Wrestlers Protest: 'ହୃଦୟ ବିଦାରକ ...', ରେସଲରଙ୍କ ସମର୍ଥନରେ ବାହାରିଲେ ୧୯୮୩ ବିଶ୍ୱକପ ବିଜେତା କ୍ରିକେଟ୍ ଟିମ୍, ଜାରିକଲେ ବୟାନ

Wrestlers Protest: ବୟାନରେ କୁହାଯାଇଛି ଯେ ଚାମ୍ପିୟନ ରେସଲରଙ୍କୁ ଏଭଳି ପରିସ୍ଥିତିରେ ଦେଖି ଅତ୍ୟନ୍ତ ଖରାପ ଲାଗୁଛି । ବିଶେଷକରି, ଆମର କୁସ୍ତିଯୋଦ୍ଧାମାନେ ସେମାନଙ୍କର ପଦକ ଗଙ୍ଗାରେ ପକାଇବାକୁ ଯାଉଛନ୍ତି ଶୁଣି ଆମେ ଅଧିକ ଚିନ୍ତିତ ।

Wrestlers' Protest Latest News: ବିଜେପି ସାଂସଦ ତଥା ରେସଲିଂ ଆସୋସିଏସନ ସଭାପତି ବ୍ରିଜ ଭୂଷଣଙ୍କ (Brij Bhushan) ବିରୋଧରେ ବିରୋଧ କରୁଥିବା କୁସ୍ତିଯୋଦ୍ଧାମାନେ ବର୍ତ୍ତମାନ ୧୯୮୩ ବିଶ୍ୱ ଚାମ୍ପିୟନ ଭାରତୀୟ ଦଳର ଖେଳାଳୀଙ୍କ (1983 World Cup winning team members) ସମର୍ଥନ ପାଇଛନ୍ତି । ବିଜେତା ଦଳର ସଦସ୍ୟ ମଦନ ଲାଲ (Madan Lal) କହିଛନ୍ତି ଯେ କୁସ୍ତିଯୋଦ୍ଧା ବଜରଙ୍ଗ ପୁନିଆ (Bajrang Punia), ସାକ୍ଷି ମଲିକ (Sakshi Malik), ବିନେଶ ଫୋଗାଟ ଓ (Vinesh Phogat) ଅନ୍ୟାନ୍ୟ କୁସ୍ତିଯୋଦ୍ଧାମାନେ ଗଙ୍ଗାରେ ପଦକ ବିସର୍ଜନ କରବାକୁ ନିଷ୍ପତ୍ତି ନେଇଛନ୍ତି । ଏହା ହୃଦୟ ବିଦାରକ । ପଦକ ହାସଲ କରିବା ସହଜ ନ ଥିବାରୁ ଆମେ ସେମାନଙ୍କ ପଦକ ଫିଙ୍ଗିବା ସପକ୍ଷରେ ନାହୁଁ ଓ ସରକାରଙ୍କୁ ଏହି ସମସ୍ୟାର ଯଥାଶୀଘ୍ର ସମାଧାନ କରିବାକୁ ଅନୁରୋଧ କରୁଛୁ ।

