Tomato Price Hike: ମଧ୍ୟପ୍ରଦେଶର ଶାହଡୋଲ ଜିଲ୍ଲାରେ ଜଣେ ମହିଳା ନିଜ ସ୍ୱାମୀଙ୍କୁ ଏଥିପାଇଁ ଛାଡି ଦେଇଛନ୍ତି କାରଣ ସେ ରାନ୍ଧିବା ସମୟରେ ଦୁଇଟି ଟମାଟୋ ବ୍ୟବହାର କରୁଥିଲେ । ସୋସିଆଲ ମିଡିଆରେ ଏହି ପ୍ରସଙ୍ଗ ବର୍ତ୍ତମାନ ଚର୍ଚ୍ଚାର ବିଷୟ ପାଲଟିଛି ।
Trending Photos
5
12
8
12 "ସୌ: ସୋସିଆଲ ମିଡିଆ")
Wife Left Home Due To Tomato Fight: ଆଜିକାଲି ଟମାଟୋ ଦର ଆକାଶଛୁଆଁ ରହିଛି ଓ ଯାହା ଅନେକ ଲୋକଙ୍କ ପକେଟକୁ ପ୍ରଭାବିତ କରିଛି । ଟମାଟୋର ଦର ବୃଦ୍ଧି (Tomato Price Hike) କେବଳ ଗ୍ରାହକଙ୍କୁ ପ୍ରଭାବିତ କରିନାହିଁ, ବରଂ ଏହା ଉପରେ ଅଧିକ ନିର୍ଭରଶୀଳ ରେଷ୍ତୋରାଁ, ଖାଦ୍ୟ ଉତ୍ପାଦନକାରୀ ଓ ଅନ୍ୟାନ୍ୟ ବ୍ୟବସାୟ ପାଇଁ ମଧ୍ୟ ଏକ ଚ୍ୟାଲେଞ୍ଜ ସୃଷ୍ଟି କରିଛି, କିନ୍ତୁ ବର୍ତ୍ତମାନ ଟମାଟୋର ଏହି ଦର ବୃଦ୍ଧି ମଧ୍ୟପ୍ରଦେଶର ସ୍ୱାମୀ-ସ୍ତ୍ରୀଙ୍କ ମଧ୍ୟରେ ଝଗଡାର କାରଣ ହୋଇଛି । କୁହାଯାଉଛି ଯେ ଶାହଡୋଲ (Shahdol) ଜିଲ୍ଲାରେ ଜଣେ ମହିଳା କେବଳ ନିଜ ସ୍ୱାମୀକୁ ଏଥି ପାଇଁ ଛାଡିଦେଇଛନ୍ତି କାରଣ ରୋଷେଇ ସମୟରେ ତାଙ୍କ ସ୍ୱାମୀ ତରକାରୀରେ ଦୁଇଟି ଟମାଟୋ ପକାଇଥିଲେ । ସୋସିଆଲ ମିଡିଆରେ ଏହି ପ୍ରସଙ୍ଗ ଚର୍ଚ୍ଚାର ବିଷୟ ପାଲଟିଛି ।
ଏହା ରହିଛି ପୂରା ମାମଲା
ବାସ୍ତବରେ, ଟିଫିନ୍ ସେବା ଚଳାଉଥିବା ସଞ୍ଜୀବ ବର୍ମନ୍ ନାମକ ଜଣେ ବ୍ୟକ୍ତିଙ୍କ ସବ ଜଡିତ ଏହି ଘଟଣା । ବର୍ମନ୍ କୁହନ୍ତି ଯେ, ରୋଷେଇ କରିବା ସମୟରେ ସେ ନିଜ ପତ୍ନୀଙ୍କୁ ନ ପଚାରି ଦୁଇଟି ଟମାଟୋ ବ୍ୟବହାର କରିଥିଲେ, ଆଉ ତା’ପରେ … ପତ୍ନୀ ଏହାକୁ ନେଇ ଜୋରରେ ରାଗିଗଲେ ଓ ଏହା ଟମାଟୋରୁ ଆରମ୍ଭ ହୋଇଥିବାର ଦେଖି ଏହି ଝଗଡା ଏକ ବଡ଼ ଲଢେଇରେ ପରିଣତ ହେଲା । ବର୍ମନ କହିଛନ୍ତି ଯେ ମୋ ପତ୍ନୀ ଆମ ଝିଅ ସହିତ ଘରୁ ବାହାରି