Top 10 News: ଚମ୍ପିଆନ୍ସ ଟ୍ରଫି ପାଇଁ ଦଳ ଘୋଷଣା କଲା ଭାରତ, ଚିଲିକାରେ କମିଲା ବିଦେଶୀ ପକ୍ଷୀ ସଂଖ୍ୟା, ପଢ଼ନ୍ତୁ ଆଜିର ୧୦ ବଡ଼ ଖବର

Top 10 News Headlines: ଆସନ୍ତା ମାସରେ ପାକିସ୍ତାନରେ ହେବାକୁ ଥିବା ଚାମ୍ପିଅନ୍ସ ଟ୍ରଫି ପାଇଁ ଭାରତୀୟ ଦଳ ଘୋଷଣା କରାଯାଇଛି। ସଂକ୍ଷେପରେ ପଢ଼ନ୍ତୁ ଦିନ ତମାମର ୧୦ଟି ବଡ଼ ଖବର।

Top 10 News Headlines 18 January 2025: H1. CM Majhi distributed e-property cards: ଶନିବାର ଦିନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଭିଡିଓ କନଫରେନସିଂ ଜରିଆରେ ସ୍ୱାମୀତ୍ୱ ଯୋଜନାର ଇ-ସମ୍ପତି କାର୍ଡ ବିତ୍ତରଣ ଶୁଭାରମ୍ଭ କରିଛନ୍ତି । ଏହି ଯୋଜନାରେ ଭାରତର ୫୦ହଜାର ଗ୍ରାମରୁ ୬୫ଲକ୍ଷ ଊର୍ଦ୍ଧ୍ବ ପରିବାରକୁ ସମ୍ପତି କାର୍ଡ ବିତରଣ କରାଯାଇଛି। ଏହି କ୍ରମରେ ରାୟଗଡ ଜିଲ୍ଲାରେ ସ୍ୱାମୀତ୍ୱ ଯୋଜନା କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ମୁଖ୍ୟ ଅତିଥି ଭାବରେ ଯୋଗ ଦେଇ ହିତାଧିକାରୀଙ୍କୁ ଏହି କାର୍ଡ ପ୍ରଦାନ କରିଥିଲେ।

H2. Singapore President Visits Kalabhoomi: ସିଙ୍ଗାପୁର ରାଷ୍ଟ୍ରପତି ଶ୍ରୀ ଥରମନ୍ ସନମୁଗରତ୍ନମ୍ ଆଜି ଭୁବନେଶ୍ୱର ସ୍ଥିତ ହସ୍ତଶିଳ୍ପ ସଂଗ୍ରହାଳୟ କଳାଭୂମିରେ ଦୀର୍ଘ ୪ ଘଣ୍ଟା ସମୟ ବିତାଇ ଓଡ଼ିଶାର କଳା, ହସ୍ତତନ୍ତ ଓ ହସ୍ତଶିଳ୍ପର ଉଚ୍ଚ ପ୍ରଶଂସା କରିଛନ୍ତି। ସନ୍ଧ୍ୟା ୭.୩୦ ରୁ ୧୧.୩୦ ପର୍ଯ୍ୟନ୍ତ ରାଷ୍ଟ୍ରପତି ସନମୁଗରତ୍ନମ୍ ସେଠାରେ ସମୟ ଅତିବାହିତ କରିଥିଲେ।

H3. Chilika Bird Census: ଗତବର୍ଷ ତୁଳନାରେ ଚଳିତ ବର୍ଷ ଚିଲିକାରେ ବିଦେଶୀ ପକ୍ଷୀ ସଂଖ୍ୟା କମିଛନ୍ତି। ଚଳିତ ବର୍ଷ ୧୧ ଲକ୍ଷ ୨୭ ହଜାର ୨୨୮ ପକ୍ଷୀଙ୍କ ସଂଖ୍ୟା ରହିଥିବା ବେଳେ ଗତବର୍ଷ ତୁଳନାରେ ଏହା ୧୦ ହଜାର ୫୩୧ କମ୍‌ । ଯଦିଓ ପକ୍ଷୀଙ୍କ ସଂଖ୍ୟା କମିଛି ତଥାପି ପକ୍ଷୀ ପ୍ରଜାତିଙ୍କ ସଂଖ୍ୟା ବଢ଼ିଛି। 

