ସିନ୍ଦେ ସରକାରଙ୍କ ଭବିଷ୍ୟତକୁ ନେଇ ବଡ଼ ବୟାନ ଦେଲେ ସଞ୍ଜୟ ରାଉତ

Maharashtra Politics: ଉପଦେଶ ଦେଇ ରାଉତ କହିଛନ୍ତି ଯେ, ଶିବସେନା ପ୍ରସ୍ତୁତ ଅଛି ଓ ରହିବ । ପ୍ରଧାନମନ୍ତ୍ରୀ ମୋଦି ଜୀଙ୍କୁ ଗଣତନ୍ତ୍ର ପାଇଁ ଚିନ୍ତା ରହିଥାଏ କି? ମହାରାଷ୍ଟ୍ରରେ ଗଣତନ୍ତ୍ର ବଞ୍ଚିଛି, ଲୋକମାନେ ଆଗାମୀ ସମୟରେ ସେମାନଙ୍କୁ ପ୍ରଶ୍ନ କରିବେ ।

ମୁମ୍ୱାଇ: Maharashtra Politics: ମହାରାଷ୍ଟ୍ରର ଏକନାଥ ସିନ୍ଦେ ସରକାର (Eknath Shinde Govt) ଆଜି ବିଧାନସଭାରେ ସଂଖ୍ୟାଗରିଷ୍ଠତା ହାସଲ କରିଛନ୍ତି । କିନ୍ତୁ, ସିନ୍ଦେଙ୍କ ଆସ୍ଥା ଭୋଟି ପୂର୍ବରୁ ଏନସିପି ସୁପ୍ରିମୋ ଶରଦ ପାୱାର (NCP Chief Sharad Pawar) ଏହା କହି ସମସ୍ତଙ୍କୁ ଚକିତ କରିଦେଇଛନ୍ତି ଯେ, ଆସନ୍ତା ପାଞ୍ଚ ମାସ ମଧ୍ୟରେ ଏହି ସରକାର ଭାଙ୍ଗି ଯିବ । ଏହା ସହିତ ସେ ମଧ୍ୟବିତ୍ତ ନିର୍ବାଚନ ପାଇଁ ପ୍ରସ୍ତୁତି ହେବାକୁ କହିଛନ୍ତି । ଯାହା ପରେ ଶିବସେନା ସାଂସଦ ତଥା ମୁଖପାତ୍ର ସଞ୍ଜୟ ରାଉତ (Sanjay Raut) ମଧ୍ୟ ଶରଦ ପାୱାରଙ୍କ ମଧ୍ୟବର୍ତ୍ତୀକାଳୀନ ନିର୍ବାଚନ ବୟାନ ଉପରେ ମଧ୍ୟ ସମ୍ପୂର୍ଣ୍ଣ ସହମତ ବ୍ୟକ୍ତ କରିଛନ୍ତି । ଏହା ସହିତ ସେ ଏକନାଥ ସିନ୍ଦେ (Eknath Shinde) ଙ୍କୁ ମୁଖ୍ୟମନ୍ତ୍ରୀ କରିବା ଉପରେ ମଧ୍ୟ ପ୍ରଶ୍ନ ଉଠାଇଛନ୍ତି ।

ସଞ୍ଜୟ ରାଉତ କହିଛନ୍ତି ଯେ, ସେ ଶରଦ ପାୱାରଙ୍କ ବୟାନ ସହ ସହମତ । ବିଜେପିର ଏତେ ବିଶ୍ୱାସ ରହିଥାନ୍ତା କି ସରକାର ଚାଲିବ ତେବେ ଅଧିକ ଆସନ ଥିବା ବିଜେପି (BJP) ର ସିଏମ୍ ହୋଇଥାନ୍ତେ । ଏଭଳି ପରିସ୍ଥିତିରେ ସେମାନେ ସିନ୍ଦେଙ୍କୁ ସିଏମ୍ କରନ୍ତେ ନାହିଁ । ରାଉତ କହିଛନ୍ତି ଯେ ଲୋକଙ୍କ ମନରେ ଗୋଟିଏ ପ୍ରଶ୍ନ ଅଛି ଯାହା ଆମର ସର୍ତ୍ତ ଥିଲା, ଯଦି ସେମାନେ ମାନି ନେଇଥାନ୍ତେ । ଆପଣ ଆମକୁ ସିଏମ୍ ପଦ ଦେଇ ନାହାଁନ୍ତି କାରଣ ଆପଣ ଶିବସେନାକୁ ଶେଷ କରିବାକୁ ଚାହୁଁଛନ୍ତି । ବର୍ତ୍ତମାନ ତାଙ୍କୁ ସିଏମ କରାଯାଇଛି, ଯିଏ ଶିବସେନା ସହ ବିଦ୍ରୋହ କରିଛନ୍ତି ।

