Pocso Case: വണ്ടിപ്പെരിയാറിൽ ആറ് വയസുകാരിയെ പീഡിപ്പിച്ച് കൊന്ന കേസ്; പ്രതിയെ വെറുതേ വിട്ട് കട്ടപ്പന അതിവേ​ഗ പോക്സോ കോടതി

Vandiperiyar Pocso Case: അർജുൻ കുറ്റം ചെയ്തെന്ന് പോലീസിന് തെളിയിക്കാനായില്ലെന്ന് കോടതി. അർജുൻ കുറ്റക്കാരനല്ലെന്ന് കോടതി നിരീക്ഷിച്ചു.

ഇടുക്കി: ഇടുക്കി വണ്ടിപ്പെരിയാറിൽ ആറ് വയസുകാരിയെ ബലാത്സം​ഗം ചെയ്ത് കൊന്ന കേസിലെ പ്രതിയെ വെറുതേ വിട്ട് കട്ടപ്പന അതിവേ​ഗ പോക്സോ കോടതി. അർജുൻ കുറ്റം ചെയ്തെന്ന് പോലീസിന് തെളിയിക്കാനായില്ലെന്ന് കോടതി.

അർജുൻ കുറ്റക്കാരനല്ലെന്ന് കോടതി നിരീക്ഷിച്ചു. പോലീസ് നിരത്തിയത് കൃത്രിമ സാക്ഷികളെയെന്ന് പ്രതിഭാ​ഗം. ബലാത്സം​ഗവും കൊലപാതകവും തെളിയിക്കാനായില്ല. കോടതിക്ക് പുറത്ത് കുട്ടിയുടെ കുടുംബാം​ഗങ്ങൾ പ്രതിഷേധിക്കുന്നു.

നീതി നിഷേധിക്കപ്പെട്ടെന്നും പ്രതി എല്ലാ സംവിധാനങ്ങളെയും വിലയ്ക്കെടുത്തുവെന്നും കുട്ടിയുടെ മാതാവ് ആരോപിച്ചു. കേസിൽ പുനരന്വേഷണം വേണമെന്ന് പ്രതിഭാ​ഗം ആവശ്യപ്പെട്ടു. കേസിൽ നീതി നടപ്പായെന്നും യഥാർഥ പ്രതിയെ കണ്ടെത്താൻ പുനരന്വേഷണം ആവശ്യപ്പെടുമെന്നും പ്രതിഭാഗം അഭിഭാഷകൻ പറഞ്ഞു. 2021 ജൂൺ മുപ്പതിനാണ് ആറ് വയസുകാരി കൊല്ലപ്പെട്ടത്.