ഷാജി കൈലാസ് ചിത്രം കാപ്പ തിയേറ്ററുകളിലേക്ക് എത്തുകയാണ്. ഡിസംബർ 22ന് ചിത്രം റിലീസ് ചെയ്യും. റിലീസിന് മുന്നോടിയായി ചിത്രത്തിന്റെ പ്രൊമോഷൻ പരിപാടികൾ നടക്കുന്നുണ്ട്. പ്രൊമോഷൻ പരിപാടിക്കിടെയുള്ള ആസിഫ് അലിയുടെ ചിത്രങ്ങൾ ശ്രദ്ധ നേടുന്നു.
പൃഥ്വിരാജ് ആണ് കാപ്പയിൽ പ്രധാന കഥാപാത്രത്തെ അവതരിപ്പിക്കുന്നത്. കൊട്ട മധു എന്നാണ് താരം അവതരിപ്പിക്കുന്ന കഥാപാത്രത്തിന്റെ പേര്. ആസിഫ് അലി, അപർണ ബാലമുരളി, അന്ന ബെൻ, ജഗദീഷ് എന്നിവരും ചിത്രത്തിൽ അഭിനയിക്കുന്നുണ്ട്.
ഗുണ്ടകളുടെയും ക്വട്ടേഷൻ ടീമുകളുടെയും കഥപറയുന്ന ചിത്രമാണ് കാപ്പ. ഇന്ദുഗോപൻ ആണ് ചിത്രത്തിന്റെ തിരക്കഥ ഒരുക്കുന്നത്.
ജി ആർ ഇന്ദുഗോപൻ എഴുതിയ 'ശംഖുമുഖി' എന്ന നോവെല്ലയെ ആസ്‍പദമാക്കി ഒരുക്കുന്ന ചിത്രമാണ് കാപ്പ. തിരുവനന്തപുരം നഗരത്തിലെ അദൃശ്യ അധോലോകത്തിന്റെ കഥ പറയുന്ന നോവലാണിത്.
ഫെഫ്‍ക റൈറ്റേഴ്സ് യൂണിയൻ നിർമ്മിക്കുന്ന ആദ്യ ചിത്രമെന്ന പ്രത്യേകതയും കാപ്പയ്ക്കുണ്ട്. തിയറ്റർ ഓഫ് ഡ്രീംസ് എന്ന നിർമ്മാണക്കമ്പനിയുമായി ചേർന്നാണ് റൈറ്റേഴ്സ് യൂണിയൻ ചിത്രം നിർമ്മിക്കുന്നത്.
ചിത്രത്തിന് സെൻസർ ബോർഡ് യു/എ സർട്ടിഫിക്കറ്റ് നൽകിയിരുന്നു
