Alcohol Effect: ହଠାତ୍ ମଦ ପିଇବା ଛାଡି ଦେଲେ କ’ଣ ହୁଏ; ଏହା ଶରୀର ଉପରେ କେଉଁ ସବୁ ପ୍ରଭାବ ପକାଏ? ଜାଣନ୍ତୁ ଜବାବ

Effects Of Suddenly Stop Drinking Alcohol: ମଦ୍ୟପାନ ଛାଡିବାର ସଂକଳ୍ପ ନେବା ପ୍ରକୃତରେ ପ୍ରଶଂସନୀୟ କିନ୍ତୁ ଏହାକୁ ଛାଡିବା ପୂର୍ବରୁ ଜାଣି ରଖନ୍ତୁ ଯେ ଯଦି ଆପଣ ହଠାତ୍ ପିଇବା ବନ୍ଦ କରନ୍ତି ତେବେ ଏହାର ଶରୀର ଉପରେ କେଉଁ ସବୁ ପ୍ରଭାବ ପକାଇବ।

Alcohol Effect: ସମସ୍ତେ ଜାଣନ୍ତି ଯେ ମଦ୍ୟପାନ କରିବା ସ୍ୱାସ୍ଥ୍ୟ ପାଇଁ କ୍ଷତିକାରକ ଅଟେ । ଏହି ଚେତାବନୀ ଏହାର ବିକ୍ରି ସହିତ ପ୍ରଚାର କରାଯାଇ ଥାଏ । ଏହା ପରେ ମଧ୍ୟ ଲୋକମାନେ ମଦ୍ୟପାନ କରିବାରୁ ନିବୃତ ହୁଅନ୍ତି ନାହିଁ । କିଛି ଲୋକ ଏତେ ପରିମାଣରେ ପିଅନ୍ତି ଯେ ଶେଷରେ ସେମାନେ ଏଥିରେ ହଜି ଯାଆନ୍ତି । ସେମାନେ ମଦ୍ୟପାନ ଛାଡିବାକୁ ବେଳେବେଳେ ଚେଷ୍ଟା କରନ୍ତି, କିନ୍ତୁ ସହଜରେ ଛାଡି ପାରନ୍ତି ନାହିଁ । ଅନେକ ଥର ଅନେକ ଲୋକ ଏପରି କାର୍ଯ୍ୟ କରନ୍ତି ଯେ ସେମାନେ ଏହା ବିଷୟରେ ଏକ ଦୃଢ଼ ନିଷ୍ପତ୍ତି ନିଅନ୍ତି ଓ ହଠାତ୍ ମଦ୍ୟପାନଠାରୁ ସମ୍ପୂର୍ଣ୍ଣ ଦୂରତା ଆପଣାନ୍ତି । ଏହା କରିବା ଠିକ୍ କି? ଏହା ଆପଣଙ୍କ ଶରୀର ଉପରେ କୌଣସି ଖରାପ ପ୍ରଭାବ ପକାଇଥାଏ କି? ଆସନ୍ତୁ, ଆଜି ଆମେ ଆପଣଙ୍କୁ ଏହି ଆର୍ଟିକିଲ ମାଧ୍ୟମରେ କହିବୁ ଯେ ହଠାତ୍ ମଦ୍ୟପାନ ଛାଡିବା କାରଣରୁ ଶରୀର ଉପରେ ଏହାର ପ୍ରଭାବ କ’ଣ ରହିଥାଏ?

'ଡେଲିଷ୍ଟାର୍'ର ଏକ ରିପୋର୍ଟରେ କୁହାଯାଇଛି ଯେ ଯଦି ମଦ୍ୟପାନ କରୁଥିବା ବ୍ୟକ୍ତି ହଠାତ୍ ମଦ୍ୟପାନ ବନ୍ଦ କରନ୍ତି, ତେବେ ସେ ମଧ୍ୟ ଡିପ୍ରେସନ୍ ଆଡକୁ ଯାଇପାରନ୍ତି । ଏହା ବ୍ୟତୀତ ହଠାତ୍ ମଦ୍ୟପାନ ଛାଡିଲେ ଆପଣକୁ ଥକ୍କା, ଚିନ୍ତା, ଭୟ, ଦେହରେ କମ୍ପନ, ବିରକ୍ତିକର, ଝାଳ ବାହାରିବା, ନିଦ୍ରାହୀନତା, ଇମୋସନାଲ, ରକ୍ତଚାପ ବୃଦ୍ଧି, ମୁଣ୍ଡବିନ୍ଧା, ଭୋକ ହ୍ରାସ, ଦ୍ରୁତ ହୃଦସ୍ପନ୍ଦନ ଓ କୌଣସି ଗୋଟିଏ ଜାଗାରେ ଧ୍ୟାନ ଦେବାରେ ଅସମର୍ଥତା ଭଳି ସମସ୍ୟା ଶରୀରରେ ଦେଖିପାରନ୍ତି ।

