ଉଦ୍ଧବ ଠାକରେ ନା ଏକନାଥ ସିନ୍ଦେ କାହାର ହେବ ଶିବସେନା? ଆବେଦନ ଉପରେ ସୁପ୍ରିମକୋର୍ଟ ଦେଲେ ଏହି ରାୟ

ନୂଆଦିଲ୍ଲୀ: Maharashtra Politics: ଶିବସେନା (Shiv Sena) କାହାର ହେବ? ଏନେଇ ଉଦ୍ଧବ ଠାକରେ (Uddhav Thackeray) ଓ ଏକନାଥ ସିନ୍ଦେ (Eknath Shinde) ଙ୍କ ମଧ୍ୟରେ ଲଢ଼େଇ ଜାରି ରହିଛି । ସେପଟେ ସୁପ୍ରିମକୋର୍ଟ (Supreme Court) ଅଗଷ୍ଟ ୧ରେ ଉଦ୍ଧବ ଠାକରଙ୍କ ନେତୃତ୍ୱାଧୀନ ଶିବସେନାର ନୂଆ ଆବେଦନ ଉପରେ ଶୁଣାଣି କରିବେ । ଯେଉଁଥିରେ ଏକନାଥ ସିନ୍ଦେ ଗୋଷ୍ଠୀ (Shinde Camp) ତରଫରୁ 'ପ୍ରକୃତ' ଶିବସେନାର ପ୍ରତିନିଧିତ୍ୱ କରିବା ମାନ୍ୟତା ଉପରେ  ଭାରତୀୟ ନିର୍ବାଚନ ଆୟୋଗ (ECI) ଦ୍ୱାରା କାର୍ଯ୍ୟାନୁଷ୍ଠାନ ଗ୍ରହଣ ଉପରେ ରୋକ ଲଗାଇବାର ଦାବି କରାଯାଇଥିଲା । ବାସ୍ତବରେ, ଶିବସେନାର ଉଦ୍ଧବ ଗୋଷ୍ଠୀ (Thackeray Camp) ର ଦାବି ହେଉଛି ଯେ ଦଳର ଚିହ୍ନ କାହାକୁ ମିଳିବ ଉଚିତ, ତାହା ଉପରେ ନିଷ୍ପତ୍ତି ନିଆଯିବା ପୂର୍ବରୁ ବିଧାୟକଙ୍କ ଯୋଗ୍ୟତା ଉପରେ ନିଷ୍ପତ୍ତି ନିଆଯିବା ଉଚିତ । ବର୍ତ୍ତମାନ ସୁପ୍ରିମକୋର୍ଟ ଉଦ୍ଧବ ଗୋଷ୍ଠୀର ନୂତନ ଆବେଦନ ଶୁଣିବାକୁ ନିଷ୍ପତ୍ତି ନେଇଛନ୍ତି ।

ଆପଣଙ୍କୁ କହିରଖୁଛୁ ଯେ, ପ୍ରକୃତ ଶିବସେନାକୁ ଚିହ୍ନଟ କରିବା ପାଇଁ ନିର୍ବାଚନ ଆୟୋଗରେ ଚାଲିଥିବା ପ୍ରକ୍ରିୟା ବିରୋଧରେ ଉଦ୍ଧବ ଗୋଷ୍ଠୀର ଆବେଦନକୁ କପିଲ ସିବଲ ସୁପ୍ରିମ କୋର୍ଟଙ୍କ ପ୍ରଧାନ ବିଚାରପତି (CJI) ଙ୍କ ନିକଟରେ ରଖିଛନ୍ତି । ଯାହା ଉପରେ ପ୍ରଧାନ ବିଚାରପତି କହିଛନ୍ତି ଯେ, ମହାରାଷ୍ଟ୍ର ମାମଲା ସହ ଜଡିତ ଅନ୍ୟାନ୍ୟ ଆବେଦନ ସହିତ ଏହାର ଶୁଣାଣି କରିବେ । ଉଦ୍ଧବ ଠାକରେ ଗୋଷ୍ଠୀ କହିଛି ଯେ ସିନ୍ଦେ ଗୋଷ୍ଠୀର ବିଧାୟକଙ୍କ ଅଯୋଗ୍ୟତା ନିଷ୍ପତ୍ତି ନହେବା ପର୍ଯ୍ୟନ୍ତ ନିର୍ବାଚନ ଆୟୋଗ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରିବା ଉଚିତ ନୁହେଁ ।

ଉଲ୍ଲେଖନୀୟ କଥା ହେଉଛି, ଶିବସେନା ମୁଖ୍ୟ ଉଦ୍ଧବ ଠାକରେ ଗତକାଲି (ମଙ୍ଗଳବାର) ଦଳର ବିଦ୍ରୋହୀ ନେତାମାନଙ୍କୁ ଗଛର 'ପଚା ପତ୍ର' ସହିତ ତୁଳନା କରିଛନ୍ତି । ଉଦ୍ଧବ ଠାକରେ କହିଛନ୍ତି ଯେ, ନିର୍ବାଚନ ପରେ ଲୋକମାନେ କାହାକୁ ସମର୍ଥନ କରନ୍ତି ତାହା ଜଣାପଡ଼ିଯିବ । ସାମାନାଙ୍କୁ ଦେଇଥିବା ଏକ ସାକ୍ଷାତକାରରେ ଉଦ୍ଧବ ଠାକରେ କହିଛନ୍ତି ଯେ ତାଙ୍କ ଦଳର କିଛି ନେତାଙ୍କ ଉପରେ ଅତ୍ୟଧିକ ବିଶ୍ୱାସ କରିବା ତାଙ୍କର ଭୁଲ ଥିଲା ।

