Fahad Ahmad vs Sana Malik: ମହାରାଷ୍ଟ୍ର ବିଧାନସଭା ନିର୍ବାଚନରେ ପ୍ରସିଦ୍ଧ ବଲିଉଡ୍ ଅଭିନେତ୍ରୀ ସ୍ୱରା ଭାସ୍କରଙ୍କ ସ୍ୱାମୀ ଫାହାଦ ଅହମ୍ମଦ ମୁମ୍ବାଇ ଉପାନ୍ତ ଜିଲ୍ଲାର ଅଣୁଶକ୍ତିନଗର ବିଧାନସଭା ଆସନରେ ଏନସିପି ନେତା ନବାବ ମଲିକଙ୍କ ଝିଅ ସାନା ମଲିକଙ୍କ ସହ ପ୍ରତିଦ୍ୱନ୍ଦ୍ୱିତା କରୁଛନ୍ତି। ଅଣୁଶକ୍ତିନଗ ଆସନରେ ଚାଲିଥିବା ଭୋଟ୍ ଗଣନାରେ ଫାହାଦ୍ ଅହମ୍ମଦ ତାଙ୍କ ପ୍ରତିଦ୍ୱନ୍ଦ୍ୱୀ ଏନସିପି ପ୍ରାର୍ଥୀ ସାନା ମଲିକଙ୍କଠାରୁ ଆଗୁଆ ଅଛନ୍ତି। ୧୦ ରାଉଣ୍ଡ ଗଣନା ପରେ ଫହାଦ ଅହମ୍ମଦଙ୍କୁ ୩୧,୯୪୮ ଭୋଟ୍ ମିଳିଛି ଏବଂ ସେ ୫,୯୬୫ ଭୋଟରେ ଆଗୁଆ ଥିବାବେଳେ ସାନା ମଲିକ ୨୫,୯୮୩ ଭୋଟ୍ ପାଇଛନ୍ତି। ଏହା ବ୍ୟତୀତ ମହାରାଷ୍ଟ୍ର ନବନିର୍ମାନ ସେନାର ଆଚାର୍ଯ୍ୟ ନବୀନ ବିଦ୍ୟା ୧୩,୭୯୦ ଭୋଟ୍ ପାଇ ତୃତୀୟ ସ୍ଥାନରେ ଅଛନ୍ତି।
ଅଣୁଶକ୍ତିନଗର ନବାବ ମଲିକଙ୍କ ଗଡ଼ ହୋଇଆସୁଛି:
ଅଣୁଶକ୍ତିନଗର ବହୁତ୍ ଆଗରୁ ନବାବ ମଲିକଙ୍କ ଗଡ଼ ଭାବରେ ପରିଚିତ। ନବାବ ମଲିକ 2019, 2014 ଏବଂ 2009 ମସିହାରେ ଅଣୁଶକ୍ତିନଗର ଆସନରୁ ଜିତିଥିଲେ। ଏଥର ନବାବ ମଲିକଙ୍କ ଝିଅ ସାନା ମଲିକଙ୍କୁ ଏହି ଆସନରୁ ପାର୍ଥୀ ଭାବରେ ଲଢ଼ୁଛନ୍ତି। ଫହାଦ ଅହମ୍ମଦ ଦୀର୍ଘ ଦିନ ଧରି ସମାଜବାଦୀ ପାର୍ଟିର ମହାରାଷ୍ଟ୍ର ୟୁନିଟର ଯୁବ ବାହିନୀର ସଭାପତି ରହିଛନ୍ତି। ସେ ଉତ୍ତରପ୍ରଦେଶର ଅଲିଗଡ ମୁସଲିମ ବିଶ୍ୱବିଦ୍ୟାଳୟରୁ ଏବଂ ପରେ ମୁମ୍ବାଇର ଟାଟା ଇନଷ୍ଟିଚ୍ୟୁଟ ଅଫ ସୋସିଆଲ ସାଇନ୍ସରୁ ସ୍ନାତକୋତ୍ତର ଡିଗ୍ରୀ ହାସଲ କରିଥିଲେ। ଅଧ୍ୟୟନ ସମୟରେ ଫାହାଦ୍ ଛାତ୍ର ରାଜନୀତିରେ ମଧ୍ୟ ସକ୍ରିୟ ଅଛନ୍ତି।
ଫାହାଦ୍ ୨୦୨୩ରେ ସ୍ୱରା ଭାସ୍କରଙ୍କୁ ବିବାହ କରିଥିଲେ:
ଫହାଦ ଅହମ୍ମଦ ଫେବୃଆରୀ ୧୬, ୨୦୨୩ରେ ବଲିଉଡ ଅଭିନେତ୍ରୀ ସ୍ୱରା ଭାସ୍କରଙ୍କୁ ବିବାହ କରିଥିଲେ। ଏହା ପରେ, ସେହି ବର୍ଷ ଅକ୍ଟୋବର ମାସରେ, ଫାହାଦ୍ ସମାଜବାଦି ପାର୍ଟି ଛାଡି ଏନସିପିରେ ଯୋଗଦେବାକୁ ନିଷ୍ପତ୍ତି ନେଇଥିଲେ। ଅଣୁଶକ୍ତିନଗର ଆସନ ପାଇଁ ଫହାଦଙ୍କ ନାମାଙ୍କନ ଘୋଷଣା କରି ଏନସିପି ନେତା ଜୟନ୍ତ ପାଟିଲ କହିଛନ୍ତି ଯେ ଫହାଦ ଅହମ୍ମଦ ଜଣେ ଯୋଗ୍ୟ ତଥା ଶିକ୍ଷିତ ଯୁବ ମୁସଲମାନ ନେତା, ଯିଏ ସାରା ଦେଶରେ କାର୍ଯ୍ୟକର୍ତ୍ତା ଭାବରେ କାର୍ଯ୍ୟ କରିଛନ୍ତି। ଲୋକମାନେ ଚାହାଁନ୍ତି ଯେ ଆମେ ଏହିପରି ନେତାମାନଙ୍କୁ ସୁଯୋଗ ଦେବା ଉଚିତ୍।
 "Fahad Ahmad vs Sana Malik: ସ୍ୱରା ଭାସ୍କରଙ୍କ ସ୍ୱାମୀ ଫହାଦଙ୍କ ସାମ୍ନାରେ ନବାବ ମଲିକଙ୍କ ଝିଅ, ଜାଣନ୍ତୁ କିଏ ଆଗରେ ଏବଂ ପଛରେ....")