ଚାମ୍ପିୟନ ରେସଲରମାନେ ବଢାଇଛନ୍ତି ଦେଶର ସମ୍ମାନ 
୧୯୮୩ କ୍ରିକେଟ୍ ବିଶ୍ୱକପ୍ ବିଜେତା ଦଳ କୁସ୍ତିଯୋଦ୍ଧାମାନଙ୍କ ଉପରେ ଏକ ବୟାନ ଜାରି କରିଛନ୍ତି । କପିଲ ଦେବଙ୍କ ନେତୃତ୍ୱରେ ଦଳର ଅଂଶ ଗ୍ରହଣ କରିଥିବା ମଦନ ଲାଲ, ସୁନୀଲ ଗାଭାସ୍କର, ବିସିସିଆଇ ସଭାପତି ରୋଜର ବିନି, ଦିଲୀପ ଭେଙ୍ଗସକରଙ୍କ ସମେତ ଅନେକ ଖେଳାଳି କହିଛନ୍ତି ଯେ ଚାମ୍ପିୟନ କୁସ୍ତିଯୋଦ୍ଧାଙ୍କ ଉପରେ ହୋଇଥିବା ମାରପିଟରେ ଆମ ବିବ୍ରତ । ଆମେ ମଧ୍ୟ ଅଧିକ ଚିନ୍ତିତ ଯେ ସେମାନେ ସେମାନଙ୍କର କଷ୍ଟ ଉପାର୍ଜିତ ଜିନିଷ ଗଙ୍ଗା ନଦୀରେ ବିସର୍ଜନ କରିବାକୁ ଚିନ୍ତା କରୁଛନ୍ତି । ସେହି ପଦକଗୁଡ଼ିକରେ ବର୍ଷ ବର୍ଷର ପ୍ରୟାସ, ବଳିଦାନ, ନିଷ୍ଠା ସାମିଲ ଥାଏ ଓ ତାହା କେବଳ ତାଙ୍କ ପାଇଁ ନୁହେଁ ଦେଶ ପାଇଁ ଗର୍ବ ।

Wrestlers' protest | Heartbreaking that they decided to throw their medals. We aren't in favour of them throwing their medals because earning medals isn't easy and we urge the Government to sort out this issue as soon as possible: Member of the 1983 cricket world cup winning… pic.twitter.com/Bg6p83LDIK

— ANI (@ANI) June 2, 2023

୧୯୮୩ ବିଶ୍ୱକପ ବିଜେତା କ୍ରିକେଟ୍ ଟିମ୍ ମିଳିତ ବୟାନରେ କହିଛନ୍ତି ଯେ ଆମେ କୁସ୍ତିଯୋଦ୍ଧାମାନଙ୍କୁ ଅନୁରୋଧ କରୁଛୁ ଯେ ଏହି ପ୍ରସଙ୍ଗରେ ଶୀଘ୍ର ନିଷ୍ପତ୍ତି ନ ନିଅନ୍ତୁ ଓ ଆଶା କରୁଛୁ ଯେ ସେମାନଙ୍କର ଅଭିଯୋଗ ଶୀଘ୍ର ଶୁଣାଯିବ ଏବଂ ସମାଧାନ ହେବ । ଦେଶର ଆଇନକୁ କାର୍ଯ୍ୟକରି ହେବାକୁ ଦିଆଯାଉ ।

୫ ଜୁନରେ ଅଯୋଧ୍ୟାରେ ଆୟୋଜିତ ହେବାକୁ ଥିବା ମହା ରାଲି ବାତିଲ
ଅଯୋଧ୍ୟାରେ ହେବାକୁ ଥିବା ମେଗା ରାଲିକୁ ବ୍ରିଜ ଭୂଷଣ ଶରଣ ସ୍ଥଗିତ ରଖିଛନ୍ତି । WFI ର ପୂର୍ବତନ ସଭାପତି ତଥା ବିଜେପି ସାଂସଦ ବ୍ରିଜ ଭୂଷଣ ଶରଣ ସିଂ ଏହି ସୂଚନା ନିଜ ଫେସବୁକରେ ସେୟାର କରିଛନ୍ତି । ତାଙ୍କ ବିରୋଧରେ ପୋଲିସର ତଦନ୍ତ ଚାଲିଥିବାରୁ ବ୍ରିଜ ଭୂଷଣ ଶରଣ ସିଂ ଘୋଷଣା କରିଛନ୍ତି ଯେ ଅଯୋଧ୍ୟାରେ ୫ ଜୁନ୍ ତାରିଖ ଦିନ ଧାର୍ଯ୍ୟ ହୋଇଥିବା 'ଜନ ଚେତନା ମହରାଲୀ, ଅଯୋଧ୍ୟା ଚାଲୋ' କିଛି ଦିନ ପାଇଁ ସ୍ଥଗିତ ରଖାଯାଇଛି ।