കടുവയുടെ ആക്രമണത്തിൽ 4 പശുകിടാങ്ങൾ ചത്തു

ഇതുവരെ കർഷകർക്ക് നഷ്ടപരിഹാര തുക വനപാലകർ നൽകിയിട്ടില്ല.

ഇടുക്കി: കുണ്ടള സാന്റോസിൽ കടുവയുടെ ആക്രമണത്തിൽ 4 പശുകിടാങ്ങൾ ചത്തു. ക്ഷീര കർഷകൻ ഷൺമുഖന്റ പശുകിടങ്ങളാണ് ചത്തത്. കഴിഞ്ഞ ദിവസം സമീപത്തെ പുൽമേടുകളിൽ മേയാൻ പോയ പശുക്കൾ വൈകുന്നേരമായിട്ടും വീട്ടിലെത്തിയില്ല.

തുടർന്ന് നടന്ന തിരച്ചിലിലാണ് കുണ്ടള സാന്റോസ് കോളനിക്ക് സമീപത്തെ മാട്ടുപ്പെട്ടി ജലാശയത്തിന് സമീപം ചത്ത നിലയിൽ കണ്ടെത്തിയത്. കഴിഞ്ഞ ആറുമാസത്തിനിടെ സാന്റോസ് കോളനി. ചിറ്റിവാര ചെണ്ടുവാര എല്ലപ്പെട്ടി തുടങ്ങിയ എസ്റ്റേറ്റുകളിലെ 50 തോളം പശുക്കളെയാണ് കടുവ ആക്രമിച്ച് കൊന്നത്. നാളിതുവരെ കർഷകർക്ക് നഷ്ടപരിഹാര തുക വനപാലകർ നൽകിയിട്ടില്ല.