ଉପଦେଶ ଦେଇ ରାଉତ କହିଛନ୍ତି ଯେ, ଶିବସେନା ପ୍ରସ୍ତୁତ ଅଛି ଓ ରହିବ । ପ୍ରଧାନମନ୍ତ୍ରୀ ମୋଦି ଜୀଙ୍କୁ ଗଣତନ୍ତ୍ର ପାଇଁ ଚିନ୍ତା ରହିଥାଏ କି? ମହାରାଷ୍ଟ୍ରରେ ଗଣତନ୍ତ୍ର ବଞ୍ଚିଛି, ଲୋକମାନେ ଆଗାମୀ ସମୟରେ ସେମାନଙ୍କୁ ପ୍ରଶ୍ନ କରିବେ ।

ଏହା ବି ପଢ଼ନ୍ତୁ:-ସଞ୍ଜୟ ରାଉତଙ୍କ ବିରୋଧରେ ଜାରି ହେଲା ୱାରେଣ୍ଟ

ଏହା ବି ପଢ଼ନ୍ତୁ:-ସିନ୍ଦେ ଜିତିଲେ ଆସ୍ଥା ଭୋଟ, ଦେବେନ୍ଦ୍ର ଫଡନାଭିସଙ୍କ ଆସିଲା ପ୍ରଥମ ପ୍ରତିକ୍ରିୟା; ଜାଣନ୍ତୁ କ'ଣ କହିଲେ

ଏହା ବି ପଢ଼ନ୍ତୁ:-ମୋଦି ସରକାରଙ୍କୁ ମେଘାଳୟ ରାଜ୍ୟପାଳଙ୍କ କଡ଼ା ପ୍ରହାର, କହିଲେ-ଚାଷୀଙ୍କ ପରେ ସୈନ୍ୟଙ୍କୁ କରୁଛନ୍ତି ବର୍ବାଦ

କ’ଣ କହିଥିଲେ ଶରଦ ପାୱାର?

ଏକ ବଡ଼ ବୟାନ ଦେଇ ଶରଦ ପାୱାର କହିଛନ୍ତି ଯେ, ମହାରାଷ୍ଟ୍ରରେ ମଧ୍ୟବର୍ତ୍ତୀକାଳୀନ ନିର୍ବାଚନର ସମସ୍ତ ସମ୍ଭାବନା ଅଛି । ଶିବସେନାର ବିଦ୍ରୋହୀ ନେତା ଏକନାଥ ସିନ୍ଦେଙ୍କ ନେତୃତ୍ୱରେ ଗଠନ ହୋଇଥିବା ସରକାର ପାଞ୍ଚରୁ ୬ ମାସରେ ଭାଙ୍ଗି ପାରେ । କୁହାଯାଉଛି ଯେ ଏନସିପି ବିଧାୟକ ତଥା ଦଳର ନେତାମାନଙ୍କୁ ସମ୍ବୋଧିତ କରିବାବେଳେ ଶରଦ ପାୱାର ଏସବୁ କହିଛନ୍ତି । ଶରଦ ପାୱାରଙ୍କ ସମ୍ୱୋଧନରେ ସାମିଲ ଜଣେ ନେତା କହିଛନ୍ତି ଯେ, ମହାରାଷ୍ଟ୍ରରେ ନୂତନ ଭାବେ ଗଠିତ ସରକାର ଆଗାମୀ ୫ରୁ ୬ ମାସ ମଧ୍ୟରେ ଭାଙ୍ଗି ପାରେ, ଯେଉଁଥିପାଇଁ ଆମେ ସମସ୍ତ ବିଧାୟକ ଓ ନେତାମାନଙ୍କୁ ମଧ୍ୟବର୍ତ୍ତୀକାଳୀନ ନିର୍ବାଚନ ପାଇଁ ପ୍ରସ୍ତୁତ ହେବାକୁ କହିଛୁ ।

ପାୱାର ଏହା ମଧ୍ୟ କହିଛନ୍ତି ଯେ, ସିନ୍ଦେଙ୍କୁ ସମର୍ଥନ କରୁଥିବା ଅନେକ ବିଦ୍ରୋହୀ ବିଧାୟକ ସାମ୍ପ୍ରତିକ ପରିସ୍ଥିତିରେ ଖୁସି ନୁହଁନ୍ତି । ବିଭାଗଗୁଡ଼ିକର ବଣ୍ଟନ ପରେ ଅସନ୍ତୋଷ ସାମ୍ନାକୁ ଆସିବ । ଯାହା ସରକାରଙ୍କ ପତନ ହେବ ।