Wayanad Hartal: 'ദുരന്തമേഖലയിലെ ജനങ്ങളോടുള്ള ഹർത്താൽ നിരാശപ്പെടുത്തുന്നു'; വയനാട് ഹർത്താലിനെതിരെ കടുത്ത വിമർശനവുമായി ഹൈക്കോടതി

Wayanad Hartal: അധികാരത്തിലുള്ള എൽഡിഎഫ് ഹർത്താൽ നടത്തിയതെന്തിനാണെന്ന് ചോദിച്ച് ഹൈക്കോടതി.

വയനാട്ടിലെ എൽഡിഎഫ് - യുഡിഎഫ് ഹ‍ർത്താലിനെ വിമർശിച്ച്  ഹൈക്കോടതി. ഹർത്താൽ നിരുത്തരവാദപരമായ സമീപനമാണെന്ന് കോടതി വിമർശിച്ചു. പെട്ടെന്നുള്ള ഹർത്താൽ അംഗീകരിക്കാനാവില്ലെന്നും ദുരന്തമേഖലയിലെ ജനങ്ങളോടുള്ള ഹർത്താൽ നിരാശപ്പെടുത്തുന്നുവെന്നും ഡിവിഷൻ ബെഞ്ച് പറഞ്ഞു.

അധികാരത്തിലുള്ള എൽഡിഎഫ് ഹർത്താൽ നടത്തിയതെന്തിനാണെന്ന് കോടതി ചോദിച്ചു.  ഇത്തരത്തിലുള്ള ഹർത്താൽ അം​ഗീകരിക്കാനാവില്ലെന്ന് പറഞ്ഞ  ഹൈക്കോടതി ഹർത്താൽ മാത്രമാണോ ഏക സമര മാർ​ഗമെന്നും ചോദിച്ചു.  

വലിയ ദുരന്തം നടന്ന മേഖലയിലാണ് ഹർത്താൽ നടത്തിയത്. ദുരന്തമേഖലയിലെ ജനങ്ങളോടുള്ള ഹർത്താൽ നിരാശപ്പെടുത്തുന്നു. ഇത്തരത്തിൽ പെട്ടെന്നുള്ള ഹർത്താൽ അംഗീകരിക്കാനാവില്ലെന്ന് കോടതി വിമർശിച്ചു. 

വയനാട് ദുരന്തത്തെ അതിതീവ്ര ദുരന്തമായി പ്രഖ്യാപിക്കില്ലെന്ന കേന്ദ്ര സർക്കാർ നിലപാടിനെതിരെയായിരുന്നു എൽഡിഎഫിന്റെ ഹർത്താൽ. വയനാട് ഉരുൾപൊട്ടൽ ദുരന്തത്തിലെ വീഴ്ചകളിൽ കേന്ദ്ര-സംസ്ഥാന സർക്കാരുകൾക്കെതിരെയാണ് യുഡിഎഫ് ഹർത്താൽ പ്രഖ്യാപിച്ചത്.