ସୂଚନାଯୋଗ୍ୟ, ବିଗତ ଦିନରେ ଏକନାଥ ସିନ୍ଦେ ଓ ଅନ୍ୟ ୩୯ ଜଣ ବିଧାୟକ ଶିବସେନା ନେତୃତ୍ୱ ବିରୁଦ୍ଧରେ ବିଦ୍ରୋହ କରିଥଲେ । ଯାହା ଫଳରେ ମହାରାଷ୍ଟ୍ରର ଉଦ୍ଧବ ଠାକରେ ନେତୃତ୍ୱାଧୀନ ମହା ବିକାଶ ଅଘାଡ଼ି (MVA) ସରକାରର ପତନ ଘଟିଥିଲା । ଉଦ୍ଧବ ଠାକରେ କହିଛନ୍ତି ଯେ, ଏହି ବିଦ୍ରୋହୀମାନେ ଗଛର ପଚା ପତ୍ର ପରି ଓ ସେମାନେ ନିଶ୍ଚୟ ଝଡ଼ିବେ । ଏହା ଗଛ ପାଇଁ ଭଲ, କାରଣ ଏହା ପରେ ନୂଆ ପତ୍ର ଆସିଥାଏ । ଏହି ବିଦ୍ରୋହ ପାଇଁ କାହାକୁ ଦାୟୀ କରାଯାଇପାରେ ବୋଲି ପଚରାଯିବାରୁ ଉଦ୍ଧବ କହିଛନ୍ତି ଯେ, ଲାଗୁଛି ଯେ ମୁଁ କିଛି ଦଳର କର୍ମୀ ଓ ନେତାଙ୍କ ଉପରେ ଅତ୍ୟଧିକ ବିଶ୍ୱାସ କରିନେଇଥିଲି । ଏତେ ଲମ୍ୱା ସମୟ ପର୍ଯ୍ୟନ୍ତ ତାଙ୍କ ଉପରେ ବିଶ୍ୱାସ କରିବା ମୋର ଭୁଲ ଥିଲା ।

ଏହା ବି ପଢ଼ନ୍ତୁ:-ଉପରାଷ୍ଟ୍ରପତି ନିର୍ବାଚନ ପୂର୍ବରୁ ଜଗଦୀପ ଧନଖର ନେଲେ ଏହି ପଦକ୍ଷେପ

ଏହା ବି ପଢ଼ନ୍ତୁ:-ରାଷ୍ଟ୍ରପତିଙ୍କୁ ମିଳି ନଥାଏ SPG ଓ NSG ସୁରକ୍ଷା, ଜାଣନ୍ତୁ କିଏ ମହାମହିମଙ୍କୁ ପ୍ରଦାନ କରନ୍ତି ସୁରକ୍ଷା?

ଏହା ବି ପଢ଼ନ୍ତୁ:-ରାହୁଲ ଗାନ୍ଧୀଙ୍କୁ ହେପାଜତକୁ ନେଲା ପୋଲିସ

ସୂଚନାଯୋଗ୍ୟ, ମହାରାଷ୍ଟ୍ର ରାଜନୀତିରେ ନାଟକୀୟ ଘଟଣାକ୍ରମ ସେହି ସମୟରେ ଆରମ୍ଭ ହୋଇଥିଲା ଯେତେବେଳେ ଏକନାଥ ସିନ୍ଦେଙ୍କ ନେତୃତ୍ୱରେ ଅନେକ ଶିବସେନା ବିଧାୟକ ଉଦ୍ଧବ ଠାକରେଙ୍କ ବିରୁଦ୍ଧରେ ବିଦ୍ରୋହ କରିଥିଲେ । ଏକନାଥ ସିନ୍ଦେଙ୍କ ନେତୃତ୍ୱରେ ବିଦ୍ରୋହୀ ବିଧାୟକମାନେ ପ୍ରଥମେ ଗୁଜୁରାଟର ସୁରଟକୁ ଯାଇ ଆସାମର ଗୁଆହାଟୀରେ ପହଞ୍ଚିଥିଲେ । ଅନେକ ଦିନର ଉତ୍ତେଜନା ପରେ ଯେତେବେଳେ ରାଜ୍ୟପାଳ ଭାଗବତ ସିଂ କୋଶୟାରି ଉଦ୍ଧବ ଠାକରେଙ୍କୁ ବିଧାନସଭାରେ ନିଜର ସଂଖ୍ୟାଗରିଷ୍ଠତା ପ୍ରମାଣ କରିବାକୁ କହିଥିଲେ ସେତେବେଳେ ସେ ସୁପ୍ରିମକୋର୍ଟରେ ପହଞ୍ଚିଥିଲେ । କିନ୍ତୁ ତାଙ୍କୁ ସୁପ୍ରିମକୋର୍ଟଙ୍କଠାରୁ ଆଶ୍ୱସ୍ତି ମିଳି ନଥିଲା । ଏହା ପରେ ସେ ଇସ୍ତଫା ଦେଇଥିଲେ । ତା’ପରେ ଏକନାଥ ସିନ୍ଦେ ବିଜେପି ସହାୟତାରେ ସରକାର ଗଠନ କରିଥିଲେ ।