Odisha Matric Exam: ଆସନ୍ତା ୨୧ରୁ ମାଟ୍ରିକ୍ ପରୀକ୍ଷା, ଏଥର ଲିକ୍ ହୋଇପାରିବନି ପ୍ରଶ୍ନପତ୍ର

ଚଳିତ ବର୍ଷ ପରୀକ୍ଷାରେ କପି ନିୟନ୍ତ୍ରଣ, ପରୀକ୍ଷା କେନ୍ଦ୍ରଗୁଡ଼ିକ ଉପରେ କଡ଼ା ନଜର ରଖୁବା ପାଇଁ ବୋର୍ଡ ପକ୍ଷରୁ ଗଠିତ୍ ୪୨ଟି ସ୍କାଡ୍‌କୁ ସ୍ବତନ୍ତ୍ର ପ୍ରଶିକ୍ଷଣ ଦିଆଯାଇଛି। 

Also Read:  KIIT University Viral Photos: ମୃତ ନେପାଳୀ ଛାତ୍ରୀଙ୍କୁ ନିର୍ଯାତନା ଦେଉଥିବା ବୟଫ୍ରେଣ୍ଡ ର ଫଟୋ ଭାଇରାଲ

Also Read: KIIT University Tragedy: ଏପଟେ ଚାଲିଥିଲା କିଟ୍ ଫେଷ୍ଟ 8.0...ସେପଟେ ଚାଲିଥିଲା ପ୍ରମାଣ ନଷ୍ଟ !

ଅନ୍ୟପକ୍ଷରେ ବୋର୍ଡ ପକ୍ଷରୁ ଚୟନ ହୋଇଥିବା କମାଣ୍ଡ ସେଣ୍ଟର୍ ତଥା ନୋଡାଲ୍ ସେଣ୍ଟର ଓ ସମ୍ବେଦନଶୀଳ ପରୀକ୍ଷା କେନ୍ଦ୍ରଗୁଡ଼ିକରେ ଭିଡିଓ ସିଧା ପ୍ରସାରଣ (ଲାଇଭ୍ ଷ୍ଟ୍ରିମିଙ୍ଗ୍) ବ୍ୟବସ୍ଥା ଅନୁଧ୍ୟାନ ଲାଗି ଆଜି ଅର୍ଥାତ ଗୁରୁବାଠାରୁ ପରୀକ୍ଷାମୂଳକ ପ୍ରଦର୍ଶନ (ଡ୍ରାଏ ରନ୍) କରାଯିବ। 

ବୋର୍ଡ କର୍ତ୍ତୃପକ୍ଷ ଓ ଦାୟିତ୍ବରେ ଥ‌ିବା ଅନ୍ୟ ଅଧିକାରୀମାନେ ୬ ଶହ କେନ୍ଦ୍ରରେ ଭିଡିଓ ଲାଇଭ୍ ବ୍ୟବସ୍ଥାର ଅନୁଧ୍ୟାନ କରିବେ। ରାଜ୍ୟର ୨୮୬ଟି ସମ୍ବେଦଶୀଳ ପରୀକ୍ଷା କେନ୍ଦ୍ର ଓ ୩୧୪ଟି ନୋଡାଲ୍ ସେଣ୍ଟରରେ ଲାଇଭ୍ ଭିଡିଓର ଅନୁଧ୍ୟାନ ଲାଗି ବୋର୍ଡ କାର୍ଯ୍ୟାଳୟରେ କଣ୍ଟ୍ରୋଲ୍ ରୁମ୍ କରାଯାଇଛି।

୩ ହଜାର ୧୩୩ଟି ପରୀକ୍ଷା କେନ୍ଦ୍ରରେ ମୋଟ ୫ ଲକ୍ଷ ୧୦ ହଜାର ୭୭୮ ପିଲା ପରୀକ୍ଷା ଦେବେ । ରାଜ୍ୟରେ ୩୧୪ଟି ନୋଡାଲ କେନ୍ଦ୍ର ରହିଥିବାବେଳେ ସେଥି ମଧ୍ୟରୁ ୨୧ଟି ଥାନାରେ ନୋଡାଲ ସେଣ୍ଟର କରାଯାଇଛି । ବିଶେଷକରି ମାଓ ଅଧ୍ୟୁଷିତ ଜିଲ୍ଲା ଗୁଡ଼ିକରେ ଥାନା ନୋଡାଲ ସେଣ୍ଟର କରାଯାଇଛି ।

ପ୍ରଶ୍ନ ପତ୍ର ଲିକ୍ ରୋକିବାକୁ କ୍ରମିକ ନମ୍ବର ଏବଂ ୱାଟର୍ ମାର୍କ ବ୍ୟବସ୍ଥା କରାଯାଇଛି । ବୁକଲେଟ୍ ନମ୍ବର ୱାଟର ମାର୍କ ସହ କ୍ୟୁ-ଆର୍ (କୁଇକ୍ ରେସ୍‌ପନ୍ସ) କୋଡ୍ ନମ୍ବର ଏବଂ ଷ୍ଟାଟିକ୍ କ୍ୟୁ-ଆର୍ କୋଡ୍ ପ୍ରତି ପ୍ରଶ୍ନପତ୍ର ଉପରେ ରହିବ । ଯାହା ଦ୍ୱାରା କେଉଁ ପରୀକ୍ଷା କେନ୍ଦ୍ର ଏବଂ କେଉଁ ପିଲାର ପ୍ରଶ୍ନ ପତ୍ର ସବୁକିଛି ଜଣାପଡ଼ିବ ।