ଧୀରେ ଧୀରେ ମଦ୍ୟପାନ ଛାଡିବା ପରିବର୍ତ୍ତେ, ଆପଣ ଏହାକୁ ଗୋଟିଏ ଝଟକାରେ ଛାଡିଲେ, ପୁଣିଥରେ ଆପଣଙ୍କ ବହୁତ ଇଚ୍ଛା ହୋଇପାରା । ଯେଉଁଥିପାଇଁ ଆପଣ ମଧ୍ୟ ଅସ୍ଥିର ରହିବେ । ହଠାତ୍ ମଦ୍ୟପାନ ଛାଡିବା ଯୋଗୁଁ ଆପଣଙ୍କ ଆଚରଣରେ ପରିବର୍ତ୍ତନ ଆଣିପାରେ । ହଠାତ୍ ମଦ୍ୟପାନ ଛାଡୁଥିବା ବ୍ୟକ୍ତିଙ୍କ ଆଚରଣରେ ଚିଡିଚିଡା ଓ କ୍ରୋଧ ଆସିପାରେ । ଏହା ଆପଣଙ୍କ ସ୍ୱାସ୍ଥ୍ୟ ଉପରେ ମଧ୍ୟ ଖରାପ ପ୍ରଭାବ ପକାଇପାରେ । ମଦକୁ ଧୀରେ ଧୀରେ ଏକ ପ୍ରକ୍ରିୟାରେ ଛାଡିବାକୁ ଚେଷ୍ଟା କରନ୍ତୁ ।

ମଦ୍ୟପାନ ଛାଡିବାର ନିଷ୍ପତ୍ତି ପ୍ରକୃତରେ ପ୍ରଶଂସନୀୟ, କିନ୍ତୁ ଯଦି ଆପଣ ଏହି ପ୍ରକ୍ରିୟାରେ ଆପଣଙ୍କର ଡାକ୍ତରଙ୍କ ସହଯୋଗ ନିଅନ୍ତି, ତେବେ ଏହା ଅଧିକ ଭଲ ହେବ । କାରଣ ମଦ୍ୟପାନ ଛାଡିବା ଆପଣଙ୍କ ସ୍ୱାସ୍ଥ୍ୟ ଉପରେ ଖରାପ ପ୍ରଭାବ ପକାଇପାରେ । ଏପରି ପରିସ୍ଥିତିରେ, ଡାକ୍ତରଙ୍କ ପରାମର୍ଶରେ ଆପଣ ଏହି ପରିସ୍ଥିତିକୁ ଏକ ଭଲ ଉପାୟରେ ସାମ୍ନା କରିବାକୁ ସକ୍ଷମ ହେବେ ଓ ଏହା ଯୋଗୁଁ ନିଜ ଶାରୀରିକ ସମସ୍ୟା ବିଷୟରେ ଜାଣିପାରିବେ ।

ଯଦି ଆପଣ ମଦ୍ୟପାନ ଛାଡିବାକୁ ଏକ ଦୃଢ଼ ନିଷ୍ପତ୍ତି ନେଇଛନ୍ତି, ତେବେ ଆପଣଙ୍କୁ ଆପଣଙ୍କର ନିଷ୍ପତ୍ତିରେ କଠୋର ରହିବାକୁ ପଡିବ । ଏଥିପାଇଁ ଆପଣଙ୍କ ଦୃଢ଼ ଇଚ୍ଛାଶକ୍ତି ଆବଶ୍ୟକ ହେବ ଓ ଆପଣଙ୍କୁ ନିଜକୁ ବହୁତ ନିୟନ୍ତ୍ରଣ ରଖିବାକୁ ପଡିବ । ଏହା ସମ୍ଭବ ଯେ ମଦ୍ୟପାନ ଛାଡିବା ସମୟରେ ଅନେକ ଲୋକ, ଆପଣଙ୍କୁ ଏହା ପିଇବାକୁ ଅଫର୍ କରନ୍ତି । ଯଦି ଏହି ସମୟରେ ଆପଣ ନିଜକୁ ନିୟନ୍ତ୍ରଣରେ ରଖନ୍ତି, ତେବେ ଆପଣ ମଦ୍ୟପାନରୁ ମୁକ୍ତି ପାଇବେ । ମଦ୍ୟପାନ ଛାଡିବାର ସମ୍ପୂର୍ଣ୍ଣ ପ୍ରକ୍ରିୟାରେ ଆପଣଙ୍କୁ ମାନସିକ ସ୍ତରରେ ଶକ୍ତିଶାଳୀ ହେବାକୁ ପଡିବ ।