ବସ୍ରେ ଚଢିଗଲେ । ମୁଁ ତାଙ୍କୁ ତିନି ଦିନ ଧରି ଖୋଜୁଛି । କେବଳ ଏତିକି ନୁହେଁ ବର୍ମନ ମଧ୍ୟ ପୋଲିସ ସହ ଯୋଗାଯୋଗ କରି ତାଙ୍କ ପତ୍ନୀଙ୍କୁ ଖୋଜିବାକୁ ଅନୁରୋଧ କରିଛନ୍ତି । ଏଥିପାଇଁ ସେ ତାଙ୍କ ପତ୍ନୀଙ୍କ ଫଟୋକୁ ପୋଲିସକୁ ଦେଇଛନ୍ତି, ଯାହାଫଳରେ ସେମାନେ ଯଥାଶୀଘ୍ର ତାଙ୍କୁ ପାଇପାରିବେ । ବର୍ମାନ କହିଛନ୍ତି ଯେ ଦର ଅଧିକ ଥିବା ଯୋଗୁଁ ତାଙ୍କ ପତ୍ନୀ ଆରତୀ ଚାହୁଁ ନଥିଲେ ଯେ ସେ ଖାଦ୍ୟରେ ଟମାଟୋ ପକାନ୍ତୁ ।
ଏହି ସମଗ୍ର ପ୍ରସଙ୍ଗରେ ଶାହଦୋଲ-ଧନପୁରୀ ବରିଷ୍ଠ ପୋଲିସ ଅଧିକାରୀ ସଞ୍ଜୟ ଜୌସୱାଲ ନିଶ୍ଚିତ କରିଛନ୍ତି ଯେ ତାଙ୍କ ସ୍ୱାମୀ ବର୍ମନଙ୍କ ସହ ଝଗଡା ହେବା ପରେ ଆରତୀ ତାଙ୍କ ଘର ଛାଡି ଉମରିଆରେ ଥିବା ତାଙ୍କ ଭଉଣୀ ଘରକୁ ପଳାଇଯାଇଥିଲେ । ପୋଲିସ ଆହୁରି ମଧ୍ୟ କହିଛି ଯେ ମହିଳା ଜଣକ ତାଙ୍କ ଘରୁ ରାଗିକି ଯାଇଥିଲେ, କିନ୍ତୁ ପୋଲିସ ଏଥିରେ ହସ୍ତକ୍ଷେପ କରି ସ୍ୱାମୀ-ସ୍ତ୍ରୀଙ୍କୁ ପରସ୍ପର ସହ କଥାବାର୍ତ୍ତା କରାଇଥିଲା । ଆରତୀ ଶୀଘ୍ର ତାଙ୍କ ଘରକୁ ଫେରିବେ ବୋଲି ପୋଲିସ ନିଶ୍ଚିତ କରିଛି ।
ଆପଣଙ୍କ ସୂଚନା ପାଇଁ, କହିରଖୁଛୁ ଯେ ଟମାଟୋ ଦର ବର୍ତ୍ତମାନ ଆକାଶ ଛୁଇଁଛି । ଟମାଟୋର ମୂଲ୍ୟ ବୃଦ୍ଧି ଯୋଗୁଁ ଲୋକଙ୍କ ଘରର ବଜେଟ୍ ଖରାପ ହୋଇଛି । ଦେଶର ଅନେକ ସହରରେ ଟମାଟୋ ପ୍ରାଇସ୍ ହ୍ୟୁକ୍ ୧୫୦ ଟଙ୍କା ଅତିକ୍ରମ କରିଛି । ଆପଣଙ୍କୁ କହି ରଖୁଛୁ ଯେ ୧୫ ଜୁଲାଇ ପରେ ଟମାଟୋର ମୂଲ୍ୟ ହ୍ରାସ ପାଇବ ବୋଲି ଆଶା କରାଯାଉଛି ।
ଏହା ବି ପଢ଼ନ୍ତୁ: Jyoti Mourya Case: ନିଲମ୍ବନ ହେଲେ କମାଣ୍ଡାଣ୍ଟ ମନୀଷ ଦୁବେ, ବିଭାଗୀୟ ତଦନ୍ତ ପାଇଁ ନିର୍ଦ୍ଦେଶ ଜାରି
ଏହା ବି ପଢ଼ନ୍ତୁ: Seema Sachin Love story: ଗୁଲାମ ପାଇଁ ଛାଡିଥିଲେ ଘର, ବର୍ତ୍ତମାନ ସଚିନ୍ ପାଇଁ ଦେଶ... ସୀମାର ପ୍ରେମ ସତ ନା ଷଡ଼ଯନ୍ତ୍ର?
