Seema Sachin Love story: ଗୁଲାମ ପାଇଁ ଛାଡିଥିଲେ ଘର, ବର୍ତ୍ତମାନ ସଚିନ୍ ପାଇଁ ଦେଶ... ସୀମାର ପ୍ରେମ ସତ ନା ଷଡ଼ଯନ୍ତ୍ର?

Seema Sachin love story: ନିଜ ପ୍ରେମିକ ସଚିନ ମୀନାକୁ ପାଇବା ପାଇଁ ପାକିସ୍ତାନରୁ ଆସିଥିବା ସିମା ହାୟଦାର ପୂର୍ବରୁ ଦାବି କରିଥିଲେ ଯେ ସେ ଗୁଲାମ ହାଇଦରଙ୍କୁ ଜବରଦସ୍ତ ବିବାହ କରିଥିଲେ । କିନ୍ତୁ ଗୁଲାମ ତାଙ୍କର ଓ ସୀମାଙ୍କ ଫଟୋ ଏବଂ ନିକାହ ନାମକୁ ମିଡିଆରେ ସେୟାର କରିଛନ୍ତି । ଏହାପରେ ଅନେକ ପ୍ରଶ୍ନ ଉଠିଛି ।

Seema Haider Sachin Love Story: ପଡୋଶୀ ଦେଶ ପାକିସ୍ତାନରୁ ନିଜ ପ୍ରେମିକ ସଚିନ ମୀନାଙ୍କ (Sachin Meena) ପାଇଁ ଭାରତ ଆସିଥିବା ସୀମା ହାୟଦାରଙ୍କ (Seema Haider) ବିଷୟରେ ଅନେକ ପ୍ରଶ୍ନ ଉଙ୍କି ମାରୁଛି । ସିମା ଯାଞ୍ଚକାରୀ ଏଜେନ୍ସିର ରାଡାରରେ ଥିବାବେଳେ ଅନ୍ୟପକ୍ଷରେ ସାଉଦି ଆରବରେ ରହୁଥିବା ସିମା ହାୟଦାରଙ୍କ ସ୍ୱାମୀ ଗୁଲାମ ହାଇଦର (Gulam Haider) ପ୍ରତିଦିନ ଭିନ୍ନ ଭିନ୍ନ ଦାବି କରୁଛନ୍ତି । ସିମା ଏକ ସାକ୍ଷାତକାରରେ କହିଥିଲେ ଯେ ସେ ଗୁଲାମଙ୍କୁ ଜବରଦସ୍ତ ବିବାହ କରିଥିଲେ, କିନ୍ତୁ ଗୁଲାମ ତାଙ୍କ ଓ ସୀମାଙ୍କ ଫଟୋ, ନିକା ନାମ ଓ ରେସନ କାର୍ଡ ମିଡିଆରେ ସେୟାର କରିଛନ୍ତି ।

ଗୁଲାମଙ୍କ ଦ୍ୱାରା ପଠାଯାଇଥିବା ନିକା ନାମରୁ ଅନେକ ପ୍ରଶ୍ନ ଉଠିଛି । ସଚିନ୍‌ଙ୍କ ସହ ପ୍ରେମ ସୀମାର ଏକ ଷଡଯନ୍ତ୍ର ନୁହେଁ ତ ବୋଲି ପ୍ରଶ୍ନ ମଧ୍ୟ ଉଠିଛି । ସଚିନଙ୍କ ସହ ଭଲପାଇବା ବାହାନାରେ ସୀମା କିଛି ଷଡଯନ୍ତ୍ର କରିବାକୁ ଚେଷ୍ଟା କରୁଛନ୍ତି କି? ଏକ ଗଣମାଧ୍ୟମ ସହିତ କଥାବାର୍ତ୍ତା ବେଳେ ସୀମା ଦାବି କରିଥିଲେ ଯେ ସେ ଗୁଲାମଙ୍କୁ ଜବରଦସ୍ତ ବିବାହ କରିଥିଲେ । କିନ୍ତୁ ବିବାହର ଏହି ଦାବି ବର୍ତ୍ତମାନ ଏକ ଭିନ୍ନ କଥା କହୁଛି ।

