ବିଜେପିର ଦୂର ହେଲା ଟେନସନ୍, ଓଡ଼ିଶାର ଝିଅ ମୁର୍ମୁଙ୍କ ବିଜୟ ସୁନିଶ୍ଚିତ!

Presidential Election 2022: ନବୀନ କହିଛନ୍ତି ଯେ, ମୁଁ ନିଶ୍ଚିତ ଯେ ଦ୍ରୌପଦୀ ମୁର୍ମୁ ଦେଶରେ ମହିଳା ସଶକ୍ତିକରଣର ଏକ ଉତ୍ତମ ଉଦାହରଣ ହେବେ । ଦ୍ରୌପଦୀ ମୁର୍ମୁଙ୍କୁ ସମର୍ଥନ କରିବାକୁ ବିଜେଡି ନେତାଙ୍କ ଘୋଷଣା ଏନଡିଏର ବିଜୟ ପାଇଁ ରାସ୍ତାକୁ ସହଜ କରିଛି । ବିଜେଡିର ସମର୍ଥନରେ ରାଷ୍ଟ୍ରପତି ନିର୍ବାଚନରେ ​​ମୁର୍ମୁଙ୍କ ଜିତିବା ସହଜ ହେବ ।

ନୂଆଦିଲ୍ଲୀ: Presidential Election 2022: ବିଜେପି (BJP) ନେତୃତ୍ୱାଧୀନ ଏନଡିଏ (NDA) ର ରାଷ୍ଟ୍ରପତି ପ୍ରାର୍ଥୀ ଦ୍ରୌପଦୀ ମୁର୍ମୁଙ୍କୁ ବିଜେଡି (BJD) ସମର୍ଥନ ଘୋଷଣା କରିଛି । ବିଜେଡି ସୁପ୍ରିମୋ ଓ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ (Naveen Patnaik) ରାଜ୍ୟର ସମସ୍ତ ବିଧାୟକ ଓ ସାଂସଦମାନଙ୍କୁ ଟ୍ୱିଟ୍ କରି ଓଡ଼ିଶାର ଝିଅକୁ ଭୋଟ୍ ଦେବାକୁ ଅପିଲ କରିଛନ୍ତି । ସେ ଟ୍ୱିଟ୍ କରି କହିଛନ୍ତି ଯେ, "ମୁଁ ଓଡିଶା ବିଧାନସଭାର ସମସ୍ତ ସଦସ୍ୟଙ୍କୁ ପାର୍ଟି ଲାଇନ୍ ଉପରକୁ ଉଠି ଓଡିଶାର ଝିଅ ଦ୍ରୌପଦୀ ମୁର୍ମୁ (Draupadi Murmu) ଙ୍କୁ ସମର୍ଥନ କରିବାକୁ ଅପିଲ କରୁଛି । ତାଙ୍କୁ ଦେଶର ସର୍ବୋଚ୍ଚ ପଦରେ ବସାଇବା ପାଇଁ ନିର୍ବାଚିତ କରନ୍ତୁ ।" ଏହାପୂର୍ବରୁ ମଙ୍ଗଳବାର ସନ୍ଧ୍ୟାରେ ସେ ଦ୍ରୌପଦୀ ମୁର୍ମୁଙ୍କୁ ରାଷ୍ଟ୍ରପତି ପ୍ରାର୍ଥୀ କରିଥିବାରୁ ଟ୍ୱିଟ୍ କରି ଅଭିନନ୍ଦନ ଜଣାଇଥିଲେ । ସେ ଟ୍ୱିଟ୍ କରିଥିଲେ ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି (PM Narendra Modi) ଯେତେବେଳେ ମୋତେ ଦ୍ରୌପଦୀ ମୁର୍ମୁଙ୍କୁ ନେଇ ଆଲୋଚନା କରିଥିଲେ ମୁଁ ଖୁସି ବ୍ୟକ୍ତ କରିଥିଲି । ଏହା ଓଡିଶା ପାଇଁ ଗର୍ବର ବିଷୟ ଥିଲା ।

ନବୀନ କହିଛନ୍ତି ଯେ, ମୁଁ ନିଶ୍ଚିତ ଯେ ଦ୍ରୌପଦୀ ମୁର୍ମୁ ଦେଶରେ ମହିଳା ସଶକ୍ତିକରଣର ଏକ ଉତ୍ତମ ଉଦାହରଣ ହେବେ । ଦ୍ରୌପଦୀ ମୁର୍ମୁଙ୍କୁ ସମର୍ଥନ କରିବାକୁ ବିଜେଡି ନେତାଙ୍କ ଘୋଷଣା ଏନଡିଏର ବିଜୟ ପାଇଁ ରାସ୍ତାକୁ ସହଜ କରିଛି । ବିଜେଡିର ସମର୍ଥନରେ ରାଷ୍ଟ୍ରପତି ନିର୍ବାଚନରେ ​​ମୁର୍ମୁଙ୍କ ଜିତିବା ସହଜ ହେବ । ରାଷ୍ଟ୍ରପତି ନିର୍ବାଚନର ଗଣିତ ବିଷୟରେ କହିବାକୁ ଗଲେ ମୋଟ ଭୋଟର ମୂଲ୍ୟ ହେଉଛି ୧୦,୭୯,୨୦୬ । ଏହି ନିର୍ବାଚନରେ ​​ଜିତିବା ପାଇଁ NDA କୁ ଅଧାରୁ ଅଧିକ ଭୋଟ୍ ଅର୍ଥାତ୍ ୫ ଲକ୍ଷ ୪୦ ହଜାର ଭୋଟର ଆବଶ୍ୟକତା ରହିଛି । କେବଳ ବିଜେପିର ଭୋଟ ମୂଲ୍ୟ ୪,୫୯,୪୧୪ ରହିଛି । ଏହା ବ୍ୟତୀତ ଏହାର ସହଯୋଗୀ JDU ର ଭୋଟର ମୂଲ୍ୟ ୨୨,୪୪୫ ଏବଂ AIADMK ର ମୂଲ୍ୟ ୧୫,୮୧୬ ରହିଛି । ଏହିପରି NDA ର ମୋଟ ଭୋଟର ମୂଲ୍ୟ ହେଉଛି ୪,୯୭,୭୧୫ ।

