1.Hanshita: ସରୋଜ ସାହୁ(Saroj Sahoo)ଙ୍କୁ ସ୍ବାମୀ ବୋଲି ମାନିଲେ ହଂସିତା । ସ୍ବାମୀଙ୍କ ଦେହ ଖରାପ ଦର୍ଶାଇ ଅନ୍ତରୀଣ ଜାମିନ୍ ପାଇଁ ଆବେଦନ। ଫରୱାର୍ଡ଼ିଂ ଲେଟରରେ ଅନୀଲଙ୍କୁ ସ୍ବାମୀ ଦର୍ଶାଇ ଥିଲା ଇନଫୋସିଟି ପୋଲିସ।
2.8th Pay Commission: ଦେଶର ୧ କୋଟି କେନ୍ଦ୍ରୀୟ କର୍ମଚାରୀ ଏବଂ ପେନସନଭୋଗୀଙ୍କ ପାଇଁ ଏକ ବଡ଼ ଖବର। ପ୍ରଧାନମନ୍ତ୍ରୀ ୮ମ କେନ୍ଦ୍ରୀୟ ବେତନ କମିଶନକୁ ଅନୁମୋଦନ କରିଛନ୍ତି। କେନ୍ଦ୍ରମନ୍ତ୍ରୀ ଅଶ୍ୱିନୀ ବୈଷ୍ଣବ ଏହାର ସୂଚନା ଦେଇଛନ୍ତି। ଏହି କମିଶନ କେନ୍ଦ୍ର ସରକାରୀ କର୍ମଚାରୀ ଏବଂ ପେନସନଭୋଗୀଙ୍କ ପାଇଁ ସାଲାରି ଷ୍ଟ୍ରକ୍ଚର ଉପରେ ନିଷ୍ପତ୍ତି ନେବ। ଅଷ୍ଟମ ବେତନ କମିଶନ ଆସିବା ସହିତ ସମସ୍ତ କେନ୍ଦ୍ର ସରକାରୀ କର୍ମଚାରୀଙ୍କ ଦରମା ଏବଂ ପେନସନଭୋଗୀଙ୍କ ପେନସନ ବୃଦ୍ଧି ପାଇବ।
3. NEP 2020: ନୂଆଦିଲ୍ଲୀ: ଓଡିଶାରେ ଶିକ୍ଷା କ୍ଷେତ୍ରରେ ଏକ ନୂତନ ଯୁଗର ଆରମ୍ଭ ହେବାକୁ ଯାଉଛି। କେନ୍ଦ୍ର ଶିକ୍ଷା ମନ୍ତ୍ରଣାଳୟ ଦ୍ୱାରା ପ୍ରସ୍ତୁତ ଜାତୀୟ ଶିକ୍ଷା ନୀତିକୁ ରାଜ୍ୟରେ ଲାଗୁ କରାଯିବ। ରାଜ୍ୟ ସରକାର ଜାତୀୟ ପାଠ୍ୟକ୍ରମ ଢାଞ୍ଚା ସହ ସ୍ଥାନୀୟ ପ୍ରସଙ୍ଗକୁ ଭିତ୍ତି କରି ପାଠ୍ୟକ୍ରମ ପ୍ରସ୍ତୁତ କରିବେ। ଏନେଇ ଆଜି ବିଦ୍ୟାଳୟ ଓ ଗଣଶିକ୍ଷା ବିଭାଗ ପକ୍ଷରୁ ବିଜ୍ଞପ୍ତି ଜାରି କରାଯାଇଛି। ଏନେଇ ଗଣଶିକ୍ଷା ବିଭାଗ ସଚିବ ଶାଳିନୀ ପଣ୍ଡିତ କହିଛନ୍ତି ଜାତୀୟ ଶିକ୍ଷାନୀତି-୨୦୨୦କୁ ୨୦୨୫-୨୬ ଶିକ୍ଷାବର୍ଷରୁ ଲାଗୁ କରାଯିବ। ଏହାକୁ ପର୍ଯ୍ୟାୟ କ୍ରମେ ଲାଗୁ କରାଯିବ।