H4. Situation worsened again on India-Bangladesh border:  ପଶ୍ଚିମବଙ୍ଗର ଭାରତ-ବାଂଲାଦେଶ ସୀମାରେ ପୁଣି ଥରେ ଉତ୍ତେଜନା ଦେଖାଦେଇଛି। ପ୍ରଥମେ ଉଭୟ ଦେଶର ଚାଷୀଙ୍କ ମଧ୍ୟରେ ଯୁକ୍ତିତର୍କ ଏବଂ ତା’ପରେ ସଂଘର୍ଷ ହୋଇଥିଲା। ଯଦିଓ ସୀମା ସୁରକ୍ଷା ବଳ (BSF) ଏବଂ ସୀମା ସୁରକ୍ଷା ବାଂଲାଦେଶ (BGB) ଦ୍ୱାରା ତୁରନ୍ତ ହସ୍ତକ୍ଷେପ ଦ୍ୱାରା ପରିସ୍ଥିତିକୁ ତୁରନ୍ତ ନିୟନ୍ତ୍ରଣ କରାଯାଇଥିଲା।

H5. RG Kar Rape Case Verdict: କୋଲକାତାର ଆରଜି କର ମେଡିକାଲ କଲେଜ ଏବଂ ହସ୍ପିଟାଲର ଜଣେ ଟ୍ରେନି ଡାକ୍ତରଙ୍କୁ ଦୁଷ୍କର୍ମ ଏବଂ ହତ୍ୟା କରିବା ଅଭିଯୋଗରେ ଶନିବାର ଦିନ ସିଆଲଦା ସିଭିଲ୍ ଏବଂ ଫୌଜଦାରୀ କୋର୍ଟ ଅଭିଯୁକ୍ତ ସଞ୍ଜୟ ରାୟଙ୍କୁ ଦୋଷୀ ସାବ୍ୟସ୍ତ କରିଛନ୍ତି। ଜଷ୍ଟିସ୍ ଅନିର୍ବାଣ ଦାସ ଏହି ରାୟ ଶୁଣାଇଲେ। ସୋମବାର ଦିନ କୋର୍ଟ ଏହାର ଦଣ୍ଡ ଘୋଷଣା କରିବେ।

H6. Arvind Kejriwal's car attacked: ଦିଲ୍ଲୀରେ ଶନିବାର ସନ୍ଧ୍ୟାରେ ଆମ ଆଦମୀ ପାର୍ଟି ରାଷ୍ଟ୍ରୀୟ ସଂଯୋଜକ ତଥା ପୂର୍ବତନ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲଙ୍କ କାର ଉପରେ ପଥରମାଡ଼ ହୋଇଥିବାର ଏକ ଗମ୍ଭୀର ଅଭିଯୋଗ ଆଣିଛି। ଏ ସମ୍ପର୍କରେ ଆପର ସୋସିଆଲ ମିଡିଆ ପ୍ଲାଟଫର୍ମ X ରେ ଏକ ଭିଡିଓ ସେୟାର କରାଯାଇଥିଲା। ଯେଉଁଥିରେ ନୂଆଦିଲ୍ଲୀ ବିଧାନସଭା କ୍ଷେତ୍ରରେ ପ୍ରଚାର ସମୟରେ କିଛି ଲୋକ କଳା ପତାକା ଉଡ଼ାଇ କେଜରିୱାଲଙ୍କ ଗାଡ଼ି ନିକଟକୁ ପହଞ୍ଚିଥିବାର ଦେଖାଯାଇଥିଲା।

H7. Saif ali khan attacker arrested: ଅଭିନେତା ସୈଫ୍ ଅଲ୍ଲୀ ଖାନଙ୍କ ଉପରେ ଆକ୍ରମଣ ମାମଲାରେ ଗିରଫ ହୋଇଥିବା ସନ୍ଦିଗ୍ଧ ଆକାଶଙ୍କୁ ପଚରାଉଚରା କରାଯାଉଛି। ସନ୍ଦିଗ୍ଧ ବ୍ୟକ୍ତିଙ୍କୁ ଛତିଶଗଡ଼ରୁ ଅଟକ ରଖାଯାଇଥିଲା। ପୋଲିସକୁ ସୂଚନା ମିଳିଥିଲା ​​ଯେ ସନ୍ଦିଗ୍ଧ ବ୍ୟକ୍ତି ଜ୍ଞାନେଶ୍ୱରୀ ଏକ୍ସପ୍ରେସରେ ଯାତ୍ରା କରୁଥିଲେ ଯାହା ପରେ ସ୍ଥାନୀୟ ପୋଲିସ ସହାୟତାରେ ତାଙ୍କୁ ଟ୍ରେନରୁ ଓହ୍ଲାଇ ପଚରାଉଚରା ପାଇଁ ନିଆଯାଇଥିଲା। ମୁମ୍ବାଇ ପୋଲିସ ଖୁବ୍ ଶୀଘ୍ର ଗିରଫ ହୋଇଥିବା ସନ୍ଦିଗ୍ଧ ବ୍ୟକ୍ତିଙ୍କୁ ମଧ୍ୟ ପଚରାଉଚରା କରିବ।

