ମା' ଓ ଭଉଣୀଙ୍କୁ ଜିଅନ୍ତା ପୋଡ଼ି ମାରିବା ଘଟଣା; ହତ୍ୟାର ଡେମୋ ଦେଖାଇଲେ ଦୁଇ ଅଭିଯୁକ୍ତ

Sambalpur murder case: ବୁଢି ମା' ଙ୍କୁ ଶ୍ବାସରୁଦ୍ଧ କରି ମାରିବା ପର ବଡ଼ ଭଉଣୀର ତଣ୍ଟି ଚିପି ହତ୍ୟା କରି ପେଟ୍ରୋଲ ଢାଳି ନିଆଁ ଲଗାଇଥିଲେ ବୋଲି ଅଭିଯୁକ୍ତ ପୁଅ ସ୍ୱୀକାର କରିଛି। ସମ୍ପତ୍ତି ପାଇଁ ସୈତାନ ପୁଅ ଏଭଳି ଜଘନ୍ୟ ହତ୍ୟାକାଣ୍ଡ ଘଟାଇଥିଲା। ମୃତ ବୃଦ୍ଧାଙ୍କ ସାନ ଝିଅ ଇନ୍ଦ୍ରାଣୀ ପୁରୋହିତ ମା' ଓ ବଡ଼ ଭଉଣୀଙ୍କୁ ହତ୍ୟା କରାଯାଇଥିବା ଥାନାରେ ଅଭିଯୋଗ କରିବା ପରେ ତନାଘନା ତଦନ୍ତ ଆରମ୍ଭ କରିଥିଲା ପୁଲିସ।

ସମ୍ବଲପୁର: ସମ୍ବଲପୁର ମାନେଶ୍ବର ହାଟପଦାରେ ବୃଦ୍ଧା ମା' ଓ ଭଉଣୀକୁ ଜିଅନ୍ତା ପୋଡ଼ି ମାରିଦେବା ଘଟଣାରେ ବୃଦ୍ଧାଙ୍କ ପୁଅ ଓ ନାତି ଦେଖାଇଲେ ହତ୍ୟାର ଡେମୋ। ପୁଲିସ ଦୁଇ ଅଭିଯୁକ୍ତ ବାପପୁଅକୁ ନେଇ କ୍ରାଇମସିନ୍ ରିକ୍ରିଏସନ କରିଛି। କିପରି ଅଭିଯୁକ୍ତ ପୁଅ ନିଜ ମାଆ ସ୍ନେହଲତା ଦୀକ୍ଷିତ ଓ ବଡ଼ ଭଉଣୀ ସୈରେନ୍ଦ୍ରିଙ୍କୁ ହତ୍ୟା କଲା ସେନେଇ ଦେଖାଇଲା ଡେମୋ। 

ଦୁଇ ଅଭିଯୁକ୍ତଙ୍କୁ ସଦର ଥାନା ପୁଲିସ ହାଟପଦା କ୍ରାଇମ ସ୍ପଟରେ ପହଞ୍ଚିଥିଲା। ଏହାପରେ ଅଭିଯୁକ୍ତମାନେ ଘଟଣା କ୍ରମ ଦେଖାଇଥିଲେ। ବୁଢି ମା' ଙ୍କୁ ଶ୍ବାସରୁଦ୍ଧ କରି ମାରିବା ପର ବଡ଼ ଭଉଣୀର ତଣ୍ଟି ଚିପି ହତ୍ୟା କରି ପେଟ୍ରୋଲ ଢାଳି ନିଆଁ ଲଗାଇଥିଲେ ବୋଲି ଅଭିଯୁକ୍ତ ପୁଅ ସ୍ୱୀକାର କରିଛି। ସମ୍ପତ୍ତି ପାଇଁ ସୈତାନ ପୁଅ ଏଭଳି ଜଘନ୍ୟ ହତ୍ୟାକାଣ୍ଡ ଘଟାଇଥିଲା। ମୃତ ବୃଦ୍ଧାଙ୍କ ସାନ ଝିଅ ଇନ୍ଦ୍ରାଣୀ ପୁରୋହିତ ମା' ଓ ବଡ଼ ଭଉଣୀଙ୍କୁ ହତ୍ୟା କରାଯାଇଥିବା ଥାନାରେ ଅଭିଯୋଗ କରିବା ପରେ ତନାଘନା ତଦନ୍ତ ଆରମ୍ଭ କରିଥିଲା ପୁଲିସ। ତେବେ ଉଭୟଙ୍କୁ ଗିରଫ କରାଯାଇଛି।