4.India created new history: ନୂଆଦିଲ୍ଲୀ: ଭାରତୀୟ ମହାକାଶ ଗବେଷଣା ସଂଗଠନ (ISRO) ଗୁରୁବାର ଦିନ 'ସ୍ପେସ୍ ଡକିଂ ପରୀକ୍ଷଣ' (SPADEX) ଅନ୍ତର୍ଗତ ସାଟେଲାଇଟ୍କୁ ସଫଳତାର ସହ ଡକିଂ କରିଛି। "ଭାରତ ମହାକାଶ ଇତିହାସରେ ନିଜର ନାମ ପଞ୍ଜିକୃତ କରିଛି," ଇସ୍ରୋ ସୋସିଆଲ ମିଡିଆ ପ୍ଲାଟଫର୍ମ 'X'ରେ ଏକ ପୋଷ୍ଟରେ କହିଛି। ଶୁଭ ସକାଳ ଭାରତ, ISROର SpadeX ମିଶନ 'ଡକିଂ'ରେ ଐତିହାସିକ ସଫଳତା ହାସଲ କରିଛି। ଏହି ମୁହୂର୍ତ୍ତର ସାକ୍ଷୀ ହୋଇ ମୁଁ ଗର୍ବିତ ଅନୁଭବ କରୁଛି। ସେପଟେ ଏହି ସଫଳତା ପାଇଁ ପ୍ରଧାନମନ୍ତ୍ରୀ ମୋଦୀ ଇସ୍ରୋକୁ ଶୁଭେଚ୍ଛା ଜ୍ଞାପନ କରିଛନ୍ତି।
5.Saif Ali Khan Attacked: ମୁମ୍ବାଇ: ବଲିଉଡ ଅଭିନେତା ସୈଫ ଅଲ୍ଲୀ ଖାନଙ୍କ ଉପରେ ଛୁରୀ ଆକ୍ରମଣ ହୋଇଛି। ଆକ୍ରମଣ ସମୟରେ ସୈଫଙ୍କ ପତ୍ନୀ କରୀନା ଏବଂ ସେମାନଙ୍କ ପିଲାମାନେ ମଧ୍ୟ ତାଙ୍କ ସହିତ ଉପସ୍ଥିତ ଥିଲେ। ଜଣେ ଅଜଣା ବ୍ୟକ୍ତି ଚୋରି ଉଦ୍ଦେଶ୍ୟରେ ସୈଫଙ୍କ ଘରେ ପ୍ରବେଶ କରିଥିବା ନେଇ ଖବର ମିଳିଥିଲା। କିନ୍ତୁ ଏବେ ଆସିଥିବା ସଦ୍ୟତମ ଖବର ଅନୁସାରେ, ସୈଫ ଅଲ୍ଲୀ ଖାନ ଜଣେ ଅଜଣା ବ୍ୟକ୍ତିଙ୍କ ସହ ଝଗଡ଼ା କରିଥିବା ଅଭିଯୋଗ ହୋଇଥିଲା। ତେବେ ସୈଫଙ୍କୁ ଆକ୍ରମଣ ଘଟଣାରେ ମୁମ୍ବାଇ ପୋଲିସ ବଡ଼ କାର୍ଯ୍ୟାନୁଷ୍ଠାନ ଗ୍ରହଣ କରିଛି।
6.Hindenberg Shuts Down: ନୂଆଦିଲ୍ଲୀ: ଆମେରିକାର ସର୍ଟ ସେଲର ହିଣ୍ଡେନବର୍ଗ ରିସର୍ଚ୍ଚ ଏବେ ବନ୍ଦ ହୋଇଯାଇଛି। କମ୍ପାନୀର ପ୍ରତିଷ୍ଠାତା ନାଟ୍ ଆଣ୍ଡରସନ୍ ଏହି ଘୋଷଣା କରିଛନ୍ତି। ଏହା ସେହି ହିଣ୍ଡେନବର୍ଗ ରିସର୍ଚ୍ଚ ଯାହା ଜାନୁଆରୀ ୨୦୨୩ରେ ଆଦାନୀ ଗ୍ରୁପ୍ ବିରୁଦ୍ଧରେ ଏକ ଗବେଷଣା ରିପୋର୍ଟ ପ୍ରକାଶ କରିଥିଲା, ଯାହା ପରେ ଆଦାନୀ ଗ୍ରୁପ୍ ର