ମୁଖ୍ୟମନ୍ତ୍ରୀ ସିନ୍ଦେ କ'ଣ ପୂର୍ବତନ ସିଏମ ଉଦ୍ଧବ ଠାକରେଙ୍କ ଏହି ଅପିଲକୁ ମାନିବେ?

ମୁମ୍ୱାଇ: Maharashtra Politics: ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ଉଦ୍ଧବ ଠାକରେ (Uddhav Thackeray) ଙ୍କ ଅପିଲ କ'ଣ ବର୍ତ୍ତମାନର ମୁଖ୍ୟମନ୍ତ୍ରୀ ଏକନାଥ ସିନ୍ଦେ (Eknath Shinde) ମାନିବେ? ଏହି ପ୍ରଶ୍ନ ଗୁରୁତ୍ୱପୂର୍ଣ୍ଣ ହୋଇପଡ଼ିଛି କାରଣ ଉଦ୍ଧବଙ୍କ ଦାବି କୌଣସି ରାଜନୈତିକ ନୁହେଁ ବରଂ ମୁମ୍ବାଇର ମେଟ୍ରୋ କାର୍ ଶେଡ୍ ପ୍ରୋଜେକ୍ଟ (Metro Car Shed Project) କୁ ନେଇ ରହିଛି । ଶୁକ୍ରବାର ଶିବସେନା ଭବନରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ଉଦ୍ଧବ ଠକରେ ଆବେଦନ କରିଛନ୍ତି ଯେ ମେଟ୍ରୋ- ୩ କାର୍ ଶେଡ୍ ପ୍ରକଳ୍ପକୁ ଆରେ କଲୋନୀକୁ ସ୍ଥାନାନ୍ତର ନ କରାଯାଉ ।

ଏଠାରେ କହି ରଖୁଛୁ ଯେ, ଗୁରୁବାର ଶପଥ ଗ୍ରହଣ କରିବା ମାତ୍ରେ ସିଏମ୍ ସିନ୍ଦେ ଓ ଡେପୁଟି ସିଏମ୍ ଦେବେନ୍ଦ୍ର ଫଡନାଭିସ୍ କ୍ୟାବିନେଟର ପ୍ରଥମ ବୈଠକରେ ଅଧିକାରୀମାନଙ୍କୁ ଆରେ କଲୋନୀରେ ମେଟ୍ରୋ ରେଳ ପ୍ରକଳ୍ପ ସମ୍ପର୍କରେ ରିପୋର୍ଟ ଦାଖଲ କରିବାକୁ ନିର୍ଦ୍ଦେଶ ଦେଇଛନ୍ତି । ଏହାପୂର୍ବରୁ ଉଦ୍ଧବ ସରକାର ଏହି ପ୍ରକଳ୍ପକୁ ଆରେ କଲୋନୀରୁ କଞ୍ଜୁରମର୍ଗକୁ ସ୍ଥାନାନ୍ତର କରିଥିଲେ । ଅବଶ୍ୟ, ପରେ ଏହି ମାମଲା  ଆଇନଗତ ଲଢ଼େଇ ପାଇଁ ଅଟକି ଯାଇଛି ।

ଗଣମାଧ୍ୟମ ସହ ଏକ ବାର୍ତ୍ତାଳାପରେ ଉଦ୍ଧବ ଠାକରେ ଆରେ କଲୋନୀ ମେଟ୍ରୋ ବିବାଦକୁ ନେଇ ବିଜେପିକୁ ଟାର୍ଗେଟ କରି କହିଛନ୍ତି ଯେ, ବେଜିପି ମୁମ୍ବାଇକୁ ଏପରି ଧୋକା ନ ଦେଉ ଯେପରି ଦେଇଛି । ଠାକରେ କହିଛନ୍ତି ଯେ ମେଟ୍ରୋ କାର୍ ଶେଡକୁ କଞ୍ଜୁରମର୍ଗରୁ ଆରେ କଲୋନୀକୁ ସ୍ଥାନାନ୍ତର କରିବା ଯୋଜନାରେ ସେ ଅତ୍ୟନ୍ତ ଦୁଃଖିତ । ମୁଁ ଦୁଃଖିତ । ଯଦି ଆପଣ ମୋ ଉପରେ ରାଗିଛନ୍ତି, ତେବେ ଉପରେ ହିଁ ଦେଖାନ୍ତି । କିନ୍ତୁ ମୁମ୍ବାଇର ହୃଦୟରେ ଛୁରୀ ଚଳାନ୍ତୁ ନାହିଁ । ଏହା କାହାର ବ୍ୟକ୍ତିଗତ ସମ୍ପତ୍ତି ନୁହେଁ ।

