Top 10 News: ପଞ୍ଚମ ଥର ବଢ଼ିଲା ରାସନ କାର୍ଡ e-KYC ଅପଡେଟ୍ ଅବଧି, ମହାକୁମ୍ଭରେ ପୁଣି ଥରେ ଅଗ୍ନିକାଣ୍ଡ; ପଢ଼ନ୍ତୁ ଆଜିର ୧୦ ବଡ଼ ଖବର

Top 10 News Headlines: ଆଗାମୀ ଫେବୃଆରୀ ୧୭ ଏବଂ ୨୪ ତାରିଖରେ ମୁଖ୍ୟମନ୍ତ୍ରୀଙ୍କ ଜନ ଅଭିଯୋଗ ଶୁଣାଣି କାର୍ଯ୍ୟକ୍ରମ ବନ୍ଦ ରହିବ । ସଂକ୍ଷେପରେ ପଢ଼ନ୍ତୁ ଦିନ ତମାମର ୧୦ଟି ବଡ଼ ଖବର।

Top 10 News Headlines 15 February 2025: H1. CM Grievance Cell To Remain Closed On Feb 17, 24: ଆଗାମୀ ଫେବୃଆରୀ ୧୭ ଏବଂ ୨୪ ତାରିଖରେ ମୁଖ୍ୟମନ୍ତ୍ରୀଙ୍କ ଜନ ଅଭିଯୋଗ ଶୁଣାଣି କାର୍ଯ୍ୟକ୍ରମ ବନ୍ଦ ରହିବ । ସପ୍ତଦଶ ବିଧାନସଭାର ତୃତୀୟ ଅଧିବେଶନ (ବଜେଟ ଅଧିବେଶନ) ବଳବତ୍ତର ଥିବା ହେତୁ ଏହି ସୋମବାର ଗୁଡ଼ିକରେ ଭୁବନେଶ୍ଵର,ୟୁନିଟ-୫ସ୍ଥିତ ମୁଖ୍ୟମନ୍ତ୍ରୀଙ୍କ ଅଭିଯୋଗ ପ୍ରକୋଷ୍ଠ ଠାରେ ଜନ ଅଭିଯୋଗ ଶୁଣାଣି ବନ୍ଦ ରହିବ। 

H2. CM Mohan Charan Majhi On permanent palace: ବରଗଡ଼ ନିଶାମଣି ହାଇସ୍କୁଲ ପଡ଼ିଆଠାରେ ଧନୁଯାତ୍ରା ପାଇଁ ଏକ ସ୍ଥାୟୀ ରାଜମହଲ ମଞ୍ଚ ନିର୍ମାଣ ଲାଗି ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ  ମୋହନ ମାଝୀ ₹୧୨. ୭୯ କୋଟି ମଞ୍ଜୁର କରିଛନ୍ତି। ଚଳିତ ବର୍ଷ ଧନୁଯାତ୍ରାରେ ଏହି ସ୍ଥାୟୀ ରାଜମହଲ ମଞ୍ଚ ନିର୍ମାଣ ନେଇ ମୁଖ୍ୟମନ୍ତ୍ରୀ ଘୋଷଣା କରିଥିଲେ। ନିର୍ମାଣ ହେବାକୁଥିବା ଏହି ରାଜ ମହଲ ଓଡ଼ିଆ ସଂସ୍କୃତି, ପରମ୍ପରା ଓ ଅସ୍ମିତାର ଅନନ୍ୟ ପରିଚୟ ବରଗଡ଼ ଧନୁଯାତ୍ରାକୁ ଆହୁରି ଭବ୍ୟ କରିବ।

H3. Odisha Govt extends deadline for ration card e-KYC: ପଞ୍ଚମ ଥର ବଢ଼ିଲା ରାସନ କାର୍ଡ e-KYC ଅପଡେଟ୍ ଅବଧି। ମାର୍ଚ୍ଚ ୩୧ ଯାଏଁ କରିହେବ e-KYC ଅପଡେଟ୍ । ୩୪୧ PDS ପଏଣ୍ଟରେ ନେଟୱର୍କ ଡିଭାଇସ ଲାଗିବ ବୋଲି ସୂଚନା ଦେଇଛନ୍ତି ଯୋଗାଣ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର।।

