Boat accident: ആലപ്പുഴയിൽ തീർത്ഥാടകരുമായി പോയ വള്ളം മുങ്ങി

Boat accident in Alappuzha: നാഗംകുളങ്ങര അമ്പലത്തിലെ ആയില്യം കഴിഞ്ഞ് മടങ്ങിയവരാണ് അപകടത്തിൽപ്പെട്ടത്.

ആലപ്പുഴ: ആലപ്പുഴയിൽ തീർത്ഥാടകരുമായി പോയ വള്ളം മുങ്ങി അപകടം. വയലാർ നാഗംകുളങ്ങര കടവിലാണ് വള്ളം മുങ്ങിയത്. ഇന്ന് രാവിലെ പതിനൊന്നരയോടെയാണ് അപകടം നടന്നത്.

നാഗംകുളങ്ങര അമ്പലത്തിലെ ആയില്യം കഴിഞ്ഞ് മടങ്ങിയവരാണ് വള്ളത്തിലുണ്ടായിരുന്നത്. വള്ളത്തിൽ ഉണ്ടായിരുന്ന 12 പേരെയും രക്ഷപ്പെടുത്തി. രണ്ട് പേർ ചികിത്സയിലാണ്.

ഇടുക്കി നെടുങ്കണ്ടം കവുന്തിയിൽ മണ്ണിടിച്ചിൽ; വ്യാപക നാശനഷ്ടം

ഇടുക്കി: നെടുങ്കണ്ടം കവുന്തിയിൽ റോഡിന്റെ സംരക്ഷണ ഭിത്തി തകർന്ന് കൃഷി നശിച്ചു. കവുന്തി - അഞ്ചുമുക്ക് റോഡിലും എഴുകുംവയൽ പുന്നക്കവല റോഡിലും ഭാഗികമായി ഗതാഗതം തടസപ്പെട്ടു.

കവുന്തി അമ്പലമേട് റോഡിന്റെ അശാസ്ത്രീയ നിർമ്മാണം മൂലം മഴവെള്ളം കുത്തിയൊലിച്ചാണ് സംരക്ഷണ ഭിത്തി ഇടിഞ്ഞ് കൃഷി നാശം ഉണ്ടായത്. കൊച്ചുപറമ്പിൽ ഷിബുവിന്റെ ഒന്നര ഏക്കറോളം ഏലം കൃഷി നശിച്ചു.

മണ്ണിടിച്ചിലിൽ ചിരട്ടയോലിൽ ബാബു, പുളിയ്ക്കൽ തോമസ്, പെരുവിലങ്ങാട്ട് ബിജു, കുറ്റിയാനി സോണിച്ചൻ എന്നിവരുടെ വീട് അപകടാവസ്ഥയിലായി. കുട്ടൻകവല, പുന്നക്കവല മേഖലകളിലും മണ്ണിടിഞ്ഞും മരം കടപുഴകി വീണും കൃഷി നാശം സംഭവിച്ചിട്ടുണ്ട്.