ଏଠାରେ କହି ରଖୁଛୁ ଯେ, ୨୦୧୯ରେ ଉଦ୍ଧବ ଠାକରେ କ୍ଷମତା ଗ୍ରହଣ କରିବା ପରେ ଆରେ କଲୋନୀରୁ ଏହି ପ୍ରକଳ୍ପକୁ ସ୍ଥାନାନ୍ତର କରାଯାଇଥିଲା କାରଣ ଏହା ସଞ୍ଜୟ ଗାନ୍ଧୀ ଜାତୀୟ ଉଦ୍ୟାନ ଓ ଜଙ୍ଗଲ ଜମି ଉପରେ ପ୍ରଭାବ ପକାଇପାରେ । ମୁମ୍ବାଇ ମେଟ୍ରୋର ୩୩.୫ କିଲୋମିଟର ଲମ୍ବା କୋଲାବା-ବାନ୍ଦ୍ରା ସିପେଜ୍ ଅଣ୍ଡରଗ୍ରାଉଣ୍ଡ ମେଟ୍ରୋ ଲାଇନ ପାଇଁ MMRDA ଏକ ମେଟ୍ରୋ କାର୍ ଶେଡ୍ ନିର୍ମାଣ କରୁଛି । ଏହି ମେଟ୍ରୋ ପ୍ରକଳ୍ପ ଶିବସେନା ଓ ବିଜେପି ମଧ୍ୟରେ ବିବାଦର କାରଣ ପାଲଟିଛି । ଏହି ମେଟ୍ରୋ ଶେଡ୍ ପୂର୍ବରୁ ଆରେ କଲୋନୀରେ ନିର୍ମାଣ କରାଯାଉଥିଲା । ୨୦୧୫ ମସିହାରୁ ଆରେ କଲୋନୀରୁ ଏହାକୁ ଅନ୍ୟ ସ୍ଥାନକୁ ସ୍ଥାନାନ୍ତର କରିବାକୁ ଶିବସେନା ଦାବି କରିଆସୁଥିଲା । ଏହି ମାମଲା ବମ୍ବେ ହାଇକୋର୍ଟରେ ପହଞ୍ଚିଛି ।

ଏହା ବି ପଢ଼ନ୍ତୁ:-ଦ୍ରୌପଦୀ ମୁର୍ମୁଙ୍କୁ ଏହି ରାଜ୍ୟରୁ ମିଳିବନି ଗୋଟିଏ ବି ଭୋଟ୍!

ଏହା ବି ପଢ଼ନ୍ତୁ:-ଏକନାଥ ସିନ୍ଦେ, ଦେବେନ୍ଦ୍ର ଫଡନାଭିସ୍ ଏବଂ ଉଦ୍ଧବ ଠାକରେଙ୍କ ମଧ୍ୟରେ କିଏ ଅଧିକ ଧନୀ?

ଆରେ ମୁମ୍ବାଇ ସହର ଭିତରେ ଅବସ୍ଥିତ ଏକ ସବୁଜ ଭୂମି । ଏଠାରେ ପ୍ରାୟ ୫ ଲକ୍ଷ ଗଛ ଅଛି ଓ ଏଠାରେ ଅନେକ ପ୍ରଜାତିର ପ୍ରାଣୀ ଏବଂ ପକ୍ଷୀ ଦେଖିବାକୁ ମିଳେ । ଏହି ସ୍ଥାନର ସବୁଜତା ଯୋଗୁଁ ଏହାକୁ 'ଗ୍ରୀନ୍ ଲଙ୍ଗ ଅଫ୍ ମୁମ୍ବାଇ' କୁହାଯାଏ । ଶିବସେନା କହିଛି ଯେ, ଏଠାରେ ମେଟ୍ରୋ କାର୍ ଶଡ୍ ନିର୍ମାଣ ଯୋଗୁଁ ଗଛ କଟାଯିବ ।