H4. Maha Kumbh Fire News: ଶନିବାର ଦିନ ପ୍ରୟାଗରାଜ ମହାକୁମ୍ଭରେ ପୁଣି ଥରେ ଏକ ଭୟଙ୍କର ଅଗ୍ନିକାଣ୍ଡ ଘଟିଛି। ଏହି ଘଟଣା ପରେ ଘଟଣାସ୍ଥଳରେ ଉତ୍ତେଜନା ପ୍ରକାଶ ପାଇଥିଲା। ଏହି ଅଗ୍ନିକାଣ୍ଡରେ ଦୁଇ ଡର୍ଜନ ତମ୍ବୁ ପୋଡ଼ି ପାଉଁଶ ହୋଇଗଲା। ଅଗ୍ନିକାଣ୍ଡ ସମ୍ପର୍କରେ ସୂଚନା ପାଇବା ମାତ୍ରେ ଅଗ୍ନିଶମ ବାହିନୀ ଏବଂ ପୋଲିସର ବରିଷ୍ଠ ଅଧିକାରୀମାନେ ଘଟଣାସ୍ଥଳରେ ପହଞ୍ଚିଥିଲେ।

H5. India’s First Road Train: କେନ୍ଦ୍ର ମନ୍ତ୍ରୀ ନୀତିନ ଗଡକରୀ ଆଜି ନାଗପୁରରେ ଭଲଭୋ ଗ୍ରୁପ୍ ଦ୍ୱାରା ନିର୍ମିତ ଭାରତର ପ୍ରଥମ ରୋଡ୍ ଟ୍ରେନକୁ ପତାକା ଦେଖାଇ ଶୁଭାରମ୍ଭ କରିଛନ୍ତି। ଏହି ନୂତନ ପ୍ରଯୁକ୍ତିବିଦ୍ୟା ଲଜିଷ୍ଟିକ୍ସ କ୍ଷେତ୍ରରେ ବିପ୍ଳବ ଆଣିବା ସହିତ ଦେଶରେ ପରିବହନକୁ ଅଧିକ ଦକ୍ଷ ଏବଂ ପରିବେଶ ଅନୁକୂଳ କରିବା ଦିଗରେ ଏକ ବଡ଼ ପଦକ୍ଷେପ। ଏହି ସଡ଼କ ଟ୍ରେନ୍‌କୁ ସ୍ୱତନ୍ତ୍ର ଭାବରେ ଦୀର୍ଘ ଦୂରତା ମାଲ ପରିବହନ ପାଇଁ ଡିଜାଇନ୍ କରାଯାଇଛି, ଯାହା ପରିବହନ କ୍ଷେତ୍ରକୁ ଶସ୍ତା, ଦ୍ରୁତ ଏବଂ ସ୍ଥାୟୀ କରିବାରେ ସାହାଯ୍ୟ କରିବ।

H6. New India Co-Operative Bank Scam: ନ୍ୟୁ ଇଣ୍ଡିଆ କୋ-ଅପରେଟିଭ୍ ବ୍ୟାଙ୍କରେ ହୋଇଥିବା ଅନିୟମିତତାର ତଦନ୍ତ ଆରମ୍ଭ ହୋଇଛି। ଆଜି ମୁମ୍ବାଇ ପୋଲିସର ଅର୍ଥନୈତିକ ଅପରାଧ ଶାଖା (EOW) ୟୁନିଟ୍ ନ୍ୟୁ ଇଣ୍ଡିଆ କୋ-ଅପରେଟିଭ୍ ବ୍ୟାଙ୍କର ପୂର୍ବତନ GMଙ୍କୁ ଗିରଫ କରିଛି। ପୂର୍ବତନ ଜିଏମ୍ ହିତେଶ ମେହେଟାଙ୍କୁ EOW ନୋଟିସ ଜାରି କରି ଡକାଯାଇଥିଲା ଏବଂ ଆଜି ଆସିଥିବା ହିତେଶଙ୍କୁ ଦୀର୍ଘ ସମୟ ଧରି ପଚରାଉଚରା କରିବା ପରେ ତାଙ୍କୁ ଗିରଫ କରାଯାଇଥିଲା।

H7. Rewort Mahatma Gandhi beer: ଓଡ଼ିଶାର ପୂର୍ବତନ ମୁଖ୍ୟମନ୍ତ୍ରୀ ନନ୍ଦିନୀ ଶତପଥୀଙ୍କ ନାତି ଏବଂ ରାଜନେତା ସୁପର୍ଣ୍ଣୋ ଶତପଥୀ ମଧ୍ୟ ଏକ୍ସରେ ଏହି ଫଟୋ ସେୟାର କରିଛନ୍ତି। ଏହି ପୋଷ୍ଟରେ ଥିବା ଫଟୋଗୁଡ଼ିକରୁ ସ୍ପଷ୍ଟ ଯେ ବିୟର କ୍ୟାନରେ ମହାତ୍ମା ଗାନ୍ଧୀଙ୍କ ଫଟୋ ମୁଦ୍ରିତ ହୋଇଛି। ଏହା ଦେଖି ସୋସିଆଲ ମିଡିଆ ବ୍ୟବହାରକାରୀମାନେ ବହୁତ କ୍ରୋଧିତ ହୋଇଛନ୍ତି।

