟିଛି। ଜଳଗାଁଓର ପରଣ୍ଡା ଷ୍ଟେସନରେ ଅଗ୍ନିକାଣ୍ଡ ଗୁଜବ ପରେ ଅନେକ ଯାତ୍ରୀମାନେ ହଠାତ୍ ଚଳନ୍ତା ଟ୍ରେନରୁ ଡେଇଁ ପଡ଼ିଲେ। ଅପର ପାର୍ଶ୍ୱରୁ ଆସୁଥିବା ଟ୍ରେନ୍ ସେମାନଙ୍କୁ ଚାପି ଦେଇଥିଲା ଯାହା ଫଳରେ ୧୧ ଜଣଙ୍କର ମୃତ୍ୟୁ ହୋଇଛି।

Paranda Station Accident: ମହାରାଷ୍ଟ୍ରର ଜଳଗାଁଓରେ ଏକ ବଡ଼ ଦୁର୍ଘଟଣା ଘଟିଛି। ଏଠାକାର ପରଣ୍ଡା ଷ୍ଟେସନରେ ପୁଷ୍ପକ ଏକ୍ସପ୍ରେସ ଟ୍ରେନରେ ନିଆଁ ଲାଗିଥିବା ଗୁଜବ ବ୍ୟାପିଯାଇଥିଲା। ଏହା ପରେ ଭୟଭୀତ ହୋଇ ଅନେକ ଯାତ୍ରୀ ଟ୍ରେନ୍‌ର ଚେନ୍ ଟାଣି ଡେଇଁ ପଡିଥିଲେ। ଏହି କାରଣରୁ ଯାତ୍ରୀମାନେ ଅନ୍ୟ ଟ୍ରାକ ଦେଇ ଯାଉଥିବା କର୍ଣ୍ଣାଟକ ଏକ୍ସପ୍ରେସ ସହିତ ଧକ୍କା ଖାଇଥିଲେ। ଯାହା ଫଳରେ ଅନେକ ଯାତ୍ରୀଙ୍କ ମୃତ୍ୟୁ ହୋଇଥିବା ଖବର ଆସିଛି। ସୂଚନା ଅନୁଯାୟୀ ପ୍ରାୟ ୩୫ ରୁ ୪୦ ଜଣ ଯାତ୍ରୀ ପୁଷ୍ପକ ଏକ୍ସପ୍ରେସରୁ ଡେଇଁ ପଡ଼ିଛନ୍ତି। ପୁଷ୍ପକ ଏକ୍ସପ୍ରେସ ଲକ୍ଷ୍ନୌରୁ ମୁମ୍ବାଇ ଯାଉଥିବା ବେଳେ ହଠାତ୍ ନିଆଁ ଲାଗିଥିବା ଗୁଜବ ବ୍ୟାପିଥିଲା।

ସମସ୍ତ ଆହତ ଗ୍ରାମାଞ୍ଚଳ ହସ୍ପିଟାଲରେ ଚିକିତ୍ସାଧୀନ ଅଛନ୍ତି। ପୁଷ୍ପକ ଏକ୍ସପ୍ରେସରେ ଭୁଲ ଫାୟାର ଆଲାର୍ମ ବାଜିବାରୁ ଷ୍ଟେସନରେ ହଇଚଇ ସୃଷ୍ଟି ହୋଇଥିଲା। କୁହାଯାଉଛି ଯେ ଅନେକ ଯାତ୍ରୀ ଅନ୍ୟ ଟ୍ରାକରେ ପଡ଼ିଯିବାରୁ କର୍ଣ୍ଣାଟକ ଏକ୍ସପ୍ରେସ ତା'ର ଧକ୍କା ଖାଇଥିଲେ। ସୂଚନା ଅନୁଯାୟୀ ୧୧ ଜଣଙ୍କର ମୃତ୍ୟୁ ହୋଇଛି। ଏହା ସମେତ ୩୦-୪୦ ଜଣ ଆହତ ହୋଇଥିବା କୁହାଯାଉଛି। କେନ୍ଦ୍ରୀୟ ରେଳବାଇର ସିପିଆରଓ ଡକ୍ଟର ସ୍ୱାନିଲଙ୍କ ଅନୁସାରେ ପୁଷ୍ପକ ଏକ୍ସପ୍ରେସ ଲକ୍ଷ୍ନୌରୁ ମୁମ୍ବାଇ ଆସୁଥିଲା। କିଛି ଯାତ୍ରୀ ଟ୍ରାକ ଉପରେ ଓହ୍ଲାଇ ପଡ଼ିଥିଲେ। ଅନ୍ୟ ଦିଗରୁ ଆସୁଥିବା କର୍ଣ୍ଣାଟକ ଏକ୍ସପ୍ରେସ କିଛି ଯାତ୍ରୀଙ୍କୁ ଧକ୍କା ଦେଇଥିଲା। ଟ୍ରେନରେ ‘ACP’ ଅର୍ଥାତ୍ ଆଲାର୍ମ ଚେନ୍ ପୁଲିଂ ହୋଇଥିଲା। ଚେନ୍ ପୁଲିଂ କାହିଁକି ହେଲା ସେ ବିଷୟରେ ରେଳବାଇ ପାଖରେ ଏପର୍ଯ୍ୟନ୍ତ କୌଣସି ସୂଚନା ନାହିଁ।