ଏହା ବି ପଢ଼ନ୍ତୁ:-କଂଗ୍ରେସ କାରଣରୁ ସିନ୍ଦେ ଶିବସେନା ବିରୁଦ୍ଧରେ କଲେ ବିଦ୍ରୋହ, ସାମ୍ନାକୁ ଆସିଲା ପୁରା ଘଟଣା

ଏହା ବି ପଢ଼ନ୍ତୁ:-ୟୁକ୍ରେନ ପରେ ନାଟୋ ଦେଶ ଲିଥୁଆନିଆକୁ ନେଇ ବଢ଼ିଲା ଟେନସନ୍; ମୁହାଁମୁହିଁ ଋଷ ଓ ଆମେରିକା, ଜାଣନ୍ତୁ ପୁରା ମାମଲା

ଏହା ବି ପଢ଼ନ୍ତୁ:-ସରକାରୀ କର୍ମଚାରୀଙ୍କ ପାଇଁ ବଡ଼ ଖୁସି ଖବର; ଫିଟମେଣ୍ଟ ଫ୍ୟାକ୍ଟର୍ ଉପରେ ସହମତି! ବଢ଼ିବ ଦରମା

ଏନଡିଏ ପାଖରେ କେବଳ ୪୩ ହଜାର ଭୋଟ ମୂଲ୍ୟର ଅଭାବ ରହିଛି । ବିଜେଡି ବିଷୟରେ କହିବାକୁ ଗଲେ ଏହାର ଭୋଟର ମୂଲ୍ୟ ହେଉଛି ୩୧,୬୮୬ । ଏଥି ସହିତ ଆନ୍ଧ୍ର ପ୍ରଦେଶର ଶାସକ ଦଳ YSR କଂଗ୍ରେସର ଭୋଟର ମୂଲ୍ୟ ୪୩,୪୫୦ ରହିଛି । YSR କଂଗ୍ରେସ ମଧ୍ୟ ସମର୍ଥନର ସଙ୍କେତ ଦେଇଛି । ଏହା ବ୍ୟତୀତ ବିରୋଧୀ ଗୋଷ୍ଠୀରେ ଏକତାର ଅଭାବ ରହିଛି, ତେଣୁ ଏନଡିଏ ପ୍ରାର୍ଥୀ ଦ୍ରୌପଦୀ ମୁର୍ମୁଙ୍କ ଜିତିବା ସହଜ ହୋଇଯିବ । ବାସ୍ତବରେ, ବିଜେପି ଆଦିବାସୀ ସମ୍ପ୍ରଦାୟରୁ ଜଣଙ୍କୁ ପ୍ରାର୍ଥୀ କରି ସମସ୍ତଙ୍କୁ ଚକିଚ କରାଇଦେଇଛି, ଯାହାକୁ ବିରୋଧ କରିବା କୌଣସି ଦଳ ପାଇଁ କଷ୍ଟକର ହେବ । ଯାହା ଫଳରେ ବିରୋଧୀଙ୍କ ଗଣିତ ମଧ୍ୟ ବିଗିଡ଼ି ଯାଇଛି ।

୧୭୫ ସଦସ୍ୟ ବିଶିଷ୍ଟ ଆନ୍ଧ୍ର ପ୍ରଦେଶ ବିଧାନସଭାରେ YSR କଂଗ୍ରେସର ୧୫୦ ସଦସ୍ୟ ଓ ବିଧାନ ପରିଷଦରେ ୩୩ ସଦସ୍ୟ ଅଛନ୍ତି । ଲୋକସଭାରେ ୨୫ରୁ ୨୨ ସାଂସଦ ଓ ରାଜ୍ୟସଭାରେ ୧୧ରୁ ୬ ସଦସ୍ୟ ଅଛନ୍ତି । ଏଭଳି ପରିସ୍ଥିତିରେ ଏହି ଦଳ ତରଫରୁ ସମର୍ଥନ ମିଳିବା ମାତ୍ରେ ଏନଡିଏ ପ୍ରାର୍ଥୀ ରାଷ୍ଟ୍ରପତି ନିର୍ବାଚନରେ ବଡ଼ ଧରଣର ବିଜୟ ହାସଲ କରିବାକୁ ଯାଉଛି ।