H8. Delhi New CM: ଦିଲ୍ଲୀରେ ବିଜେପି ଏକ ଚମତ୍କାର ବିଜୟ ହାସଲ କରିଛି। ଦିଲ୍ଲୀର ୭୦ଟି ବିଧାନସଭା ଆସନ ମଧ୍ୟରୁ ବିଜେପି ୪୮ଟି ଆସନ ଜିତିଛି। ଗଣମାଧ୍ୟମ ରିପୋର୍ଟ ଅନୁସାରେ ନୂତନ ମୁଖ୍ୟମନ୍ତ୍ରୀ ୧୯ କିମ୍ବା ୨୦ ଫେବୃଆରୀରେ ଦିଲ୍ଲୀରେ ଶପଥ ଗ୍ରହଣ କରିପାରନ୍ତି। ୧୭ କିମ୍ବା ୧୮ ଫେବୃଆରୀରେ ବିଧାୟକ ଦଳର ଏକ ବୈଠକ ମଧ୍ୟ ଅନୁଷ୍ଠିତ ହୋଇପାରେ। ଏହି ବୈଠକରେ ମୁଖ୍ୟମନ୍ତ୍ରୀଙ୍କ ନାମ ଚୂଡ଼ାନ୍ତ ହୋଇପାରେ। କୁହାଯାଉଛି ଯେ ୪୮ ଜଣ ବିଧାୟକଙ୍କ ମଧ୍ୟରୁ ୧୫ ଜଣ ବିଧାୟକଙ୍କ ନାମ ସଂକ୍ଷିପ୍ତ ତାଲିକାଭୁକ୍ତ କରାଯାଇଛି। ସେମାନଙ୍କ ମଧ୍ୟରୁ ୯ ଜଣଙ୍କ ନାମ ସଂକ୍ଷିପ୍ତ ତାଲିକାରେ ସ୍ଥାନିତ ହୋଇଛି।

H9. ICC Champions Trophy 2025 commentary: ଆଇସିସି ସିଧା ପ୍ରସାରଣ ସମ୍ପର୍କିତ ଦେଇଥିବା ସୂଚନାରେ ଭାରତୀୟ ପ୍ରଶଂସକଙ୍କୁ ଏକ ବଡ଼ ଉପହାର ଦିଆଯାଇଛି। ପ୍ରଥମ ଥର ପାଇଁ ଭାରତୀୟ ପ୍ରଶଂସକମାନେ ୯ଟି ଭିନ୍ନ ଭାଷାରେ ଅନ୍ତର୍ଜାତୀୟ ମ୍ୟାଚ୍‌ର ସିଧା ପ୍ରସାରଣ ଉପଭୋଗ କରିପାରିବେ। ଯେଉଁଥିରେ ପ୍ରଶଂସକ ୯ ଭାଷାରେ ଯଥା ଇଂରାଜୀ, ହିନ୍ଦୀ, ମରାଠୀ, ହରିୟାଣଭି, ବଙ୍ଗାଳୀ, ଭୋଜପୁରୀ, ତାମିଲ, ତେଲୁଗୁ ଏବଂ କନ୍ନଡ ଭାଷାରେ କମେଣ୍ଟ୍ରି ଉପଭୋଗ କରିପାରିବେ। ଏଥିରେ ଓଡ଼ିଆ ଭାଷାକୁ ସ୍ଥାନ ମିଳିନାହିଁ।

H10. ICC ODI Team Rankings Ahead of Champions Trophy 2025: ଚାମ୍ପିଅନ୍ସ ଟ୍ରଫି 2025 ପୂର୍ବରୁ, ICC ଦଳଗତ ODI ରାଙ୍କିଙ୍ଗ ପ୍ରକାଶ କରିଛି। ଯେଉଁଥିରେ ପାକିସ୍ତାନକୁ ଏକ ବଡ଼ ଝଟକା ଲାଗିଛି। ଭାରତର ପ୍ରାଧାନ୍ୟ ଅକ୍ଷୁର୍ଣ୍ଣ ରହିଛି। ଆଇସିସି ଦ୍ୱାରା ପ୍ରକାଶିତ ସଦ୍ୟତମ ଏକଦିବସୀୟ ରାଙ୍କିଙ୍ଗରେ ପାକିସ୍ତାନ ଦଳ ଗୋଟିଏ ସ୍ଥାନ ତଳକୁ ଖସିଯାଇଛି। ଫେବୃଆରୀ ୧୩ ତାରିଖ ପର୍ଯ୍ୟନ୍ତ ପାକିସ୍ତାନ ଦଳ ଦ୍ୱିତୀୟ ସ୍ଥାନରେ ଥିଲା କିନ୍ତୁ ତ୍ରିରାଷ୍ଟ୍ରୀୟ ସିରିଜର ଫାଇନାଲରେ ହାରିବାର ପରିଣାମ ଏହାକୁ ଭୋଗିବାକୁ ପଡିଛି।