ବଦଳିଲେ ୫ ରାଜ୍ୟର ରାଜ୍ୟପାଳ, ପଦରୁ ଇସ୍ତଫା ଦେଲେ ରଘୁବର ଦାସ

ଭୁବନେଶ୍ୱର: ବଦଳିଲେ ଓଡ଼ିଶାର ରାଜ୍ୟପାଳ ରଘୁବର ଦାସ । ରାଜ୍ୟପାଳ ପଦରୁ ଇସ୍ତଫା ଦେଇଛନ୍ତି ରଘୁବର ଦାସ । ଓଡ଼ିଶାର ନୂଆ ରାଜ୍ୟପାଳ ଭାବେ ଡକ୍ଟର ହରିବାବୁ କମ୍ଭମପତିଙ୍କୁ ନିଯୁକ୍ତି ମିଳିଛି । ମିଜୋରାମ ରାଜ୍ୟପାଳ ଡକ୍ଟର ହରିବାବୁ କମ୍ଭମପତିଙ୍କୁ ଓଡ଼ିଶା ରାଜ୍ୟପାଳ ଭାବେ ନିଯୁକ୍ତି ଦେଇଛନ୍ତି ରାଷ୍ଟ୍ରପତି ।

ସେହିପରି ଆଉ ୪ ରାଜ୍ୟରେ ନିଯୁକ୍ତ ହୋଇଛନ୍ତି ନୂଆ ରାଜ୍ୟପାଳ । ମିଜୋରାମ ରାଜ୍ୟପାଳ ହେଲେ ଜେନେରାଲ୍ ଭି.କେ ସିଂହ । ରାଜେନ୍ଦ୍ର ବିଶ୍ବନାଥ ଆର୍ଲେକର କେରଳ ରାଜ୍ୟପାଳ ଭାବେ ନିଯୁକ୍ତ ହୋଇଛନ୍ତି । ବିହାର ରାଜ୍ୟପାଳ ହେଲେ ଆରିଫ୍ ମହମ୍ମଦ ଖାନ୍ । ମଣିପୁର ରାଜ୍ୟପାଳ ଭାବେ ପୂର୍ବତନ ଗୃହ ସଚିବ ଅଜୟ ଭଲ୍ଲା ନିଯୁକ୍ତ ହୋଇଛନ୍ତି ।