ਬਜਟ 2025: 12 ਲੱਖ ਰੁਪਏ ਤੱਕ ਦੀ ਆਮਦਨ 'ਤੇ ਜ਼ੀਰੋ ਟੈਕਸ! ਜਾਣੋ ਨਵੀਂ ਟੈਕਸ ਸਲੈਬ

ਬਜਟ 2025: ਇਹ ਨਵੀਂ ਪ੍ਰਣਾਲੀ ਖਾਸ ਤੌਰ 'ਤੇ ਮੱਧ ਵਰਗ, ਕੰਮਕਾਜੀ ਲੋਕਾਂ ਅਤੇ ਕਾਰੋਬਾਰੀਆਂ ਲਈ ਲਾਭਦਾਇਕ ਹੈ। ਨਵੇਂ ਸਲੈਬਾਂ ਅਤੇ ਛੋਟਾਂ ਦੇ ਕਾਰਨ, ਟੈਕਸਦਾਤਾਵਾਂ ਦੇ ਹੱਥਾਂ ਵਿੱਚ ਵਧੇਰੇ ਪੈਸਾ ਹੋਵੇਗਾ, ਜਿਸਨੂੰ ਉਹ ਖਰਚ ਕਰਨ, ਨਿਵੇਸ਼ ਕਰਨ ਜਾਂ ਬੱਚਤ ਕਰਨ ਲਈ ਵਰਤ ਸਕਦੇ ਹਨ। ਇਸ ਨਾਲ ਘਰੇਲੂ ਮੰਗ ਅਤੇ ਆਰਥਿਕਤਾ ਨੂੰ ਹੁਲਾਰਾ ਮਿਲਣ ਦੀ ਸੰਭਾਵਨਾ ਹੈ।

ਬਜਟ 2025:ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੇ ਬਜਟ 2025 ਵਿੱਚ ਮੱਧ ਵਰਗ ਅਤੇ ਉੱਚ ਆਮਦਨ ਵਾਲੇ ਵਰਗ ਲਈ ਵੱਡੀ ਰਾਹਤ ਦਾ ਐਲਾਨ ਕੀਤਾ ਹੈ। ਉਨ੍ਹਾਂ ਨੇ ਨਵੀਂ ਟੈਕਸ ਵਿਵਸਥਾ ਤਹਿਤ ਟੈਕਸ ਸਲੈਬਾਂ ਵਿੱਚ ਬਦਲਾਅ ਅਤੇ ਵਾਧੂ ਛੋਟਾਂ ਦਾ ਐਲਾਨ ਕੀਤਾ, ਜਿਸ ਤਹਿਤ 12 ਲੱਖ ਰੁਪਏ ਤੱਕ ਦੀ ਆਮਦਨ 'ਤੇ ਕੋਈ ਆਮਦਨ ਟੈਕਸ ਨਹੀਂ ਦੇਣਾ ਪਵੇਗਾ। ਇਸ ਨਾਲ, ਵੱਖ-ਵੱਖ ਆਮਦਨ ਪੱਧਰਾਂ 'ਤੇ ਟੈਕਸਦਾਤਾਵਾਂ ਨੂੰ ਵੱਡੀ ਬੱਚਤ ਕਰਨ ਦਾ ਮੌਕਾ ਮਿਲੇਗਾ।

ਨਵੀਆਂ ਟੈਕਸ ਦਰਾਂ:

• 0 ਤੋਂ 4 ਲੱਖ ਰੁਪਏ ਤੱਕ ਦੀ ਆਮਦਨ: ਕੋਈ ਟੈਕਸ ਨਹੀਂ (NIL)
• 4 ਲੱਖ ਤੋਂ 8 ਲੱਖ ਰੁਪਏ ਤੱਕ ਦੀ ਆਮਦਨ: 5% ਟੈਕਸ
• 8 ਲੱਖ ਤੋਂ 12 ਲੱਖ ਰੁਪਏ ਦੀ ਆਮਦਨ: 10% ਟੈਕਸ
• 12 ਲੱਖ ਤੋਂ 16 ਲੱਖ ਰੁਪਏ ਦੀ ਆਮਦਨ: 15% ਟੈਕਸ
• 16 ਲੱਖ ਤੋਂ 20 ਲੱਖ ਰੁਪਏ ਤੱਕ ਦੀ ਆਮਦਨ: 20% ਟੈਕਸ
• 20 ਲੱਖ ਤੋਂ 24 ਲੱਖ ਰੁਪਏ ਦੀ ਆਮਦਨ: 25% ਟੈਕਸ
• 24 ਲੱਖ ਰੁਪਏ ਤੋਂ ਵੱਧ ਆਮਦਨ: 30% ਟੈਕਸ