ସେୟାରରେ ତୀବ୍ର ହ୍ରାସ ଘଟିଥିଲା। ନାଟ୍ ଆଣ୍ଡରସନ୍ ତାଙ୍କ ବିବୃତ୍ତିରେ କହିଛନ୍ତି, ମୁଁ ଗତ ବର୍ଷ ଶେଷ ଠାରୁ ପରିବାର, ବନ୍ଧୁ ଏବଂ ଆମ ଦଳ ସହିତ ସେୟାର କରିଛି ଯେ ମୁଁ ହିଣ୍ଡେନବର୍ଗ ରିସର୍ଚ୍ଚକୁ ଭାଙ୍ଗି ଦେବାକୁ ନିଷ୍ପତ୍ତି ନେଇଛି।
7.Odisha News:ଖୋର୍ଦ୍ଧା ଜିଲ୍ଲାର ଟାଙ୍ଗୀ ଥାନା ବିନ୍ଧାଣିଆ ଗ୍ରାମରେ ଆଜି ଅପରାହ୍ନ ସମୟରେ ଆକସ୍ମିକ ଅଗ୍ନିକାଣ୍ଡ ଘଟି ଦୁଇ ବଖରା ଘର ଭସ୍ମୀଭୂତ ହୋଇଯାଇଛି । ଗ୍ରାମର ଶତ୍ରୁଘନ ସାହୁଙ୍କ ଘରେ ହଠାତ୍ ନିଆଁ ଲାଗି ଦୁଇ ବଖରା ସହ ଘରେ ଥିବା ଧାନ, ଚାଉଳ ସହିତ ଆସବାବ ପତ୍ର ଜଳି ପୋଡି ପାଉଁଶ ହୋଇଯାଇଛି। ଅଗ୍ନିକାଣ୍ଡ ସମ୍ପର୍କରେ ଖବର ପାଇ ଟାଙ୍ଗୀ ଅଗ୍ନିଶମ ବାହିନୀ ପହଞ୍ଚି ସ୍ଥାନୀୟ ଲୋକଙ୍କ ସହାୟତାରେ ନିଆଁକୁ ଆୟତ କରିଥିଲା ।
8.School Closed: ଉତ୍ତର ଭାରତରେ ପ୍ରବଳ ଥଣ୍ଡା ଏବଂ ଘନ କୁହୁଡି ଲାଗି ରହିଛି। ଖରାପ ପାଗ ଯୋଗୁଁ ଅନେକ ରାଜ୍ୟ ଛାତ୍ରମାନଙ୍କ ପାଇଁ ଲମ୍ବା ଛୁଟି ଘୋଷଣା କରିଛନ୍ତି। ସେହିପରି ଗୁରୁବାର ଦିନ ଦିଲ୍ଲୀ ସମେତ ଅନେକ ରାଜ୍ୟରେ ଘନ କୁହୁଡ଼ି ଓ ବର୍ଷା ହୋଇ ଟ୍ରାଫିକ ଜାମ୍ ହୋଇଥିବା ଦେଖିବାକୁ ମିଳିଛି। ୨୯ ଟି ଟ୍ରେନ୍ ଏବଂ ବିମାନ ବିଳମ୍ବ ହୋଇଥିଲା। ଶୁକ୍ରବାର ଘନ କୁହୁଡି ଏବଂ ବର୍ଷା ସମ୍ପର୍କରେ ଆଇଏମଡି ସତର୍କ ସୂଚନା ଜାରି କରିଛି।ବିହାରରେ କେତେ ଦିନ ସ୍କୁଲ ବନ୍ଦ ରହିବ: ପାଟନା ଜିଲ୍ଲା ମାଜିଷ୍ଟ୍ରେଟ୍ ବିଦ୍ୟାଳୟ, ଅଙ୍ଗନୱାଡି କେନ୍ଦ୍ର ଏବଂ ପ୍ରାଥମିକ ବିଦ୍ୟାଳୟରେ ଜାନୁୟାରୀ ୧୮ ପର୍ଯ୍ୟନ୍ତ ସମସ୍ତ ଶିକ୍ଷାଗତ କାର୍ଯ୍ୟ ବନ୍ଦ କରିବାକୁ ନିର୍ଦ୍ଦେଶ ଦେଇଛନ୍ତି।