ସୀମା ହାୟଦାର ଲୁଚାଇଥିଲେ ତାଙ୍କ ପ୍ରକୃତ ବୟସ?
ଏହି ଆଫିଡେଭିଟ୍‌ରେ ସୀମା ହାଇଦର ଦେଇଥିବା ବୟସ ପାକିସ୍ତାନରେ ଦାଖଲ କରିଥିବା ଅନ୍ୟ ଏକ ଆଫିଡେଭିଟ୍‌ଠାରୁ ଭିନ୍ନ ଅଟେ । ସିମାଙ୍କ ଏକ ଆଫିଡେଭିଟ୍ ସାମ୍ନାକୁ ଆସିଛି, ଯାହା ପାକିସ୍ତାନରେ ଗୁଲାମ ହାୟଦାରଙ୍କ ସହ ତାଙ୍କ ବିବାହ ସହ ଜଡିତ । ପ୍ରାୟ ୮ ବର୍ଷ ତଳର ଏହି ପ୍ରମାଣପତ୍ରରେ ସୀମା ନିଜ ନିଜ ଇଚ୍ଛାରେ ପରିବାର ଛାଡ଼ି ଗୁଲାମ ହାଇଦରଙ୍କୁ ବିବାହ କରିଥିବା ବିଷୟରେ ଲେଖାରହିଛି ।

ସୀମାଙ୍କ ଦ୍ୱାରା ଦିଆଯାଇଥିବା ଆଫିଡେଭିଟ୍‌ରେ କୁହାଯାଇଛି, "ପ୍ରାୟ ୧୦ ଦିନ ପୂର୍ବେ ମୁଁ ମୋର ପିତାମାତାଙ୍କ ଘରୁ ବାହାରି ଯାଇଥିଲି କାରଣ ମୋର ପିତାମାତା ଲୋଭୀ ବ୍ୟକ୍ତି ଥିଲେ, ଜବରଦସ୍ତ ମୋତେ କୌଣସି ଆଲୋଚନା ନକରି ମୋ ସହ ଜଣେ ବ୍ୟକ୍ତିଙ୍କୁ ବିବାହ କରିବାକୁ ଚାହୁଁଥିଲେ । ସେ ଜଣେ 'ଲଫଙ୍ଗା' ପ୍ରକାରର ବ୍ୟକ୍ତି ଥିଲେ । ସେମାନଙ୍କର ଇଚ୍ଛା ଓ ସମ୍ମତି ଯାହା ମୁଁ ପସନ୍ଦ କରେ ନାହିଁ, ତେଣୁ ମୁଁ ମୋର ପିତାମାତାଙ୍କ ଘରୁ ବାହାରକୁ ଯିବାକୁ ଇଚ୍ଛା କଲି ।"

'ମୁଁ ଖୁସି ଜୀବନ ବିତାଇବି ...'
ସୀମା ଏହି ଆଫିଡେଭିଟ୍‌ରେ କହିଛନ୍ତି, “ମୁଁ ମୋର ସ୍ୱାଧୀନ ଇଚ୍ଛାଶକ୍ତିର ଗୁଲାମ ହାଇଦର ଜାଖ୍ରାନୀଙ୍କ ସହ ବିବାହ ଚୁକ୍ତି କରିବାକୁ ନିଷ୍ପତ୍ତି ନେଇଛି, କୌଣସି ବାଧ୍ୟବାଧକତା, ଭୟ ବିନା, ମୋ ଉପରେ କୌଣସି ଚାପ ପ୍ରୟୋଗ କରାଯାଇ ନାହିଁ ।” ଆହୁରି ମଧ୍ୟ କହିଛନ୍ତି, 'ମୋତେ ଲାଗୁଚି ସେ ମୋତେ ତାଙ୍କ ପତ୍ନୀ ଭାବରେ ରଖିବେ ଓ ମୁଁ ତାଙ୍କ ପତ୍ନୀ ଭଳି ସୁଖମୟ ଜୀବନ ବିତାଇବି ।'