ਵਿਸ਼ੇਸ਼ ਛੋਟਾਂ ਕਾਰਨ ਹੋਵੇਗੀ ਵੱਡੀ ਬੱਚਤ

ਵਿੱਤ ਮੰਤਰੀ ਨੇ ਕਿਹਾ ਕਿ ਨਵੀਆਂ ਟੈਕਸ ਦਰਾਂ ਦੇ ਨਾਲ, ਟੈਕਸਦਾਤਾਵਾਂ ਨੂੰ ਵਾਧੂ ਛੋਟਾਂ ਵੀ ਦਿੱਤੀਆਂ ਜਾਣਗੀਆਂ। ਪ੍ਰਭਾਵ ਕੁਝ ਇਸ ਤਰ੍ਹਾਂ ਹੋਵੇਗਾ:

1. 12 ਲੱਖ ਰੁਪਏ ਦੀ ਆਮਦਨ 'ਤੇ - ਟੈਕਸਦਾਤਾਵਾਂ ਨੂੰ 80,000 ਰੁਪਏ ਦੀ ਬਚਤ ਹੋਵੇਗੀ, ਜੋ ਕਿ ਮੌਜੂਦਾ ਦਰਾਂ ਅਨੁਸਾਰ 100% ਟੈਕਸ ਛੋਟ ਦੇ ਬਰਾਬਰ ਹੈ।
2. 18 ਲੱਖ ਰੁਪਏ ਦੀ ਆਮਦਨ 'ਤੇ - 70,000 ਰੁਪਏ ਦੀ ਸਿੱਧੀ ਟੈਕਸ ਛੋਟ ਉਪਲਬਧ ਹੋਵੇਗੀ, ਜੋ ਕਿ ਮੌਜੂਦਾ ਦਰਾਂ 'ਤੇ 30% ਦੀ ਟੈਕਸ ਰਾਹਤ ਹੈ।
3. 25 ਲੱਖ ਰੁਪਏ ਦੀ ਆਮਦਨ 'ਤੇ - ਟੈਕਸਦਾਤਾਵਾਂ ਨੂੰ 1.10 ਲੱਖ ਰੁਪਏ ਦੀ ਬਚਤ ਹੋਵੇਗੀ, ਜੋ ਕਿ ਮੌਜੂਦਾ ਦਰਾਂ ਅਨੁਸਾਰ 25% ਟੈਕਸ ਰਾਹਤ ਹੈ।

ਆਮ ਜਨਤਾ ਨੂੰ ਕਿਵੇਂ ਫਾਇਦਾ ਹੋਵੇਗਾ?

ਇਹ ਨਵੀਂ ਪ੍ਰਣਾਲੀ ਖਾਸ ਤੌਰ 'ਤੇ ਮੱਧ ਵਰਗ, ਕੰਮਕਾਜੀ ਲੋਕਾਂ ਅਤੇ ਕਾਰੋਬਾਰੀਆਂ ਲਈ ਲਾਭਦਾਇਕ ਹੈ। ਨਵੇਂ ਸਲੈਬਾਂ ਅਤੇ ਛੋਟਾਂ ਦੇ ਕਾਰਨ, ਟੈਕਸਦਾਤਾਵਾਂ ਦੇ ਹੱਥਾਂ ਵਿੱਚ ਵਧੇਰੇ ਪੈਸਾ ਹੋਵੇਗਾ, ਜਿਸਨੂੰ ਉਹ ਖਰਚ ਕਰਨ, ਨਿਵੇਸ਼ ਕਰਨ ਜਾਂ ਬੱਚਤ ਕਰਨ ਲਈ ਵਰਤ ਸਕਦੇ ਹਨ। ਇਸ ਨਾਲ ਘਰੇਲੂ ਮੰਗ ਅਤੇ ਆਰਥਿਕਤਾ ਨੂੰ ਹੁਲਾਰਾ ਮਿਲਣ ਦੀ ਸੰਭਾਵਨਾ ਹੈ।

ਸਰਕਾਰ ਨੂੰ 1.02 ਲੱਖ ਕਰੋੜ ਰੁਪਏ ਦਾ ਮਾਲੀਆ ਨੁਕਸਾਨ ਹੋਵੇਗਾ

ਇਸ ਟੈਕਸ ਛੋਟ ਅਤੇ ਨਵੀਂ ਸਲੈਬ ਪ੍ਰਣਾਲੀ ਕਾਰਨ, ਸਰਕਾਰ ਨੂੰ 1 ਲੱਖ ਕਰੋੜ ਰੁਪਏ ਦਾ ਸਿੱਧਾ ਟੈਕਸ ਅਤੇ 2,600 ਕਰੋੜ ਰੁਪਏ ਦਾ ਅਸਿੱਧਾ ਟੈਕਸ ਦਾ ਨੁਕਸਾਨ ਹੋਵੇਗਾ।