H8. Kho Kho World Cup 2025: ଭାରତ ଖୋ ଖୋ ବିଶ୍ୱକପ୍ 2025ର ଫାଇନାଲରେ ପ୍ରବେଶ କରିଛି। ନୂଆଦିଲ୍ଲୀରେ ଖେଳାଯାଉଥିବା ପ୍ରଥମ ଖୋ-ଖୋ ବିଶ୍ୱକପରେ ଭାରତୀୟ ପୁରୁଷ ଏବଂ ମହିଳା ଦଳ ସେମାନଙ୍କର ସେମିଫାଇନାଲ ମ୍ୟାଚ୍‌ଗୁଡ଼ିକରେ ଦୃଢ଼ ବିଜୟ ହାସଲ କରି ଟାଇଟଲ୍ ମ୍ୟାଚ୍‌ରେ ସ୍ଥାନ ପାଇଛନ୍ତି। ଉଭୟ ଦଳ ନିଜ ନିଜ ସେମିଫାଇନାଲରେ ଦକ୍ଷିଣ ଆଫ୍ରିକାକୁ ପରାସ୍ତ କରିଥିଲେ। 

H9. Champions Trophy 2025: ଆସନ୍ତା ମାସରେ ପାକିସ୍ତାନରେ ହେବାକୁ ଥିବା ଚାମ୍ପିଅନ୍ସ ଟ୍ରଫି ପାଇଁ ଭାରତୀୟ ଦଳ ଘୋଷଣା କରାଯାଇଛି। ୧୯ ଫେବ୍ରୁଆରୀରୁ ଆରମ୍ଭ ହେବାକୁ ଯାଉଥିବା ଏହି ଟୁର୍ଣ୍ଣାମେଣ୍ଟ ପାଇଁ, ବିସିସିଆଇ ରୋହିତ ଶର୍ମାଙ୍କୁ ଦଳର ଅଧିନାୟକ ନିଯୁକ୍ତ କରିଛି, ଯାହାଙ୍କ ନେତୃତ୍ୱରେ ଦଳ ଗତ ବର୍ଷ ଟି-୨୦ ବିଶ୍ୱକପ୍ ଚମ୍ପିଆନ ହୋଇଥିଲା।

H10. Rinku And Priya Wedding: ଭାରତୀୟ ବିସ୍ଫୋରକ ବ୍ୟାଟସମ୍ୟାନ୍ ରିଙ୍କୁ ସିଂହ  ଏବଂ ଲୋକସଭା ସାଂସଦ ପ୍ରିୟା ସରୋଜଙ୍କ  ନିର୍ବନ୍ଧ ଖବର ସୋସିଆଲ ମିଡିଆରେ ଚର୍ଚ୍ଚାରେ ରହିଛି। ଅନେକ ଗଣମାଧ୍ୟମ ରିପୋର୍ଟରେ ଏହି ଖବରଗୁଡ଼ିକୁ ଗୁଜବ ବୋଲି ମଧ୍ୟ କୁହାଯାଉଛି। ବର୍ତ୍ତମାନ କଳ୍ପନାଜଳ୍ପନାର ଅନ୍ତ ଘଟାଇ ପ୍ରିୟାଙ୍କ ବାପା ତଥା ଜୌନପୁର ଜିଲ୍ଲାର କେରାକତ୍ ବିଧାନସଭା ନିର୍ବାଚନମଣ୍ଡଳୀର ବିଧାୟକ ତୁଫାନି ସରୋଜ କହିଛନ୍ତି ଯେ ଉଭୟ ପରିବାର ମଧ୍ୟରେ ଏକ ସହମତି ପ୍ରାୟ ହୋଇସାରିଛି କିନ୍ତୁ ନିର୍ବନ୍ଧ ଏବଂ ବିବାହ ତାରିଖ ଆଇପିଏଲ ପରେ ନିର୍ଣ୍ଣୟ କରାଯିବ।