#WATCH | Pushpak Express accident | Delhi: Information & Publicity Department of Railway Board, Executive Director, Dilip Kumar says, "...A few passengers pulled alarm chain on Pushpak Express and deboarded the train. Bengaluru-New Delhi Karnataka Express was coming from the… pic.twitter.com/jBZ2wRs28X

— ANI (@ANI) January 22, 2025

ଭୁସାବଲର ଡିଭିଜନାଲ ରେଳ ପ୍ରବନ୍ଧକ ଘଟଣାସ୍ଥଳକୁ ଯାଇଛନ୍ତି। ରେଳବାଇ ଡାକ୍ତରୀ ଦଳ, ରାଜ୍ୟ ସରକାରୀ ଅଧିକାରୀ ଏବଂ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚିଛନ୍ତି। ସୂଚନା ଅନୁଯାୟୀ ଟ୍ରେନର ଏକ କୋଚରେ ନିଆଁ ଲାଗିବା ନେଇ ଗୁଜବ ବ୍ୟାପିଥିଲା। ଏହାପରେ ଏହି କୋଚର ଯାତ୍ରୀମାନେ ତଳକୁ ଡେଇଁବା ଆରମ୍ଭ କରି ଦେଇଥିଲେ।

महाराष्ट्र के जलगांव में परांडा रेलवे स्टेशन पर हुआ दर्दनाक हादसा बेहद दुखद है। पुष्पक एक्सप्रेस में आग की अफवाह के चलते यात्रियों ने कूदकर जान बचाने की कोशिश की, लेकिन कर्नाटक एक्सप्रेस की चपेट में आ गए। 6 लोगों की मौत की खबर से स्तब्ध हूं। #TrainAccident pic.twitter.com/m5dozmbOCC

— Hansraj Meena (@HansrajMeena) January 22, 2025

ଆଜି ପୁଷ୍ପକ ଏକ୍ସପ୍ରେସ ପ୍ରାୟ ଦେଢ଼ ରୁ ଦୁଇ ଘଣ୍ଟା ବିଳମ୍ବରେ ଚାଲିଥିଲା। ଟ୍ରେନଟି ବର୍ତ୍ତମାନ ପାଚୋରା ରେଳ ଷ୍ଟେସନରେ ଅଟକି ରହିଛି। ଦୁର୍ଘଟଣାଟି ସନ୍ଧ୍ୟା ପ୍ରାୟ ୫ଟା ସମୟରେ ଘଟିଥିଲା। ଦୁର୍ଘଟଣାରେ ମୁଖ୍ୟମନ୍ତ୍ରୀ ଯୋଗୀ ଗଭୀର ଶୋକ ପ୍ରକାଶ କରିଛନ୍ତି। ମୁଖ୍ୟମନ୍ତ୍ରୀ କହିଛନ୍ତି ଯେ ପୁଷ୍ପକ ଟ୍ରେନ୍ ଦୁର୍ଘଟଣା ହୃଦୟ ବିଦାରକ। ଯୋଗୀ ମୃତକଙ୍କ ପରିବାର ପ୍ରତି ସମବେଦନା ପ୍ରକାଶ କରିଛନ୍ତି। ସେ କହିଛନ୍ତି ଯେ ଦୁର୍ଘଟଣାରେ ଆହତ ହୋଇଥିବା ଲୋକମାନଙ୍କୁ ଉପଯୁକ୍ତ ଚିକିତ୍ସା ଯୋଗାଇ ଦିଆଯିବ। ସେ ସମସ୍ତ ଆହତଙ୍କ ଶୀଘ୍ର ଆରୋଗ୍ୟ କାମନା କରିଛନ୍ତି। ଏହି ସମୟରେ ରେଳବାଇ ଲକ୍ଷ୍ନୌ ଷ୍ଟେସନରେ ହେଲ୍ପଲାଇନ୍ ନମ୍ବର 8957409292 ଜାରି କରିଛି।