ଲାଞ୍ଚ ନେବା ବେଳେ ଭିଜିଲାନ୍ସ ଜାଲରେ ପଡ଼ିଲେ ଆରଆଇ ଓ ଅମିନ

Vigilance raid: ଆଜି ୭ହଜାର ଟଙ୍କା ଲାଞ୍ଚ ନେବା ବେଳେ ଆରଆଇ ଓ ଅମିନଙ୍କୁ ଗିରଫ କରାଯାଇଛି।

କେଶାଇବାହାଲ: ଭିଜିଲାନ୍ସ ଜାଲରେ ପୁଣି ଧରପଡ଼ିଲେ ସରକାରୀ ବାବୁ ଓ ବାବୁଆଣି। ଲାଞ୍ଚ ନେବା ବେଳେ ଧରାପଡ଼ିଲେ କେଶାଇବାହାଲ ଆରଆଇ ଓ ଅମିନ। ଭୂମିହୀନଙ୍କଠାରୁ ୭ହଜାର ଟଙ୍କା ଲାଞ୍ଚ ନେବା ବେଳେ ଉଭୟଙ୍କୁ ଗିରଫ କରିଛି କୁଚିଣ୍ଡା ଭିଜିଲାନ୍ସ ଟିମ୍। ଗିରଫ ବ୍ୟକ୍ତି ହେଲେ କେଶାଇବାହାଲ ରାଜସ୍ୱ ନୀରିକ୍ଷକ ତୁଲସା ପ୍ରଧାନ ଓ ଅମିନ ମୁକେଶ ସାହୁ। 

ସୂଚନାଯୋଗ୍ୟ ଯେ, ଜମିଜମା କାଗଜପତ୍ର କରାଇବା ପାଇଁ ଭୂମିହୀନଙ୍କଠାରୁ ଉଭୟ ୩ ହଜାର ଟଙ୍କା ଲାଞ୍ଚ ଦାବି କରିଥିଲେ। ଏନେଇ ଅଭିଯୋଗକାରୀ ଭିଜିଲାନ୍ସ ନିକଟରେ ଅଭିଯୋଗ ହେବା ପରେ ଉଭୟଙ୍କୁ ରେଡ୍ ହ୍ୟାଣ୍ଡରେ ଧରିବାକୁ ଜାଲ ବିଛାଇଥିଲା ଭିଜିଲାନ୍ସ ଟିମ୍। ଆଜି ୭ହଜାର ଟଙ୍କା ଲାଞ୍ଚ ନେବା ବେଳେ ଆରଆଇ ଓ ଅମିନଙ୍କୁ ଗିରଫ କରାଯାଇଛି। ଉଭୟଙ୍କ ସମ୍ପତ୍ତି ନେଇ ତଦନ୍ତ ଆରମ୍ଭ କରିଛି ଭିଜିଲାନ୍ସ ଟିମ୍। ତେବେ କେତେ ସମ୍ପତି ଠାବ କରାଯାଇଛି ତାହା ସ୍ପଷ୍ଟ ହୋଇନାହିଁ। ଉଭୟଙ୍କୁ ଗିରଫ କରାଯାଇଛି। ପଚରା ଉଚୁରା କରାଯିବ ବୋଲି ଭିଜିଲାନ୍ସ ସୂଚନା ଦେଇଛି।