ଜାମ୍ମୁ କାଶ୍ମୀରରେ ୨୮ ଫେବୃଆରୀ ପର୍ଯ୍ୟନ୍ତ ଛୁଟି: ଜାମ୍ମୁ କାଶ୍ମୀରରେ ମଧ୍ୟ ସ୍କୁଲ ବନ୍ଦ ରହିବ। ପୂର୍ବରୁ ସମସ୍ତ ସ୍କୁଲ ଏବଂ କଲେଜଗୁଡ଼ିକୁ ୧୨ ଫେବୃଆରୀର ପର୍ଯ୍ୟନ୍ତ ବନ୍ଦ ରଖିବାକୁ ନିଷ୍ପତ୍ତି ନିଆଯାଇଥିଲା ମାତ୍ର ଏବେ ତାହା ବୃଦ୍ଧି କରାଯାଇ ୨୮ ପର୍ଯ୍ୟନ୍ତ ବନ୍ଦ ରଖିବାକୁ ନିର୍ଦ୍ଦେଶ ଜାରି କରାଯାଇଛି।
9.BJP Fourth Candidate List for Delhi Assembly Election 2025: ଆଗାମୀ ବିଧାନସଭା ନିର୍ବାଚନ ପାଇଁ ଭାରତୀୟ ଜନତା ପାର୍ଟି ୯ ଜଣ ପ୍ରାର୍ଥୀଙ୍କ ଚତୁର୍ଥ ତାଲିକା ପ୍ରକାଶ କରିଛି। ଶିଖା ରାୟଙ୍କୁ ଗ୍ରେଟର କୈଳାସରୁ ଆମ ଆଦମୀ ପାର୍ଟି ନେତା ସୌରଭ ଭରଦ୍ୱାଜଙ୍କ ବିପକ୍ଷରେ ଟିକେଟ ଦିଆଯାଇଛି।
10.Kuldeep Yadav Fitness Update: ଇଂଲଣ୍ଡ ବିପକ୍ଷରେ ଦିନିକିଆ ସିରିଜ୍ ଏବଂ ଚମ୍ପିଆନ୍ସ ଟ୍ରଫି ପାଇଁ ଭାରତୀୟ ଦଳ ଖୁବ୍ ଶୀଘ୍ର ଘୋଷଣା ହେବାକୁ ଯାଉଛି। ଏହି ମେଗା ଇଭେଣ୍ଟ ପୂର୍ବରୁ ଟିମ୍ ଇଣ୍ଡିଆ (Team India) ପାଇଁ ଏକ ବଡ଼ ଖୁସି ଖବର ଆସିଛି। ସ୍ପିନ ବୋଲର କୁଲଦୀପ ଯାଦବ (Kuldeep Yadav) ଆଘାତରୁ ସୁସ୍ଥ ହୋଇ ପଡ଼ିଆକୁ ଫେରିଛନ୍ତି। କୁଲଦୀପ ନିଜ ଇନଷ୍ଟାଗ୍ରାମରେ ଏକ ଭିଡିଓ ସେୟାର କରିଛନ୍ତି, ଯେଉଁଥିରେ ସେ ବୋଲିଂ କରୁଥିବାର ଦେଖାଯାଉଛି। ଚମ୍ପିଆନ୍ସ ଟ୍ରଫି ପୂର୍ବରୁ ଏହି ଚାଇନାମ୍ୟାନ୍ ବୋଲରଙ୍କ ଫିଟ୍ ହେବା ଭାରତୀୟ ଦଳ ପାଇଁ ଏକ ଆଶ୍ୱସ୍ତିର ଖବର। କୁଲଦୀପଙ୍କ ପାଖରେ ତାଙ୍କର ସ୍ପିନ୍ ସାହାଯ୍ୟରେ ଯେକୌଣସି ବ୍ୟାଟିଂ କ୍ରମକୁ ଧ୍ୱଂସ କରିବାର କ୍ଷମତା ଅଛି।
5
 "Top 10 News: ଚୁଟକିରେ ପଢ଼ନ୍ତୁ ବର୍ତ୍ତମାନର ୧୦ଟି ଗୁରୁତ୍ୱପୂର୍ଣ୍ଣ ଖବର...")
